" Бид бүгдийг нуусан нь дээр гэж бодож байна уу? "

Тэхён урагшаа зам харан явангаа миний асуултанд тэр дороо хариулаагүй ч удалгүй нааш харалгүйгээр чимээгүй хариуллаа.

" Хэнээс? Бүх хүнээс үү?"

Тэрээр баруун гараа жолоон дээрээ тавин зүүн гараараа уруулныхаа доогуур илэн явуулах ба надруу асуулт хүлээн бор нүдээрээ харав.

" Зүгээр л хэрвээ хэн нэгэн мэдчихвэл чиний нэр төрд ч халдах байх. Стилисттэйгээ холбогдлоо гэж... "

" Зүгээр ээ Юра надад хамаагүй. Надад хүмүүсийн юу бодох хамаагүй. "

Ногоон гэрэл асан Тэхён хаазаа гишгэн явах ба би пальтоныхоо хормойгоор оролдон харцаа доош бууруулав.

" Чиний бодож байгаа шиг юмс амархан биш Тэхёна. Хэрвээ хүмүүс мэдчихвэл чи ч тэр надад ч тэр бүх зүйл нуран унана шүү дээ. За би ч яахав. Би зүгээр л нэг стилист. Харин чи . Чи бол хүн бүрийн дуртай алдартай хамтлагийн гишүүн. "

" Гуйж байна Тэхён. Намайг ойлгооч. "

Тэрээр гэрийн минь урд ирэн машиныхаа хөдөлгүүрийг унтраах ба миний түрүүнээс хойш хормойноосоо барьсан байсан гарыг минь дулаахан гараараа атган , надруу хараад дөлгөөхөн инээмсэглэлээ.

" .... за за. Хэрвээ чи хүсч байгаа бол. "

Гэхдээ түүний инээмсэглэл нүдэндээ хүрсэнгүй.

***

" 30 минутын дараа БиТиЭс гарна шүү. Бэлэн байгаарай. "

Дууны программын найруулагч хэлэхэд өрөөнд хөдөлгөөн орон хүн бүр хийж байсан зүйлсээ улам түргэсүүлэхэд , хөдөлгөөнөө давтаж байгаад ширээн дээр байсан устай аягыг унагаснаас хаа сайгүй шил болж түүнийг нь шүүрдэж явсан би ч мөн адил хурдан шүүрдэж эхлэв.

" Би хэлсэн шүү дээ Тэхён . Би ганцаараа хийчихнэ. Чи явж микрoфон хувцас зэргээ янзлуулж байлдаа. "

Хуурай салфеткаар газраар асгарсан ус арчих Тэхён инээмсэглэн толгойгоо сэгсрээд

" Зүгээр дээ " хэмээнгээ эрхий хуруугаа гозойлгоход би урдуурх үсээ үлээн арагшлууллаа.

" Үгэнд орохгүй чи нээрээ. "

Тэрээр чимээгүй жуумалзан инээгээд салфеткийг өрөөний буланд байх хогийн савруу шидэх ба гоол ороход гараа өргөн надруу хараад

" Чи сая харсан уу? "

" Юу? " Би гараа гөвөн газраас өндийнгөө хогийн савруу ч бас шилний үртэсүүдийг гулсуулахад Тэхён ,

" Би түрүүн хэний ч харж чадахгүй зүйлийг үзүүлчихлээ. Ээе~ " хэмээн духаа гаран дээрээ тавин амандаа тоглосон инээмсэглэл тодруулж

" би ч үнэхээр чадварлаг залуу юм аа " хэмээв.

Би толгойгоо зөөлхөн сэгсрэнгээ инээхэд нэг хамтлагийн бичлэг авах нь дуусах ба хичнээн цаг байсан ч гэсэн стилист менежэрүүд бүгд арын тайзруу хамтдаа явлаа.

Цагаан урт хонгил шиг коридороор хажуугаар зөрөх зөндөө хүмүүс байвч гэнэт урд алхах тэд алхаагаа намсган доош бөхийж эхлэхэд би хэн урд байгааг нь хараагүй ч хамтдаа бөхийх ба дараа нь харахад нилээдгүй олон царайлаг эрчүүд хажуугаар өнгөрөн явж байлаа. Хэтэрхий царайлаг.

Тэд бичлэгээ авч дуусгасан бололтой ихэнхийнх нь духнаас хөлс бурзайхад , урд нь байсан ахлагч бололтой царайлаг бор үстэй эрэгтэй манайханруу харж амжилт хэмээх ба ардаас нь бүгд инээмсэглэн , нэг арай намхандуу гишүүн нь өндөрийнхөө нуруулуу үсрэн үүрүүлж бусад нь ёслон явж байв.

Намжүүн Жимин гээд л бүгд инээмсэглэн баярласнаа илэрхийлэн ёслон өнгөрцгөөх ба бүгд өнгөрцгөөсний дараа би хамгийн ард нь алхах өндөр туранхай хэрнээ биеийн харьцаа сайтай гишүүнрүү харахад тэр нь бас нааш харан алхаж байснаа надтай харц тулгарсан даруйдаа хурдтайгаар цааш харлаа.

Хэчнээн яагаад нааш харж явсаныг нь мэдээгүй ч би их юм бодолгүй цааш алхалангаа тэр эрэгтэйг цааш харсаны дараа нуруун дээрх бичгийг нь сониуч зангаасаа болж нүдээ жижигсэгэн байж уншив.

Эксо

У Сэүн.

***

Хуваарьт бүх ажлаа хийж дууcгасан даруйдаа би өөрийн ариухан цагаан сэтгэлээрээ цэвэрлэгч өвдсөнөөс менежэр , стилистүүдийн өрөө болон бэлтгэлийн өрөө зэргийнх нь шалыг цэвэрлэхээр үлдлээ.

Нуруун дээрх ажил минь тоолж барамгүй их байлаа ч анхнаасаа янзалж л эхэлсэн би одоо ч хүртэл янзлахад алдаад байх зүйл байсангүй.

Савтай усыг гарган би гараа гөвөнгөө стилистийн өрөөний гэрлийг унтраагаад хаалгыг нь хааж дараа нь шалны модтойгоо бэлтгэлийн өрөөлүү алхав.

Ажлын цаг аль хэдийн өнгөрсөн байсан учир ажлын ихэнх өрөөнүүдийн хаалга түгжээтэй бас гэрэл унтраастай байх ба алхах хүн цөөхөн байлаа. Толгойдоо орж ирсэн хамаагүй аяыг амандаа аяалсаар би бэлтгэлийн өрөөний урд ирэхэд халаасанд утас биржигнэн харахад манай хөрш айлаас мессэж ирсэн байв.

' Юра түрээсийн эмэгтэй чамайг хайгаад хаалгыг чинь тогшоод байна? Хэзээ ирэх юм? Хүүхэд минь чимээнд унтаж чаддаггүй ээ. '

Амандаа хараан би эргүүлэн

' Ажлаа хараахан дуусаагүй байна. Удахгүй очиод бүх зүйлээ шийдье ээ гээд хэлээд өгөөч баярлалаа эгчээ. Төвөг удаж байгаад үнэхээр уучлаарай. ' хэмээн бичээд илгээхдээ одоо бас юу хүсээд байгаа нь уур хүргэж байлаа.

Ханан дээрх бүх бичгийг би өөрөө будсан , хагарсан шил хогыг би бүгдийг нь сольж түүчихсэн байхад одоо бас хүсээд байгаа юм бол?

Өөртөө санаа алдан бэлтгэлийн өрөөний хаалгыг онгойлгоход дотор хэдэн хүмүүс чангаар дуу тавин бэлдэж байснаа намайг харан бүгд гацацгаав.

" Яасан Юра? " Tэхён эхэндээ инээмсэглэн хэлсэн ч миний гарандаа барьсан зүйлсийг харан инээмсэглэл нь дурамжхан төрхөөр солигдолоо.

" Би чамд битгий цэвэрлэж бай гэж хэлсэн биз дээ? Чи стилист болохоос цэвэрлэгч биш. "

Би " зүгээр ээ " хэмээн чимээгүй шивнэнгээ инээмсэглэж өрөөн дотор байх бүжигчид , царайг нь харж байгаагүй хүмүүсрүү бөхийн

" Сайн байна уу? Та нарыг болсоны дараа би цэвэрлэх үү эсвэл одоо цэвэрлэх үү? " хэмээн асуухад ихэнх нь амандаа ойлгомжгүй үг бувтнасаар намайг цэвэрлэ хэмээн өрөөнөөс бүгд шахуу гаран явцгаалаа.

Бүгд гарч хаалга хаагдсаны дараа хаалганы тэнд зогсож явсан Тэхён надруу алхаж ирэн

" Энэ зүгээр биш Банни. Чамайг ашиглаад байгааг чи ойлгохгүй байна уу? "

Би түүний духыг нь зөөлхөн цохиход тэрээр өвдөлтөнд гиншин духаа барих ба би уруулаа жимийн хөмсгөө багахаан зангидаад

" Би тийм амархан ашиглуулчих хүн шиг харагдаад байна уу? Тийм бол Тэхён чи намайг буруу л бодож байна даа. " хэлэхэд Тэхён уруулаа цорвойлгон духаа барьсаар зогсов.

Би өөрийн эрхгүй түүний хүүхэд шиг бүх зүйлд нь өхөөрдөн инээмсэглээд түүний хоёр хацраас нь чимхэн " Чи хэзээ ийм жоохон хүүхэд шиг болчихоо вэ? Сүүлд харахад чи надруу муухай хараад зодооныг зогсоогоод л явж байсан юмсан. Хүн залуужих биш хөгшрөх ёстой гэдэг үг худлаа байсан юм байхдаа? "

Тэхён миний яриаг сонсон хайрцган инээлтээр инээгээд бодохын завдалгүй миний хацрыг эргүүлэн чимхэн базав.

" Чи намайг жоохон хүүхэд шиг болгоод байгааг ойлгохгүй байна уу Банни? Өөрийн эрхгүй эр хүн байхаа мартаад байхад. "

Би түүний хачин хэрнээ сэтгэл догдлуулам шалтгаанд инээмсэглэсэн ч хаалганы тэнд зосгох хүний барааг харан гайхшралд гацан орхив.

" Чи түрүүн Банни гэсэн үү?

.... Та хоёр үерхээд байгаа юм уу? "

***

Taera feelings T.T ma heartu~

/taehyung+yura/

(●⌒∇⌒●)

And cant get over the feelings of Hansung dying. I still haven't watched it yet. But i cant~ （Ω_Ω）