-

"Bakit hindi ka pa lumalangoy?"

Napalingon ako sa likod ko nang may marinig akong magsalita. Nakita ko si Yhael na naglalakad palapit sa akin ng nakatopless at may nakasabit na tuwalya sa isa niyang balikat.

Tinapos ko muna uminom bago ako umiling sa kaniya.

"Mamaya na ako konti. Ayoko pa lamigin." I heard him chuckled kaya napalingon ako muli sa kaniya.

"Coincidence lang ba na parehas kayo nang sinasabi na rason ni Bry?"

Nang marinig ang pangalan niya, napalinga-linga ako. Matapos kong makalabas sa comfort room para magpalit, hindi ko pa siya nakikita.

"Nasaan ba siya?"

Naglakad pa siya palapit at umupo sa kabilang dulo ng log na inuupuan naming dalawa. Napaturo siya sa may bandang likuran namin kaya doon ako napalingon.

Mukhang may hinahanap ang damuho sa loob, kaya tumango na lang ako at pinanood ulit sila Chryzette na naglalaro at nagwiwisikan sa tubig.

Ilang minuto ang nakalipas at nakalimutan kong nakaupo pa rin pala si Yhael malapit sa akin. Napansin ko lang ulit nang marinig ko siyang magsalita.

"Ako na lang..." He gulped. "... daw 'yong maghatid sa inyo ni Bry mamaya. Gusto ka pa raw kasi kasabay ni Zette mamaya."

Tumango ako at ngumiti, pagkatapos ay inalis ko na ang tingin ko sa kaniya.

"Okay."