-"Битгий уйлах гээд бай л даа, хамаг будаг чинь урсчихна шүү дээ"

-"Нэг их будсан биш, урсаад шалихгүй шд"

Сохён миний будагтай нүүрэнд санаа нь үхтлээ зовох бол Жиён харин тоосонгүй бараг л уйл уйл гээд хаячихсан аятай үг хаяна.

Төсөөлөөд үз дээ, багадаа үлгэр сонсож дэлгэцийнхээ урд томоотой гэгч нь суугаад үзэсгэлэнт гүнж мөрөөдлийнхөө хайртай залуутайгаа хуримлахаар дэрвэгэр даашинзаа өмсөөд сүрлэг ордонд түмэн олны өмнө гэрлэдэг шүү дээ. Яг л тэр балчир байхаасаа үзэж өссөн нандин хүүхэлдэйн дүрүүд шигээ энэ цаг мөчид би зогсож байна.

Дотор минь лугших зүрх минь өрөөнд байгаа бүхэнд сонсогдох нь уу гэлтэй хүчтэй цохилж, гүнзгий амьсгааг тоогоо алдталаа олон удаа авсан ч хамаг биеийг минь салгалуулж догдлуулах хэмжээнд хүргэсэн тэр үгээр илэрхийлэгдэх боломжгүй мэдрэмжийг минь болиулж чадсангүй.

Зөөлөн торон хормой бүхий сиси даашинзаа өмсөөд өөрийгөө дугараг толинд ширтэхдээ хорвоо дээрх бодит Үнсгэлжин мэтээр төсөөлнө.

Байз, үгүй ээ.. Хэн ч Үнсгэлжинг дуурайж өөрийн замналаа зурагт киногоор үргэлжлүүлэхгүй. Харин энд зөвхөн ирээдүйн Жон Мисү өөрийгөө харан зогсож буй нь энэ юм байна.

Үсэн дээр минь олон чимэглэл тохож, нааж, шигтэж хичнээн их чимэглэл тогтоосон ч энэ бүгд бус нөхрийн минь гар толгойг минь илж үсээр минь наадахад л би өөрийгөө үзэсгэлэнтэй гэдгээ мэдэрдэг аж.

Хачин юм шүү, халууныг үзэн ядаж сэрүүнийг хүсдэг төрлийн хүн мөртлөө Жонгүгийн өгдөг бас мэдрүүлдэг халуу шатам, гал мэт дүрэлзэх хайрыг юу юунаас илүү хүсэмжлэх юм...

-"Би уйлах нь.."

-"Үзэсгэлэнтэй байна даа, охин минь.."

Ээжийн минь хэлсэн энэ үг намайг тайвшрууллаа, хажууд түшиж тулах хүнтэй байна гэдэг чинь яасан сайхан юм бэ?

-"Аав чинь өрөөний гадна хүлээж байгаа, оч доо, миний охин"

Толгой дохин сүүлчийн удаа гүнзгий амьсгаа аван гаргаад аавынхаа өгсөн сарнайн цэцгийн баглааг чангахан гэгч нь атган алхлаа.

Өндөр бор хаалга цааш дэлгэгдэн нээгдэхэд нүд гялбаж, оч үсрэв. Гайхалтай үзэмжлэг чимэглэсэн том заал, хаашаа л харна гял цал бүхнээр дүүрсэн байх аж. Урт нарийхан замын хоёр талаар суусан хүмүүсийн бөөрөнхий ширээ нь зөөлөн нил ягаанаар тодорч харагдах ба түүний илүү тод өнгийн даавуугаар сандалны ард чимэглэн тогтоосон байлаа.

Цэцгийн баглаагаа улам чангаар атгахад шаржигнах цаас нь бүдэг бадаг сонсогдож, хажуунаас "Зүгээр дээ, аавын үр минь" гэх хоолой дуулдана. Нүүрэндээ зөөлөн инээмсэглэл тодруулсан би дотроо хэмжиж баршгүй догдлол жаргалыг тээсээр ааьынхаа гараас сугадаад эхний алхмаа хийлээ.

Удаанаар, явж буй зөөлөн аянд тааруулан хөлөө зөөж сүйт залуугийнхаа өөдөөс хуримын даашинзтай алхар тэр л амьдралд ганцхан олдох гайхамшигтай мэдрэмж...

Цав цагаан хослолтой урдаас минь хараад инээх түүнийг хараад л шууд сандарч байгаа нь мэдэгдэнэ, яагаад ийм өхөөрдөм хэр нь хэний ч харааг булаахаар сайхан залуу болоод төрчихсөн юм бэ?

Хэтэрхий биш гэж үү? Хорвоогийн хамаг сайхан бүгдийг өөрөө авчихаад ингээд улам сайхан болоод миний урд зогсоод байж болох юм уу?

Эцэст нь би алхсаар түүнийхээ урд ирлээ...

Хурууны хээ ч тогтоогүй гэж хэлэхээр цав цагаан хослолтой тэрээр нүдэндээ нулимс цийлгэнүүлэн дээрээс минь доош хэдэнтээ харчихаад байж болох хамгийн гэнэн мөн чин сэтгэлийн инээмсэглэлийг нүдний минь өмнө үзүүллээ.

Тэр минь...

Миний Жонгүг хичнээн их аз жаргалыг дотроо хадгалаад зогсож байгаа бол оо?

Амьдрал гэдэг чинь их сонин, анх хараад л шохоорхож эхлээд эхний уулзалтан дээрээ л шуудхан дурлаад, ядаж л найзууд болж ойр байя гэсэн бодол минь гэрлэлт хүртлээ тулжээ.

Түүнийгээ яаж харагдаж байгаа бол гэсэн түмэн их бодол толгой дотор шуурга үүсгэж, байж суухын аргагүйгээр хөөрч сандарна. Хослолоо өмсөөд ханцуйн товчийг товчлонгоо толинд хальт харахад өөрөөрөө бахархах мэдрэмж төрөөд ч байх шиг..

Би ч сайхан залуу юм аа..

Мисүг гарч ирэхийг хүлээн цааш харан зогсоход зүрх минь замбараагүй ихээр балбаж, түүнийгээ харин дарахаар урт урт амьсгаа авна.

Хаалга чихний минь хойно чихран нээгдэхэд харахыг дэндүү ихээр хүсэж, тэвчээрийн заагт минь тулгаж орхисон нэгэн бүсгүй эцэгтэйгээ өөдөөс намуухан гэгч нь алхсаар ирж байсан юм.

Үзэсгэлэнтэй...

Алмааз эрдэнэ хүртэл түүний минь хажууд хүчин мөхөстөж, дэргэд нь дэндүү бүдэгхэн гэрэлтэж харагдахаар бишрэм их их тансгийг сүйт бүсгүй минь өөрөөсөө гаргаж байна шүү дээ, үгүй гэж үү?

Бараг л уйлах нь, өөртөө ч, энд болоод байгаа бүхэнд ч зурвасхан итгэж өгөхгүй байна. Хааяадаа боддог, энэ их гайхамшиг, бурхны бүтээсэн төгс бүтээл үнэхээр миний гэргий болчихсон юм уу, би ийм зүйл хүртэх эрхтэй хүн үү гэж...

Урд минь инээмсэглэн хүрч ирээд өөдөөс ширтэн зогсохыг нь хараад болдог бол цаг хугацааг зогсоож, төгсгөл хүртлээ энэ чигээрээ л байгаад баймаар санагдана.

Хуримын тангараг нь хурдхан л дуусаасай, эхнэрээ би үнсмээр байх юм...

Ярьж байгаа юм зогсчихоосой, гялс үнсчихээд ядаж үргэлжлүүлмээр байх юм...

Хайр дүүрэн харах харцанд нь үлдсэн амьдралаа өнгөрөөнө гэж бодохоор яагаад ч юм дэндүү ихээр баярлана.

Мисү...

Амьдралын минь нар, амьд явах шалтгаан.

Зүрхний минь эзэн, жижигхэн ертөнцийн хатан,

Сэтгэлийг минь түгжиж орхисон дээрэнгүй жаахан охин,

Ирээдүйг минь хамтдаа туулах болсон үзэсгэлэнт миний эхнэр,

Төсөөлж байснаасаа ч илүү чамд хайртай болчихжээ...

Бөгжөө солилцон зүүж өгөх тэр агшинд "Бурхан минь, Мисү одоо зөвхөн миний л гэргий, зөвхөн минийх, өөр хэнийх ч биш" хэмээх бодол толгойг минь дүүргэж байлаа..

Бөгжөө зүүлгэх тэр агшинд "Ингээд л би түүний нөхөр, эцсийн мөч хүртэл нь дэргэд нь байж ихийг бүтээлцэх Мисүгийн ганц хань!" гэсэн нэгэн хоолой дотор минь цуурайтаж байв...

Үнсэж болно гэж сая л нэг чихэнд сонстоход түүнийгээ чангаар тэврээд гарнаас нь атган үнслээ. Хичнээн их хүлээсэн гэж санана..

Яагаад ийм амттай юм бэ? Мм?

Алга ташилт заал дүүргэхэд миний дуусгахыг үл хүсэх зөөлөн үнсэлт салав. Нүдээ нээгээд дахин Мисүг ширтэхэд нулимс гэгч нүдэнд нь торон тод гэрэлд гялалзан үзэгдэнэ...

Одоо харин бүхий л дэлхий ертөнцөөр дүүрэн өөрсдийгөө зарлахыг хүсэж байна, хүн бүр мэдэж аваг.

'Ийм сайхан бүсгүй миний эхнэр' гэж, 'Ийм сайхан бүсгүй өөрийн болгосон ганц залуу нь би' гэж бүр хашхирмаар санагдаж байна!

"

Аз жаргал над дээр цутгаж байгаа юм шиг... Хаа нэгтээ төөрөлдсөн ихрээ санаандгүй учралаар олчихсон юм шиг, чи бид хоёр нэг нэгэнтэйгээ эгэл бус энгийн байдлаар учирсансан.

Ганцаараа хайрлаж сэтгэлдээ тээсээр төгсөнө байх даа гэж бурханд гутаж заяандаа гомддог байж билээ,

Өөрийн азгүйдэлтэйгээ эвлэрээд найзын хүрээллээр дуусч, хайртай Жонгүгийнхаа хуриман дээр зочдын суудалд дотроо баярлан суух байх даа гэж төсөөлдөг байсансан.

Гэтэл...

Одоо би бурханд талархаж, амьдралд сэтгэл хангалуун байна.

Дэлхий дээрх хэнээс ч илүү азтай бүсгүй би дурлалт залуугийнхаа гэргий болчихоод үлдсэн хугацаагаа гар гараасаа хөтлөөд туулна гэж тангараг өргөж байна шүү дээ...

Миний Жон ноёнтон

Ийм сайхан үйл явдалтай учрах байтугай сургуулиа яаж төгсөнө дөө гэж боддог хэнэггүй хөвгүүн байж билээ.

Хувь заяагаа хэрхэн өрнөх гээд байгааг ч анзаарахгүй хачин айдастай жаал байж дээ.

Унтах, идэхээс өөр зүйлгүй царайлаг нэртэй мөрөөдөлгүй залхуу хүү тэрхүү сахиусан тэнгэрийг хараад л өөрийнхөө дуусашгүй их хүсэл, биелэшгүй мөрөөдлөө олсон гэдэг.

Өдөр бүр зүрхэндээ тээж, хэзээ үерхэж зүрхийг минь бутлах бол доо гэж айж хааяадаа уйлдаг байсан тэр үеэ бодохоор буцаж очоод "Зүгээр дээ, үерхэх хүн нь чи, гэрлэх нь ч чи" гэж хэлмээр санагдаж байна.

Үзэсгэлэнт түүнийгээ ийм байгааг харах эхний бөгөөд эцсийн зураглалт өдөр. Цагаан хуримын даашинз, торон гивлүүр зүүгээд, дэлхий ч дааж чадахааргүй тийм үзэсгэлэнтэй болчихоод дэргэд минь зогсох анхны бөгөөд сүүлчийн дүр төрх,

Сэтгэлд минь тэр чигтээ цоожлогдон, авсанд минь орох хүртэл гацсан пянз, дуут хуурцаг лугаа адил үүрд мөнхөөр хоногшин үлдэх болно...

Миний Жон хатагтай

___________________

Hellooooo!!!😭💜

Эцэст нь нэг юм дуусгалаа🔥😱💜

Орой оруулж байгаад уучлаарай🌝

Намайг бүр ямар их догдолж байгааг ойлгож байгаа хүн байна уу???😆🤣💜❤️

Би бүр хамаг сэтгэл зүрхээ шингээж бичжээ үүнийгээ...🥺❤️

Хамгийн сайхан нандин хайрыг харуулах гэж их хичээлээ..

😭🤔💜

Хэлэх өөр үг алга аа, ёстой сайхан бас гунигтай байна😭👀❤️

1. Хайртай гээд хүчилж огт болохгүй!

2. Ямар нэгэн юм болсон бол бие биедээ хэлж ойлгуулж байгаарай, итгэлцэл оршино.

💜🥺❤️

Заа тэгээд энэ гунигтай хэсэг ихтэй эморол болон зовлон ихтэй байхаар анх төлөвлөгдөж байсан юм даа😆👀

Энэ хүртэл уншиж ирсэн бүх хүнд баярлалаа!

[💜🥺

❤️🥺💜🙆‍♀️

😚☺️

❤️❤️