Дэлхийд дээгүүр бичигдэх солонгос улсын нийслэлд боломжийн үнэтэй ямар ч асуудалгүй байр олно гэдэг хэцүү. Ганц бие эмэгтэй хүнд бол өнөөх байрандаа ганцаараа амьдрана гэдэг бүр ч аюултай.

Зурагт радиогоор олон зүйл сонсогддог. Энд ийм хэргүүд гарлаа тэнд тийм хэргүүд гарлаа гээд л. Олон охид бүсгүйчүүд алга болж цуврал гэмт хэрэгтнээс одоо хүртэл ямар ч сураг чимээ алга гэх мэт. Ингэж л Сөүлд болоод байгаа хэргийн тоо огцом нэмэгдэж эхэлсэн юм.

Харамсалтай нь сөүлд амьдрах нь яг л барын аманд орсон хурга шиг үргэлж түгшүүр дунд амьдарч байгаа мэт санагддаг.

...

Хөргөгчөө дүүргэх санаатай ойр зуурын идэх юм аваад гэр лүүгээ харьж явтал араас ХэЖин~аа гэж хэн нэгэн чангаар дуудах нь сонсогдох нь тэр.

Эргээд хартал ард хүн байтугай амьтны бараа ч алга энэ гудамжинд ганцхан би л байгаа бололтой хэн ч харагдсангүй.

Гэхдээ сая яах аргагүй намайг дуудсан даа. Эсвэл би хий юм сонссон юм байх даа гэж бодсоор буцаад эргэн хартал өмнө минь

сургуулийн урд дандаа зогсож байдаг залуу нүүр дүүрэн инээмсэглэл тодруулан яг л жентелмэн залуу шиг өөдөөс минь алхаж байлаа.

Гэхдээ түүний урууландаа тодруулсан мушийлт надад ерөөсөө таалагдсангүй. Харахад л зэвүүцэм дотор арзайлгам муухай мишээлт. Нэг л хүйтэн. Хурдхан хажуугаар нь зөрөн алхаад явах гэтэл гарнаас минь чанга гэгч нь атгаад намайг өөртөө нааж орхив.

За ингээд л бүх юм дууслаа миний амьдралын замнал энд ингээд хүний гарт дуусдаг юм байна. Гэж бодсоор түүнийг өөрөөсөө салгах гэж гараа буцааж татан цээжийг нь хойш түлхэж орхив.

Харамсалтай нь тэр чинь эрэгтэй хүн шүү дээ. Эмэгтэй хүн чинь хэдий зоригтой ч цагаа тулахад ийм үед өөрийгөө ямар сул дорой юм бэ гэдгийг улам мэдэрдэг юм байна. Гэтэл санамсаргүй би түүнийг алгадаж орхисон юм.

Энэ нь түүнийг өөрөөсөө салгах нь битгий хэл харин ч улам уурыг нь хүргэчихэв бололтой. Намайг улам чангаар тэврээд над руу эгцэлж ширтэж байгаад

- С-Сайн уу? ХэЖин аа ч-чи намайг таниж байгаа биз дээ? Чи надад өм-өмнө нь тусалсан байх аа тэгээд л...г-гэх-гэхдээ сая яагаад намайг цохиж байгаа юм бэ? Би чамайг гэмтээхгүй ээ. Харин ч би чамайг хамгаалах болно. Хэн ч чамд гар хүрч чадахгүй. Т-Тийм болохоор надаас битгий ай. Би зүгээр л баярласан сэтгэлээ илэрхийлэх гээд энд чамайг зөндөө удаан хүлээж байлаа. Надад тусласанд баярлалаа ХэЖин аа

Гээд өврөөсөө шив шинэхэн улаан сарнай гаргаад над руу сарвайв. Би үнэхээр гайхаж орхилоо. Үл таних залуугийн нүд рүү ширтсээр

- Чи яаж миний нэрийг мэдээд байгаа юм. Тэр үед би чамд нэрээ хэлээгүй шиг санагдах юм. Гэтэл тэр улам сандарч байгаа бололтой гарт нь байх өнөөх сарнай чичирч салгална.

Ирүү нь ч мөн адил яг л өвлийн хүйтэнд даарсандаа дагжин чичирч байгаа хүүхэд шиг нүд нь энд тэнд тэнүүчлэн хэлээрээ шүд, уруулаа долоож шүлсээ залгиад

- Бүх хүн л чиний нэрийг мэднэ шүү дээ. Алдарт 6курсын оюутан Кан ХэЖин гээд л чамайг бүгд мэднэ. Би хүртэл

Гээд тэр бүр сандран яг л саа өвчтэй хүн шиг болж ирээд мөрнөөс минь улам чанга атгалаа. Байдал нэг биш болоод ирэх нь тэр. Ойр хавьд ямар ч хүн алга гэнэт юу болох нь энэ вэ?

- Туслаарай хүн байна уу авраарай гэж хамаг байдгаараа орилтол.

Гудамжны цаанаас хэн нэгэн хүн болиоч гэх нь сонсогдоно.

Өнөөх залуу чихээ даран чимээ гарсан зүг рүү харах үед нь түүнийг өөрөөсөө хамаг чадлаараа түлхэн холдуулаад хар хурдаараа арагшаагаа ч харалгүй учир зүггүй гүйн арай гэж гэрийнхээ урд ирлээ. Аз болж энд олон хүмүүс байж таарсан юм.

Бодоход л хүйтэн хөлс даана. Буцан эргээд хартал ашгүй өнөөх чинь байсангүй. Сая яг юу болоод өнгөрвөө. Амьдралдаа амьд хүнээс ингэж их айж сандарч зугтааж үзсэнгүй. Байнга л сургуулийн үүдэнд зогсож байдаг байсан намайг хүлээдэг байж л дээ. Найзуудтайгаа явдаг байсан болохоор над руу ойртож зүрхлээгүй хэрэг. Ашгүй нэг боломж олдож би ганцаараа амьдрах болсон учраас энд ирсэн байж таараа.

Гар минь учраа олохгүй салгална. Цүнхээ чанга гэгч нь тэвэрсээр цахилгаан шатанд суун гэртээ орлоо.

Гэхдээ энд ч бас нэг тиймхэн.

Харин хаа нэгтээгээс хүн гараад ирнэ гэж айхгүй нь сайн хэрэг.

Манай байрны цонх том бөгөөд гадаа болж байгаа бүхий л зүйлийг харж болохоор цэлгэр. Шинээр худалдаж авсан хөшиг минь арай ядан далдална.

21 давхарт болохоор дээрээс бүх юм үнэхээр сайхан харагдах нь сэтгэлийг түр ч атугай онгойлгодог. Байраа бараг цонхноос гь болоод сонгосон байх. Дэндүү сайхан харагдаж байна. Саяын болсон үйл явдал сандарал ул мөргүй алга болчихжээ. Одоо л нэг юм бүтэн амьсгаа авахтайгаа болж тайвширлаа.

Хувцасаа солиод гэрээ жаал эмхэлж цэгцлээд арай гэж дууссаных нь дараа усанд орохоор алчуур барьсаар угаалгын өрөө рүү алхтал.

Дин.

Утсанд шинэ мэдээ иржээ. Яаралгүй алхсаар утсаа аваад мэдээг гүйлгэн унштал.

Өмнө нь ирсэнтэй яг адилхан мэдэгдэл байв. БиТиЭсийн талаарх мэдээ.

Харин эдгээр хоёр мэдээ хоорондоо асар их ялгаатай учир нь гэвэл нэг нь хууль ёсны жинхэнэ мэдээ худал зүйл огт байхгүй нэвт шувт байх нь тэр.

Энэ мэдээ үнэхээр үнэн байж. Би анхандаа зүгээр л атаархсан хэн нэгний тэнэглэл байх гэж бодсон боловч энэ үнэн байсан байна.

BTS тарах болсон нь үнэн байж.

Гайхширалд автсаны хариуд хатуу шалан дээр утас алчуур хоёр минь зэрэг унах нь тэр. Азаар утас минь алчууран дээр унасан болохоор эвдэрсэнгүй. Харин миний зүрхэнд тийм аврал байсангүй учир нь утас шиг зүрхийг минь унах үед доороос нь тосох алчуур надад байгаагүй юм.

Хэдэн тийш бут үсэрлээ. Яг л газар шидсэн шил мэт. Хаа сайгүй бутран уналаа.