Жонгүгийг өглөө сэрэхэд хажууд нь хэн ч байгаагүйгээс гадна хичнээн Тэхёны нэрийг дуудавч хаанаас ч гарч ирээгүйд бухимдах, эргэцүүлэх давхцуулсаар буйдангаас босон суулаа.

"Тэхён?" Жонгүг хувцсаа өмсчихөөд давхаргын булан бүрт түүнийг хайн алхах боловч Тэхён огт байхгүй байгаад амандаа дахин хараал тавьсаар үүнийгээ зогсоох агаад байгууллагын хүлээн авагчаас Тэхёны дугаарыг асуувал тэрээр толгой дохисоор түүнд дугаарыг бичин өгөх аж.

"Таны залгасан дугаар холбогдох боломжгүй байна---"

"Сонин юм. Өчигдөр л найдвар төрүүлчихээд" Жонгүг амандаа юу ч юм бувтнан явсаар гэртээ ирээд шууд л орон дээрээ үсрэн хэвтэж, дотроо Тэхёны инээмсэглэх болоод нүдээ анин хөмсгөө зангидаж буй төрхийг хольсоор бодоод эцэст нь өөрөө ч мэдэлгүй инээсэн байх нь тэр.

"Царайлагын дээр тачаангуй"

○○○

"Жин ах аа! Гуйя! Ах аа! Надтай үлд л дээ!"

"Чиний төлөө. Ойлгов уу?"

"Ах аа!!" Тэхён орилсоор хар дарсан зүүднээсээ сэрэх ба түүний нүднээс хэдийнээ нулимс урссан байх аж.

"Ааах" тэр толгойгоо барьсаар орон дээр сууж, чангаар орилоод арай хийн орны хажуудах шүүгээг онгойлгон хайрцагтай эм гарган ирсээр хэд хэдийг аваад ам руугаа хийлээ.

Сүүлийн гурван жил ийм байдалтай байгаа түүний хувьд одоо бол ганц хүсэж буй зүйл нь бүтэн нойртой хонох л байв.

Удтал тайвшран суусан Тэхён сая нэг гайгүй болов гэлтэй орноос босон угаалгын өрөө зүглэлээ.

"Тэнэг амьтан" толинд харан өөрийгөө зүхэх Тэхён орилсоор үүнийг хүчтэйгээр цохин, газар суугаад хэлтэрхийнүүдийг нь гараараа түүж эхлэв.

○○○

"Юугаа хийж яваа юм?" Жимин гайхширсаар хаалганых нь дэргэд зогсох Жонгүгийг харан хэлвэл Жонгүг санаа алдсаар гэрт орон түүнээр хэлүүлэлтгүй буйдан дээр тухлаад авах нь тэр.

"Тэр дөрөв хоног ажил дээрээ ч ирсэнгүй, утсаа ч авсангүй" Жимин түүний хэлсэнд инээд алдсаар цай аягалан өгөөд

"Хэн тэр вэ?" гэвэл Жонгүг цайг аван балгалсаар

"Яагаав, чиний танилцуулдаг Тэхён" хэмээн аягыг буцаан тавьбал Жимин нүдээ томруулаад

"Чи түүнтэй ямар харилцаатай болчихсон болоод ингэтлээ санаашраад байгаа юм?" гээд гайхан харахад Жонгүг мөрөө хавчсаар

"Би ууг нь түүнтэй хосуудын харилцаатай боллоо л гэж бодсон. Гэтэл энэ эсрэгээрээ байгаад зогсохгүй бүр надаас холбоогоо таслахаар шийдчихсэн бололтой" хэмээн гүнээр санаа алдан шанаагаа тулан суувал Жимин толгой сэгсэрсээр

"Горьдсоны чинь гарз байлгүй. Тэр Тэхён чинь жинхэнэ хөлдүү мөс. Ямар ч сэтгэл хөдлөлгүй, бүр инээдэг ч үгүй. Гэсэн чи юу гэнэ вэ? Хосуудын харилцаа? Тэгж мөрөөдөөд яах вэ дээ. Угийн чи ч, тэр ч, бие биенээ тоохгүй. Та хоёр бол жинхэнэ эсрэг туйлууд" хэмээгээд бүр ч Жонгүгийн сэтгэл санааг навс унагаагаад хаячихав.

"Найз юм уу? Дайсан юм уу?" Тэр нүдээ эргэлдүүлсээр буйдангаас босон гэрээс гарах гэвэл Жимин түүнийг гомдож хэмээн таамаглаад

"Явах гэж байгаа юм уу?" гэсээр орилтол Жонгүг эргэн хараад

"Үгүй ээ, шар айрганд гарах гэж байна" хэмээгээд цааш явж, Жимин ч толгой сэгсэрсээр үлдлээ.

○○○

Тор дүүрэн шар айраг барин явах Жонгүг хоёр хүний дараа өөрийнхийг бичүүлэх байсан боловч яг урд нь зогсох малгай, хар цамцаар өөрийгөө тагласан эр хармаагаа ухаад ухаад юу ч гаргаж ирээгүйгээс гадна сүүл рүүгээ буцаах санал худалдагчид тавиад явах гэвэл Жонгүг түүнийг барин зогсоогоод төлөх мөнгөн дүнг нь өгөх нь тэр.

"Баярлалаа. Дараа таарахаараа өгнө өө" өнөөх эр бөхийгөөд цааш явахыг зэхвэл Жонгүг хойноо үлдээсэн ундааг нь барьсаар түүнийг дуудав.

"Хөөе, энийгээ мартчихаж!"

"Өө баярлалаа" тэрээр ундааг аван нэг царайг нь өндийн харвал түүний төсөөлөө ч үгүй хүн байсан нь Жонгүг байж тааран, сандарсаар цааш явах гэсэн ч энэ нь хэдийн оройтжээ.

"Тэхён?"

"Би Тэхён чинь биш ээ" хоолойгоо бүдүүрүүлэн ярих Тэхёныг харсан Жонгүг өөрийн таамгыг зөв болохыг мэдэн инээмсэглэсээр түүний малгайг сөхөн авлаа.

"Мөн л байна даа"

"Яах гээд байгаа юм? Малгай өг" Тэхён түүн рүү муухай харсаар хэлвэл Жонгүг гэнэт л түүнийг тэврэн аваад

"Санаж үхэх гэж байлаа. Яагаад гэнэт алга болчихсон юм?" хэмээвэл Тэхён түүнийг түлхэх гэсэн ч өвдөх гарнаасаа болон дуу алдчих нь тэр.

"Яачихсан юм?" Жонгүг түүний цус нь хатсан гарыг барьсаар асуувал Тэхён түүнээс гараа угзран татаад

"Зүгээр болохоор битгий сүр бадруулаад бай. Бас хүний малгайг өг" гээд Жонгүгаас өөрийн малгайг авах гэвэл Жонгүг түүнд өгөх бус бүр дахин нөгөө гарыг нь атган аваад

"Болохгүй нь ээ" гэсээр чирж эхлэв.

"Хөөе! Хаачих гээд байгаа юм?"

"Гэр чинь хаана юм?"

"Хэлэхгүй ээ" Тэхёны одоог хүртэл эсэргүүцэх байдалд уурссан Жонгүг түүнийг өөртөө татсаар чангаар үнсэн аваад

"Хэл! Тэхён! Үгүй бол би уурлана шүү" хэмээн дахин дахин үнссээр байвал Тэхён нүдээ томруулахын зэрэгцээ эсэргүүцэж ядсаар

"Тийшээ эргээд байгаа барилгын 5 давхарт" гэсэнд нь Жонгүг одоо л нэг үнсэлтээ зогсоон гарнаас нь атгасаар цааш алхлаа.

Тэд эцэст нь барилгын урд ирж, Тэхён олон удаа Жонгүгийг оруулахгүй, хэрэггүй гэсэн ч Жонгүг л юм хойно эсэргүүцсээр байгаад гэрт нь ороод ирэв.

"Эмийн хайрцаг чинь хаана байгаа юм?" Жонгүг орж ирсэн даруйдаа орилон энэ тэрүүгээр явбал Тэхён нүдээ эргэлдүүлсээр гал тогооны дээр байх тавиур луу заан

"Тэнд" хэмээлээ.

Удалгүй хайрцгыг олсон Жонгүг замаараа Тэхёныг чирсээр буйдан дээр ирэн сууж, гарыг нь өөртөө авах аж.

"Яагаад ийм болгосныг чинь мэдэхгүй ч дахиж битгий өөрийгөө бэртээгээрэй. Хэрэв тийм зүйл болвол би магадгүй үхчих байх" Жонгүгийн хувиралгүй ч чин сэтгэлээсээ хэлсэн үгсэд нь Тэхён учраа олохгүй будилж будилж удалгүй доош харан нүүрээ нуусаар суулаа.

"Бохир орсон бол яах юм!" Нухацтай нь аргагүй шархыг цэвэрлэн боох Жонгүг үе үе түүнийг ийм зүйл хийсэнд нь үглэх зангинахын голуур л шүүмжлэн явна.

"Өвдсөн байх даа" гар луу нь зөөлхөнөөр үлээн, санаа зовних Жонгүгийг харсан Тэхён өөрийн зүрхэнд мэдрэгдэх догдлолыг бага багаар мэдэрч ядсаар түүнийг ширтэн суух агаад энэ үедээ яахав, дажгүй байсан ч түүний дараагийн хэлсэн үгс, хийсэн үйлдэлд нь бүр улайгаад явчих нь тэр.

"Хурдан эдгээрэй. Эрдэнэ минь" Жонгүг хэлээд урагшлан түүний гарыг удаан гэгч нь үнсэн авлаа.

○○○

Цааш хээв нэг алхан явах Жонгүгийг цонхоор харан зогсох Тэхён нүүрэндээ багахан инээмсэглэл тодруулан байсан ч Жонгүгийн эргэн хараад зүрх гаргах тэр л үед инээмсэглэл нь замхарч, оронд нь минчийтлээ улайх Тэхён бий болсон юм.

"Боль. Зүрх минь. Чи ингээд байвал би удахгүй үхэх нь"