- Энд Хятад хэл мэддэг хүн байгаа юу? Түүнтэй ярилцаж чадах нэгэн хэрэгтэй.

Тэд бүгд дор дороо толгой сэгсэрцгээсэн бөгөөд Бэмбэм Жон Хусог дарга луу ярьж нөхцөл байдлыг бүгдийг нь тайлбарлаж, бидэнд Хятад хэл мэддэг нэгэн хэрэгтэй байгааг дуулгалаа. Энд буй хүмүүс дунд хятад хэлний мэдлэгтэй нэг ч хүн байхгүй, хэл нэвтрэлцэхэд бага зэрэг бэрхшээл тулгарав. Тийм учраас бидэнд сайн орчуулагч хэрэгтэй болсон тул бид тусламж гуйж, Жон Хусог дарга итгэж болох нэг хүн явуулна гэж хэллээ. Ингээд бид орчуулагчаа хүлээхээр болж, аягатай цай буцалгаад тойроод ууж суулаа. Пак Жиминд сая л нэг тохиромжтой цаг нь олдсон бололтой Лисагийн хүч ямар зарчмаар ажилладаг талаар асуув. Би ч гэсэн Лисагийн хүч хэрхэн ажилладаг талаар мэдэхийг хүсэж байсан тул анхааран сонсов.

- Эхлээд Монгол охин хэлэхдээ миний чадвар бол хүрэлцэх гэж хэлсэн. Мэдээж би хүрсэн бүхнийхээ шинж чанарыг мэддэг болсон. Жишээ нь хэрвээ ямар нэг өвчтэй хүн байвал мэдэрнэ, юунаас бүтэж, яаж боссон гээд мэдрэгдсэн. Энэ өрөөний хананд хүрвэл энэ ханыг юугаар хийсэн мэдээлэл нь орж ирдэг. Хүмүүс худал эсвэл үнэн ярьж буй нь сандарч тэвдэж буй нь гээд л, гэтэл өнөөдөр би тэр залуугийн хаана байсан, хаашаа явж буйг мэдэрч байсан. Хүмүүсийн мэдэрч чадах зүйлсийг хамаагүй илүү өргөн хүрээтэй мэдэрч, тэдний юу мэдэрч байгааг мэддэг. Бид халуун цай хүрвэл халуун байна, амталбал гашуун байна гэж мэдэрдэгтэй ижилхэн. Нэг төрлийн зөн совинтой ижилхэн ч бага зэрэг ялгаатай л даа. Хүмүүсийн эргэн тойронд байх үед тэдний дараагийн үйлдлийг таамаглах боломжтой. Гэхдээ хол байх үед бол ямар ч боломжгүй. Бас мэдрэмжүүдийг нь хуваалцах, гэхдээ энэ чадвар маань бүрэн сайн хөгжөөгүй байгаа. Магадгүй бид нар өөрсдийн чадвараа хөгжүүлэхийн тулд бэлтгэл хийх ёстой байх. Би их олон зүйлс туршихыг хүсэж байгаа.

Миний сониуч зан хөдөлсөн тул түүн рүү хараад,

- Надаас юу мэдэрч байна?

гэж би асуулаа.

Лиса инээмсэглээд,

- Танаас үнэхээр их баяр баясал мэдрэгдэж байхыг бодоход гэр бүлтэйгээ амжилттай уулзсан юм шиг байна. Бас биеийн чинь бараг тэн хагас нь чихэр болчхож, өнөөдөр ч гэр бүлтэйгээ их чихэр идсэн бололтой шүү. Бас их уур уцаар, үзэн ядалт байна.

Бусад нь ч гэсэн элдэв юм асууж эхэлсэн ба энэ сүүлдээ тоглоом болон хувирав. Бэмбэм гэнэт год хийж босож ирээд миний урд зогсоод өөрийнх нь хэлснээр лав Тайландаар хэдэн үг хэлж намайг ойлгож буй эсэхийг шалгах ба үүний араас Тэхён надад Японоор ярьж үзэв. Нэг төрлийн Лиса бид хоёр өөрийнхөө чадвараар тоглоом хийж эхэлсэн ба баахан олон хэлээр ярьж, эсвэл Лисад элдэв юм бариулж ямар юмаар хийсэн болохыг таалгаж байсан ба бид нар орчуулагчаа ирэх хүртлээ хэсэг хором ч гэсэн хөгжилтэй байж чадлаа. Бэмбэм рүү Хусог дарга утастан, орчуулагч болон Бэ Жүхён хоёрыг явуулсан, тун удахгүй ирнэ гэж мэдэгдсэн ба үнэхээр л удахгүй нэгэн өндөр, үнэхээр хөөрхөн охинтой хамт Бэ Жүхён орж ирэв. Би тэр охиныг Солонгос гэж бодсон ч арай өөр хэв маяг бүхий царайтай, магадгүй Хятад байх. Гэхдээ бараг загвар өмсөж байсан гэмээр өндөр бас хөөрхөн, биеэ авч явж буй байдал нь их ичимхий бүрэг мэт ажээ. Тийм ээ, хэрвээ энгийн дэлхийд энэ охиныг харсан бол би бараг шүлсээ урсгах байсан биз.( Ижил хүйстэн болно гэж өөр лүүгээ орилж ч мэдэх байсан байх.) Ямар ч л байсан Лиса түүнийг элдэв татлаа түлээ гэж юм хэлээгүй болохоор бид түүнд өөрсдийгөө итгэж болно бас харь гарагийн нэгэн биш гэж ойлгов. Харин ч Лиса гэрлийн хурдаар гүйж очоод гараа сунган,

- Миний нэр Лиса, би Бэмбэмийн эгч байгаа юм. Чиний нэрийг хэн гэдэг вэ?

гээд их л цоглог асуусан ба харин ч энэ охиноос юу мэдэрсэн нь мэдэхгүй, их л дуртай бас нааштай хандав. Бэ Жүхён хоолойгоо засаад,

- Түүний нэрийг Жюви гэдэг. Манай багийн Хятад дах мэдээллэгч байсан юм. Тэр Тайвань хүн, бидэнд яаралтай орчуулагч хэрэгтэй байна гэж мэдээллэсэн тул бид түүнийг авчирлаа. Цаашид ч гэсэн бидэнд туслах болно. Манай багийн хоёр Хятад хэлтэй гишүүний нэг, итгэж болох хүн. Орой та нартай холбоо барьж гарсан үр дүнгийн талаар асуух болно. Ким Жэннигийн хувьд гэвэл түүнийг армид нэг хуарангийн ахлагчаар томилж, цэргүүдийг бэлтгэх ажлыг хариуцуулсан. Одоо энэ бүсийнхэн бүгд дайнд бэлдэж байгаа. Пак Чэёон болон Ким Согжины хувьд тэднийг армийн лабораторийн нэг буланд байрлуулж, цаашид ч судалгаагаа үргэлжлүүлэхийг хүссэн. Энгийн иргэд болон хэд хэдэн эрдэмтэн амьтай голтой үлдсэн байсныг хамтатган үргэлжлүүлж байгаа. Дэлгэрэнгүй мэдээлэл, одоогийн байдлаар юу болоод буйг, тагнуулын алба юу мэдэж байгаа гээд бүгдийг нь та бүхэнд танилцуулж, одоо албан ёсоор ямар алхам хийх хэрэгтэй талаар Хусог дарга ярилцахыг хүсэж байгаа. Бид цаашид яах талаараа бодолцох хэрэгтэй тул өнөө орой арван нэгэн цагаас эхлэн бүх олсон мэдээллүүдээ нэгтгэнэ. Бэмбэм, Ким Тэхён, Пак Жимин та гурав өнөөдөр ямар мэдээлэл олсноо илтгэнэ гэж найдаж байна. Одоо хуралтай тул би явлаа.

Бэ Жүхён ямар ч нүүрний хувиралгүй бараг ханатай ярьж байгаа мэт баахан юм дуржигнуулаад буцан гарлаа. Тэр хоёр машинтай хамт ирсэн ба Жюви гэх охин энд үлдэж байгаа аж. Лиса Тэхён болон Жюви руу харж нэг хэд инээчхээд, Бэмбэмийн чихээс татаад наад нүдээ газраас тат гэж хэлэв. Пак Жимин компьютерээ гаргаж ирээд ямар нэг юм хийж эхэлсэн ба Ким Тэхён ч тэр түүний хажууд сууж хамт хийж эхэллээ. Бид саяын жаахан хугацаанд багахан марзаганасан ч тэд буцан нухацтай байсан бөгөөд өглөөнөөс хойш бэлдэх юм ихтэй байсан гэж ойлгов. Бэмбэм гэнэт ухасхийн босоод ханан дээр ямар нэг төхөөрөмж шиг зүйл нааж эхлэв.

- Хусог дарга ч шуурхай шүү. Би маргааш л иймэрхүү зүйлс хийнэ гэж бодож байсан юм.

Пак Жимин дотроо ингэж бувтнахыг нь сонсчихоод би дотроо инээмсэглэв. Дараа нь Жюви гэх тэр охинтой очиж гар барин танилцаж, ойр зуурын үг солилцсон ба тэр өөрийгөө Хусог ахлагчийн багийн Хятад дах мэдээллэгчийн үүрэг өөр нэгэн гадаад нэртэй Хятад залуутай хамт гүйцэтгэдэг байсан. Мөн аль хэдийнээ өнөөдөр Жонгүгтэй уулзаад өөрт нь Марвелийн хэдэн анги ярьж байгаа юм шиг бүх зүйлийг тодорхой ярьж өгсөн ба үүний талаар дараа илүү тухтай ярилцана гэж хэллээ. Тэр үүнийг их тайвнаар яг л энгийн зүйл мэт хүлээж авсан аж. Бас надад энэ охин нэг тийм Жэннитэй төстэй энергэ мэдрэгдүүлсэн ба би Жон Хусог ахлагчийн багийн гишүүдийн зарим нь гэмт хэрэгтнүүд гэдгийг эргэн санав. Түүний бодол руу өнгийхийг хүссэнгүй.

Лиса болон бид гурав зэргэлдээ буй өрөө лүү орлоо. Кастилл хүн болон түүний найз охин хоёр сэрчихсэн хоорондоо яриа өрнүүлж байсан ба бидний ирэх чимээнээр ярихаа болин толгойгоо өргөв.

Тэдний буй байдал нь үнэхээр л өрөвдөлтэй үзэгдэх ба би тэр Хятад залуу руу харах үед шууд л Еэрим дотор бодогдов. Тэгээд Чэвоны хэлсэн Еэримийн талаар муухай үгс, түүний хийсэн гэж буй гэмт хэрэг, үнэхээр л тэр хэргийг Еэрим үйлдсэн бол би түүнийг уучилж чадахгүй, одоо байгаагаасаа хамаагүй илүү хүчтэй болж магадгүй түүнийг хөнөөхийг хүсэх байх. Энэ талаар бодоход дотор шархирч, би түүнийг өөрөөсөө займчуулаад хийж буй зүйлсдээ л анхаарахаар шийдлээ. Эмэгтэйн зүрх бараг л дэлбэрэх гэж буй мэт цохилж, түүний зүрх задарч үсрэх гэж буй мэт. Харин өнөөх Кастилл хүний зүрхний цохилт энгийнээс энгийн бүр тайван ч гэж хэлж болохоор, нүдээ аниад өөрийгөө тайвшруулж байв. Түүнийг анх барьж байх үед хашхичиж байсан шигээ их орилсонгүй. Биднийг цаашид юу хийх талаар хүлээнэ.

- Чи яагаад энд үлдчихсэн юм? Ганцаархнаа, ижил төрлийнхнөөсөө хол.

Лиса эхэлж түүнээс ингэж асуусан ба Жюви гэх эмэгтэй шууд л орчуулан хэлж өглөө. Харин Хятад залуу зөрүүлэн,

- Би та нарыг юу яриад байгааг ойлгохгүй байна. Харин бид л яагаад гэмгүй хүмүүс болохоор хоригдчихсонд гайхаж байна?

Хэдий надад орчуулга шаардлагагүй хэдий ч Лисад хэрэгтэй тул шууд л Жюви орчуулж байлаа. Миний дургүй бас цухал хүрээд л явчихсан ба уруулаа хазаад түүнийг үнэхээр их үзэн ядаж, алгадмаар санагдаж байв. Лиса хэлэхдээ энэ эмэгтэй түүний эхнэр гэж хэлсэн, гэхдээ надад энэ зүгээр л нэг хөгийн жүжиг мэт үзэгдэж, би гараа атгаад хумслав. Чэвоны хэлсэн үгс миний уурыг үнэхээр хүргэсэн юм.

Лиса тэдний урд түшлэгтэй сандал ойртуулж тавиад,

- Би бүтэн өдөржин энэ тэрүүгээр алхаж, ажиглалт хийсний эцэст миний алхсан бүсүүдэд лав нэг ч харь гарагийн хүн байгаагүй. Мөн танай нэг ахлагч Еэримийн хэлснээр бол, бидний үзэж буйгаар бол эрдэмтдийн төв бааз дээр цуглуулалт хийсний дараа та нар өөр тийшээ явсан. Ямар нэг зүйлд бэлтгэж байгаа байх, тийм үү? Гэхдээ чи яагаад үлдсэн юм? Та нар тагнуул хийх зорилготой хэдэн хүнээ энд үлдээсэн үү? эсвэл чи үлдсэн үү? Чиний нэр Жан Ишин, өмнө нь цэцгийн дэлгүүр ажиллуулдаг байж байгаад энд ирээд цэрэгт хүчин зүтгэж байгаа. Энэ эмэгтэй бол Чэн Шиао та хоёр бүр хуримаа хийсэн байна. Чэн Шиао бол энгийн нэгэн эмэгтэй, танай төрлийн устгах гэж буй хүмүүн төрөлтөн. Чи түүнд хайртай тийм биз дээ? Тийм болохоор л энд үлдсэн тийм биз? Бид танай төрөл дэлхийд заналхийлж буйг, аль эртнээс л хүний бие эзэмдэн амьдарч байсныг чинь мэднэ. Одоо яг юу болох гээд байгааг, чи ухаантай хойно бид бүх мэдээллийг хүсэж буйг мэднэ. Кастилл эсвэл Яакфа гэж дуудах уу чамайг? Алив бүхнээ хэл л дээ залуу?

Лисагийн хэлсэн өгүүлбэр бүрийн араас Жюви орчуулж харин би хажуугаас нь харсаар л байлаа. Хятад залуу хэлсэн үгсэд нь цочирдож байгаа шинж илт, нүүр нь хувхай цайж дотор нь давчдан, зүрх нь шууд л өслөө. Харин би булангаас түүнийг харсан хэвээрээ л байсан бөгөөд, түүний бодлыг ажиглаж байлаа.

Тэр залуу улам амаа үдэж, дотроо Чэн Шиао гэх энэ эмэгтэйг бодсоор л байх аж. Түүнийг амьд үлдээхийг үнэхээр их хүсэж буй нь илт. Бодолд нь түүнийг л амьд үлдээх талаар арга замууд хайсан зүйлээр дүүрэн.

Жюви халааснаасаа хутга гаргаж ирээд Чэн Шиаогийн хүзүүнд ойртуулан барив. Харин Чэн Шиао гэх тэр эмэгтэй юу ч хэлэхгүй зөвхөн Ишин гэх тэр залуу руу ширтэх ба нүдээ аяархан анилаа. Жюви хутгаа түүний чихний дээшээ явуулаад үснээс нь зулгаан дээшээ татаад,

- Тэр үхнэ.

Би Жювиг зогсоох гэж оролдсонгүй. Харин түүний бодлууд дунд юу болж буй нь үзэгдэнэ. Миний нүднээс уур бас өрөвдөх сэтгэл аль аль нь хамсан, түүнээс харах бодлууд дунд энд миний хүч бараг хэрэг байхгүй гэдгийг тод олж харлаа. Түүн дээр хүчээ ашиглах гэснээ больж хойшоо ухрав. Чэн Шиао гэх тэр эмэгтэй юу ч хэлэхгүй ба зөвхөн Ишин лүү л хаож байв. Яачихсан хос вэ?

Би өөрийгөө дайчилсан дайчлаагүй тэр галзуурсан хайрынхаа төлөө өөрийнхөө төрлөөсөө урвах гэж буй бололтой.

Ишин гэх тэр залуу уйлж эхэлсэн ба Жюви өнөөх эмэгтэйн чихнээс нь доош хүзүү лүү нь өнгөцхөн зүсэж орхив. Улаан өнгийн цус газар шалан дээр дусалж эхэлсэн ба би энэ удаад түүний урд тулан зогсоод, толгойгоо тонгойлгон тохиролцоогоо санал болгов.

- Хэрвээ чи юу ч дуугарахгүй бол энэ эмэгтэйг чиний нүдэн дээр хөнөөнө. Харин мэддэг бүхнээ хэлбэл түүнийг амьд үлдээнэ.

Өвдөж буй нь илт эмэгтэй бага зэрэг орь дуу тавьсан ба Ишин гэх тэр залуу уйлан байж бидэн лүү ориллоо. Хашхичиж, нулимс нь урссаар,

- Би бүгдийг нь хэлнэ ээ. Түүнд битгий хүрээч дээ.

Би дотроо бувтнав.

- Үнэхээр галзуу бас аюултай дурлал байна.