"ဟယ်လို "

"ဟယ်လို မမလေးပီတိလား ကိုကျော်စွာပါသူဌေးကလွှတိလိုက်လို့ ပစ္စည်းလာပို့တာပါ

ခုအိမ်ရှေ့မှာ မမလေး လာယူလို့ရမလား"

"ဟုတ်ကဲ့ ကိုကျော်စွာ လာယူပါ့မယ်"

ကိုကျော်စွာ ပစ္စည်းလာပို့တာကြောင့် မြန်မြန်လေး ခြံရှေ့သို့သွားကာ ယူလိုက်သည်။

" ဘာပစ္စည်းမို့လို့ ကိုကိုကအကိုကိုပို့ခိုင်းတာလဲဟင်"

"အကိုလဲ သေချာမသိဘူး မမလေးအတွက်လို့ပြောတယ် ပြီးတော့ပစ္စည်းရရင် သူ့ကိုဖုန်းဆက်ပါလို့မှာလိုက်တယ်"

"ဟုတ်ကဲ့ ပီတိဆက်လိုက်ပါ့မယ် အကိုလာပို့ပေးတာကျေးဇူးပါရှင့် ပြီးတော့ ပီတိကအကိုထက်အငယ်ပဲ ပီတိလို့ပဲခေါ်ပါနော်"

"အဲတာက ဘောစ့်"

"ကိုကို ကိုပီတိပြောလိုက်ပါ့မယ်"

"အဲဒါဆို သွားပြီနော်ပီတိ"

"ဟုတ်"

ပါဆယ်ဗူးကြီးအား သယ်ကာအိမ်ထဲပြန်ဝင်လိုက်သည်။အခန်းထဲရောက်တော့ ကိုကိုဆီဖုန်းဆက်ကာ လက်တစ်ဖက်ကပါဆယ်ပုံးကို ပေါက်နေလိုက်သည်။

" ဟဲလို ချာတိတ် ကိုကိုပို့လိုက်တဲ့ ပါဆယ်ရလား "

"ရတယ်ကိုကို ဖောက်နေတာ"

"ခုဖောက်ကြည့်လိုက်"

"ဟုတ်"

ဖုန်းကို စပီကာဖွင့်ကာ ပါဆယ်ကိုဖွင့်ဖောက်လိုက်သည်။ပါဆယ်ထဲမှာမှ နောက်ထပ်ဘူးလေးများထည့့်ထားတာကြောင့် အကြီးဆုံးဘူးလေးအား ယူကာဖောက်လိုက်သည်။အီတလီပိုးဂါဝန် ပန်းရောင်လေးဖြစ်ပြီးရိုးရိုးဂါဝန်အောက်ကားလေးဖြစ်သည်။

"လှလိုက်တာ ဂါဝန်လေးက "

" ကြိုက်လား ကိုကိုကချာတိတ်နဲ့ရိုးရှင်းတဲ့ပုံစံလေးနဲ့လိုက်မယ်ထင်လို့ ဒီဇိုင်နာကိုအဲလိုချုပ်ခိုင်းလိုက်တာ"

"ကိုကိုတော်သွားပြီ တစ်မှတ်"

"မှတ်ထားမယ် တစ်မှတ်နော် နောက်ထပ်ဘူးတွေဖောက်ကြည့်ပါအုံး"

ပါဆယ်တစ်ဘူးကို ယူကာဖောက်တော့ ပန်းမိတ်ကပ်ရောင် ဒေါက်ဖိနပ်လေးထွက်လာသည်။စီးကြာည့်လိုက်တော့ သူမခြေထောက်နဲ့ကွက်တိ ကျနေသည်။

" ဘာလေးလဲ"

"ဖိနပ်လေး လှလိုက်တာကြိုက်တယ် တစ်မှတ်ယူ"

"နှစ်မှတ်ရှိပြီပေါ့ လေးလက်မဒေါက်တော့စီးနိုင်တယ်မလား"

"အင်း စီးနိုင်တယ်"

နောက်ထပ်တစ်ဘူးကိုထပ်ဖောက်တော့ pinkgold တစ်ဆင်စာကစိန်လေးများက တစ်ဖြတ်ဖြတ်လက်နေသည်။

"လှလိုက်တာ"

"ကြိုက်လား"

"ကြိုက်တယ် ဒါပေမဲ့ဒါကြီးကစျေးကြီးလွန်းတယ်"

"စျေးမကြီးပါဘူး ချာတိတ်ရဲ့ချာတိတ်ကိုယ့်ကိုပေးထားတာထက် စာရင်ဒါလေးကအသေးအမွှားပါ"

"ဟင် ကိုကို ကိုဘာလက်ဆောင်မှမပေးထားပါဘူး"

"ပေးထားတယ်လေ ကိုကိုအတွက်တန်ဖိုးမဖြတ်နိုင်အောင်တန်ဖိုးကြီးတဲ့ ချာတိတ် ရဲ့နှလုံးသားလေ ကိုကိုကိုပေးထားတယ်လေ"

"အဟီးီး ကိုကို ကro လိုက်တာ "

"အချစ်ကသင်ပေးတာ ဒါလေးတွေကိုသဘက်ခါ ကိုကိုနဲ့ညစာစားမဲ့နေကျ ဝတ်လာခဲ့နော် ကိုကိုလမ်းထိပ်မှာစောင့်နေမယ်"

"ဟုတ်ကဲ့"

"အဲဒါဆို ကိုကိုဖုန်းချလိုက်ပြီးနော် "

"ဟုတ်ကိုကို အာဘွား အများကြီးချစ်တယ်"

"အင်း ကိုကိုလဲအများကြီးချစ်တယ်နော် ချလိုက်ပြီး"

ကိုကိုဖုန်းချပြီးတာနဲ့ ပီတိတစ်ယောက်အကျင်္ိီတွေဝတ် ဖိနပ်တွေစီးပြီး ရတနာလေးတွေ ဝတ်ကြည့်နဲ့အလုပ်ရှုပ်နေသည်။

"ကျော်စွာ ရုံးခန်းထဲခနဝင်ခဲ့အုံး"

"ဟုတ်ဘောစ့်"

သဘက်ခါ ညနေကျရင် ငါတို့ကုမ္ပဏီက သတင်းကောင်းကောင်းတင်တဲ့ သူကိုဆိုင်မှာစောင့်ခိုင်းထားလိုက် အဲဒါမင်းလုပ်လိုက်"

"ဟုတ်ကဲ့ စိတ်ချပါ"

ပီတိတစ်ယောက် အလုပ်မရှိတော့ စာဖက်လိုက် ဇာတ်ကားကြည့်လိုက် ဆိုင်စောင့်လိုက်နဲ့ တစ်နေ့တစ်နေ့ဖြတ်သန်းနေသည်။ဒီနေ့ဆို

ကိုကိုနဲ့ချိန်းထားတာကြောင့် မျက်နှာကိုသေချာပြင်တင်ချယ်သနေမိသည်။အလှပြင်ပြီးတော့ အဝတ်အစားလဲကာ အကုန်ပြင်ဆင်ပြီးလို့ ကိုယ်လုံးပေါ်မှန်ထဲကြည့်လိုက်တော့ ဖူးကြွနေအောင်လှသော မျက်နှာလေးနဲ့ သွယ်လျားလှပသော ခန္ဓကိုယ်လေးကလှပသော မိန်းမလှလေးမှန်းသိသာနေသည်။ညနေဘက်ဖြစ်တာကြောင့် သူမမေမေအား အပြင်သွားဖို့ဖုန်းလှမ်းဆက်ကာ

ခွင့်တောင်းလိုက်တော့ မေမေကခွင့်ပြုတာကြောင့် အိမ်သော့ခတ်ကာထွက်လာလိုက်သည်။မေမေဆီမှာ သော့ပိုရှိတာကြောင့်

သော့ကိုတော့ သူမယူသွားလိုက်သည်။

ကောင်းကင် ဂါဝန်လေးနဲ့ပြင်ဆင်ကာ ခြေတစ်လှမ်းချင်းလှမ်းကာ သူဆီလျှောက်လာသော ချစ်ရသူူလေးကြောင့် ပြုံးမိသည်။သူ့ချစ်သူလေးသည် ဘယ်ချိန်ကြည့်ကြည့်သိပ်လှပါသည်။ပြီးတော့ သူမကသိပ်ချစ်ဖို့လဲ

ကောင်းသည်။

ကိုကို ကားပေါ်တက်ကာ ကိုကို ကိုကြည့်တော့ suit အပြည့်ဝတ်ထားကာ ချောမောသောရုပ်ရည်နဲ့ခန့့်ညားနေသည်။စားသောက်ဆိုင်ရောက်တော့ အပြင်အဆင်တွေက ရောင်စုံမီးလေးများနဲ့လှပနေကာ သူမတို့နှစ်ယောက် ဝင်ထိုင်ပြီးစားစရာများမှာကာစောင့်နေချိန်ထိ တစ်ခြားစားသုံးသူများမရှိတာကြောင့်

"ကိုကို ပီတိတို့နှစ်ယောက်ပဲရှိတယ်နော် တစ်ခြားစားသုံးသူလည်းမရှိဘူး"

"ဘယ်ရှိမလဲ ကိုကိုကတစ်ဆိုင်လုံးငှားထားတာလေ"

"ဟင် ဟုတ်လား ဘာလုပ်မလို့လဲ လူနှစ်ယောက်ပဲစားမယ့့်ဟာကို ကိုကိုပိုက်ဆံတွေကုန်မှာပေါ့"

"ဒါက အကြောင်းရှိတယ် နောက်မှပြောပြမယ် လောလောဆယ်ဗိုက်ဆာနေတာမလား

အရင်င်စားရအောင်"

"ဟုတ်"

စားသောက်ပြီး အချိုပွဲစားနေတုန်း ဘေးနားကို ရောက်လာသော တယောတီးတဲ့သူကြောင့် ကိုကို ကိုမေးမယ်လုပ်တုန်း ကိုကိုကရုတ်တရက်ုတ်တရက် သူမရှေ့ဒူးတစ်ဖက်ထောက်လာတာကြောင့် သူမကြောင်ကာကြည့်နေမိသည်။ပြီးတော့ ကိုကိုက အိတ်ကပ်ထဲက

ဘူးလေးထုပ်ကာ ဖွင့်လိုက်တော့ ပန်းရောင်စိန်လက်စွပ်လေးကြောင့် သူမကြောင်နေကာမှ သတိဝင်လာကာ ပျော်လွန်းလို့လက်တွေတုန်ကာ ရင်တွေခုန်နေမိသည်။

ကောင်းကင်သူ့ချစ်သူလေးက သူရဲ့လုပ်ရပ်ကြောင့်အံအားသင့့်ကာကြည့်နေတာကြောင့်

သူသူမအားတစ်ချက်ပြုံးကာ

"ချာတိ်တ် ကိုကို ကိုလက်ထပ်ခွင့်ပြုပါနော်

ကိုကိုဘက်က စောမှန်းသိပါတယ်ဒါပေမဲ့ကိုယ်တို့အတူရှိရမယ့်ရက်တွေပိုများလာအောင် ခုကတည်းကအတူရှိချင်နေတာမို့

ကိုကို ကိုလက်ခံမယ်မလားဟင်"

"ဟုတ် ပီတိလက်ခံပါတယ်"

ပြောရင်း ခေါင်းပါတစ်ဆတ်ဆတ်ညိတ်နေမိသည်။သူမ ဘဝမှာချစ်တဲ့သူဆီက လက်ထပ်ခွင့်တောင်းခံရတာလောက် အပျော်ရွှင်ဆုံးနေ့ဆိုတာ မရှိတော့နိုင်ပေ။

သူမဆီက လက်ခံတဲ့အဖြေကြောင့် သူသူမလက်ကိုဆဲွကိုင်ကာ လက်စွပ်လေးကိုစွပ်ပေးပြီး လက်ဖမိုးနုနုလေးကာတစ်ချက်နမ်းကာ

မတ်တပ်ရပ်ပြီး သူမကိုတင်းကျပ်စွာ ဖက်ထားလိုက်သည်။ပြီးတော့ နှုတ်မှလဲ

"ကျေးဇူးပါ ချာတိတ်ရယ် ကျေးဇူးပါ"

"ပီတိကလဲ ကိုကိုအချစ်တွေအတွက်ကျေးဇူးပါ"

ဆိုပြီး လူချင်းခွာကာ သူကသူမခါးလေးကိုဖက်ပြီး နှုတ်ခမ်းလေးကို တစ်ချက်နမ်းလိုက်သည်။ နှစ်ယောက်သားကြည်နူးစွာ တစ်ယောက်မျက်နှာ တစ်ယောက်ကြည့်နေတုန်း

ဝန်ထမ်းတစ်ယောက် ပန်းစီးလာပေးတာကြောင့် ကိုကိုကယူကာ သူမလက်ထဲထည့့်ပေးသည်။ပန်းတွေကလဲ ပန်းရောင်နှင်းဆီတွေပဲ ဖြစ်သည်။ဒီနေ့ကတော့ သူမတို့နှစ်ယောက်ရဲ့ ပန်းနုရောင် ချစ်ရိပ်ညနေခင်းပဲဖြစ်ပါသည်။

#Moon shine

ပီတိဝတ်တဲ့ဂါဝန်လေး