"Хэсон тусалж байгаад баярлалаа" Жин зуухан дээр хийх хоолоо амтлангаа хажуудаа аяга угаана зогсох Хэсонд хандан хэлэхэд Хэсон инээмсэглээд "Зүгээр дээ. Би ч бас тусалж байгаадаа баяртай байна"

Жин хариу инээмсэглэн "Уг нь бид чамайг угтаж авахаар их хичээсэн боловч эцэст нь бүтэлгүйтчихлээ. Уулаарай" Жин санаа зовнисон сонсогдоход Хэсон тэдний энэ найрсан байдалд баярлан "Харин ч би ингээд хамтдаа хоол хийсэн чинь үнэхээр дотно санагдаж байна" хэмээн инээмсэглэн хэлэв.

"Чамайг ингэж бодож байгааг мэдэхэд сайхан байна. Тэр хэдийг гал тогоонд оруулвал ийм л зүйл болно. Хар нүх л гэсэн үг" гэхэд Хэсон инээд алдан "Харин таны хоол хийх чадвар гайхалтай юм аа. Тэд ч ийм том ахтай үнэхээр азтай юм аа"

"Юу? . . . Аан, ммм. баярлалаа хэмээн дотроо бодсон бяцхан бодлоо өөртөө л хадгалахаар шийдэн өөр зүйл хэлэхийг хүссэнгүй. Тэднийг ийн ярилцан хоол хийж байх зуурт зочны өрөөнд байх бусдынх нь дуу улам чангаран, орилолдож яг л цэцэрлэгийн хүүхдүүд гэлтэй.

Бүгд орой хоолоо идэхээр ширээний ард тухлахад Жонкүк "Хөөх, энэ Хэсоны хийсэн хоол уу? Амттай харагдаж байна" гэсээр урдаа байх таваг руу савхаа явуулахад "Чиний хувьд бол эгч шүү, Жонкүкаа" Жимин ёжлонгүй хэллээ.

"Эээе, Тэгээд би л ганцаараа эгч гэж дуудах юм уу" гэж гомдлоход бүгд хэсэг чимээгүй болоод гэнэт дуу алдан инээлдэв.

"Зүгээр дээ. Бид нэг оных тэгэхээр чи намайг зүгээр л Хэсон гэж дуудаж болно оо" хэмээн Жонкүкийг аргадах мэт түүнийг өхөөрдсөөр хэлэхэд Жонкүк баярлан дуу алдсаар "Ашгүй дээ. Тэгвэл зүгээр л Хэсон гэж дуудаж байя" гэж хэлээд эргэн Хэсон руу харан "Гэхдээ яаж бидний насыг мэдсэн юм бэ? Уг нь бид зөвхөн нэрээ л хэлсэн гэж бодсон юм сан"

Хэсон анхнаасаа тэднийг мэддэг, дуу бичлэгийн үздэг фен нь гэдгээ мэдэгдэхийг хүсээгүй боловч өөрөө ч анзааралгүй хэлсэн үгээ сая л анзаарав.

Жин "Тэрийг би чамайг ингэх ч болов уу гээд Хэсонд хэдэн зүйл хэлсэн юм" гээд инээмсэглэхэд Жонкүк "Аан, тийм байх нь ээ. . . Гэхдээ Хэсонаа чи үнэхээр биднийг танихгүй гэж үү?" гэж асуухад тэрээр зүгээр л тоглоомоор асуугаагүй гэдгийг түүний нүднээс тодхон харж болохоор аж.

Хэсон эргэлзээ дундаа хариултаа шийдэж үл чадна . . . Хэдийгээр тэрээр үнэнийг хэлэхийг хүсэвч шүтэн бишрэгчийн хувиар Тэхёны хажууд үлдэх хэцүү болоод хүндээс гадна ихэнх айдолуудын адилаар тэднийг ч мөн шүтэн бишрэгчтэйгээ харилцаа тогтоохыг сайнаар хүлээж авахгүй гэдгийг дотроо сайн мэдэж байсан учир энэ нууцаа өөр хэнд ч мэдэгдэхгүй хэмээн шийдсэн билээ.

-Би-

Жин ширээн дээрээс хундагатай виногоо авангаа "Тэр биднийг мэддэггүй юм байна лээ. Яаж над шиг World Wide Handsome хүнийг танихгүй байж болдог байна аа. Агуйд амьдардаг байсан юм байх даа? гэж бодсон шүү." хэлээд чангаар инээд алдахад түрүүнээс хойш бүрхэн аваад байсан эвгүй уур амьсгал дорхноо сарнин алга болов.

"Харин тийм ээ."

Хэсон дуу муутайхан ийн хэлсэн боловч түүний дотор гэмшил төрөх аж.

"Үнэндэ-" Хэсоны үгийг таслан чимээгүйхэн хоолоо идэж суусан

Юнги "Гэхдээ үнэхээр л бие биедээ сэтгэлтэй байхад айдол болон фен гэдэг үгс ямар ч утгагүй шүү дээ." гээд үргэлжлүүлэн хоолоо идэх бол бусад нь дор дороо хэсэг зуур бодолд автсан үзэгдэнэ.

Жимин "Гэхдээ Хэсон түрүүн ямар нэг зүйл хэлэх гэж байсан. Юу байсан юм?"

"Тэр бол-"

Тэхён "Маргааш бүгдээрээ хамтдаа амралтаар явцгаая." гэхэд Жонгүкийн нүд нь сэргэх шиг болж "Гайхалтай. Би үнэхээр аялалаар явмаар байсан юм. Ашгүй дээ!"

Жин "Хэсон ч бас үүнийг хэлэх гэж байсан биз дээ?" гээд инээмсэглэхэд

Хэсон "Т- Тийм ээ" дуу муутайхан хариулав.

Жонгүк "Би явж ачаагаа бэлдлээ."

гэсээр зул сарын бэлгээ задлах гэж буй бяцхан жаал шиг шатаар дээш хөл нь газар хүрэхгүй шахуу хурдлан гарав.

_______________

Бүгд гэрийн урд хаалган дээр Тэхён Хэсон хоёрыг гаргаж өгөхөөр гарч ирэхэд тэр дунд гагцхүү Жонгүк л үл үзэгдэнэ.

Намжүүн "Жонгүкийг уучлаарай. Цаадах чинь аялалаар явах гээд хэт хөөрчихсөн байна. Эцэст нь чамтай танилцсандаа баяртай байна. Цаашдаа Тэхёныг чамд даатгалаа шүү."

Түүний гаднаас нь харахад хүүхэд шиг хэрнээ үнэхээр л ахлагч хүний хувиар хариуцлагатай бас үнэхээр эелдэг яг л Хэсоны харж төсөөлдөг байсан нэгэн байв. Ганц ахлагч гэлтгүй багийн бусад гишүүд ч мөн адил үнэхээр хөгжилтэй, эелдэг байсанд Хэсон үнэхээрийн баяртай байлаа.

- Баяртай. Болгоомжтой яваарай.

_____________

Хэсон гэрийнхээ хашааны өмнө очоод "Өнөөдөр үнэхээр хөгжилтэй өдөр байлаа. Тэд үнэхээр миний бодож байснаас ч гайхалтай хүмүүс юм аа. Тэдэнтэй хамт байвал хором ч уйдахгүй байх аа."

хэмээн үл ялиг инээд алдсаар Тэхёныг харахад түүний харц од мэт гялтганан ганц л зүйл дээр буух аж.

Тэргэл саран тодоор гэрэлтэх шөнийн тэнгэр дор чимээ аниргүй бүрхэх Сөүлийн гудамжинд бие бие дээрээ тусах хоёр харц . . .

Тэхён хормын зуурт машиныхаа урдаас урагш нэг алхахдаа халааснаасаа гараа авч Хэсоны нүүрний өмнө тулан ирээд түүний хацраас татан үнсэв. Хэсон хэсэг зуурт будлин түүнийг ширтээд удалгүй дулаанхан болоод зөөлөн энэ мэдрэмжинд автан алгуурхнаар нүдээ анив.

Тэхён "За одоо орж амардаа. Маргааш өглөө эрт босох хэрэгтэй болохоор хэт оройтож болохгүй байх." гэхэд Хэсон үл ялиг толгойгоо дохиод хашааныхаа хаалгыг татан "Болгоомжтой яваарай" гэж хэлээд гэрийнхээ үүдэн дээр түүний явахыг харан зогсоод түлхүүрээ цоожиндоо хийхтэй зэрэгцэн Хэсоны гэрийн хаалга онгойж дотроос унтлагийн өмд, цамц өмссөн Хэрим нүүрэндээ цагаан маск зүүж гарч ирэх нь аймшгийн киноны дүртэй тун адилхан харагдахад Хэсон цочин арагш ухрав.

Хэрим "Саяны хүн хэн бэ? Таны найз залуу чинь юм уу?" гээд хаалга налан Хэсоныг байцаахад Хэсон хариу хэлэлгүй дотогш зүглэн алхахад Хэрим улам бүр лавлан "Арай Сүнү ах уу? Та хоёр эвлэрчихсэн байх нь ээ. Тэр нь ч танд дээр дээ. Угаасаа та Сүнү ахаас салвал дахиж таныг тоох олигтой хүн олдохгүй байлгүй. Ер нь яаж манай Сүнү ах таныг тоосон юм бол оо?" гэхэд Хэсон түүний энэ ярианаас хэдийн залхан хоолойгоор

"Чи манайд юу хийж байгаа юм? Аан нээрэн аав ээж хоёр эмээгийнх рүү явна гэж байсан бодвол чи явахгүй гэж зөрүүдэлсэн л биз. Тэгээд ч саяын хүн Сүнү биш. Чиний хэзээ ч төсөөлөхөөргүй хүн . . . Харин чи л наад муухай аашаа засахгүй бол чамд л найз залуу олдохгүй байх шүү! гээд дотогш орчихов."

Хэсон орондоо орон унтах хүртэл түрүүний үйл явдал л толгойд нь хэдэн мянган удаа эргэлдсээр байх бол Тэхён зүүдний орондоо зочлох хүртлээ зөвхөн Хэсоны царайг л төсөөлөлдөө хэдэн мянган удаа урлаж түүний урууланд тодрох инээмсэглэл үл арилна.