Тэд нэг хаалгаар орсон хэдий ч хувь тавилан нь өөр тул салан явлаа. Янз бүрийн хэлбэр өнгө дүрс бүхий хөвөн мэт үүлсийн дунд эргэлдэн,өөрийгөө илэрхийлэх үүлээ хайн явна.

Жисүгийн хувьд бүх үүлс гайхалтай харагдах ч өөрийг нь 100% татах үүл олдохгүй л байлаа. Хэзээ ч дуусахгүй сонголтон дунд гацсан тэрээр ийш тийшээ харан явна. Удалгүй иштэй чихэр шиг хэлбэртэй,одой морины чимэглэлтэй үүлэн дээр очин гараа хүргэвэл тэрний толгой дотор маш олон зураглал биелэлээ олох нь тэр.

Тэрний хувь тавилан Жэнни Ружэ болон Лиса нар байсан юм. Тэд нэгэн гэр бүл болж, нөхөрлөл бий болох аж.

Энэ мэтээр бүгд үүлээ хайж явсаар,хайсан үүлээ олсон даруйд өнөөх том хаалга нүднийх нь өмнө сүндэрлэж байв. Харин Жэннигийн үүл олдохгүй л байлаа. Жэнни ч цухалдалгүйгээр хайна.

"Байх ёстой тийм үү?" хэмээн амандаа үглэсээр үүлсийн дундуур алхална.

Толгойгоо баруун урд зүгт эргүүлэн харахад салхи шиг эрчилсэн хэрнээ ягаан өнгөтэй зүрхэн үүлийг олж харав. Ихэд таалагдсан тул шуудхан очоод гарныхаа үзүүрийг хүрэв үү үгүй юу дотор нь орчих нь тэр. Жэннигийн хувь тавилан бусдаасаа өөр болохоор тэр юм болов уу?

Тэр маш олон дайн тулаанд орох ба тэр бүгдэд нэгэн эрэгтэй хамт байлаа. Тэрний хайр агуу ажээ. Харин тэрхүү эрийг олсны дараагаар ихэд зовно гэдгийг харуулж байв. Учир нь Neptune-ийг устгах гэсэн нэг болоод нэлээд олон хүмүүсээс бүрдсэн бүлэг дайралт хийнэ гэсэн байлаа.

Ямартай ч түүний хувь тавилан бол эгэлгүй хүчтэн. Гэвч түүний нас,хүч байршил нь мэдэгдэхгүй хэвээр.

Жэнни хаалгаа түлхэн гарахад нөгөө гурав тосож аваад харсан бүхнээ ярьж өгөв. Харин хаан их л санаа зовинонгуй харж байх агаад Жэнни ч үүнийг анзаарсан юм. Гэсэн ч юм асууж зүрхэлсэнгүй.

"Гүнжийн хувь тавилан дардан биш. Анхнаасаа домог таны тухай л өгүүлж байсан. Таны ирээдүйн нөхөр их ойрхон байгаа. Гэвч дорхноо танийг хайрлахгүй л болов уу!"хэмээхэд Жэнни санаа алдав.

"Би юу хийвэл аавыгаа,гарагаа хамгаалах вэ? Яаж орчлон ертөнцийг хамгаалж чадахав?" гэхэд хаан түүнд бөхийн, бага зэрэг инээмсэглэв.

"Өөртөө дурлуул,зүү орох зайгүй болтол нь өөртөө гүн дурлуул. Таны хувь тавилан таны гарт бий. Тэр хэзээ ч таниас урвахгүй..."

Тэд энэ гарагаас нүүр дүүрэн инээмсэглэлтэй буцсан юм. Жэнни бараг зэрэг л санаа зовж байгааг эс тооцвол шүү дээ. Гэвч бүхнийг тойрч биш давж гарч чадна гэж бодож байгаад л гол мөн чанар оршиж байгаа юм.

"Хурдхан шиг л олчихоод гараг дээрээ очих юмсан. Сэтгэл бүр догдлочихлоо" гээд төсөөлөх мэт инээмсэглэнэ.

"Тийм царайлаг байсан юм уу?" Лиса хөмсгөө өргөсөөр асуухад Ружэ толгой дохив.

Болж дээ...

Жисү чимээгүйхэн суух Жэнни дээр очин хажууд нь суулаа. "Чи зүгээр үү?"

"Үгүй гэхээс айж байна эгчээ"

"Сонсоход бэлэн шүү" гэхэд Жэнни тэрэн рүү харан уруулаа хазлаж байгаад гүнзгий амьсгаа авав.

"Тэр хайртай бүсгүйтэй. Өөртөө дурлуулж,би ч мөн хайрлаж байж мөнхийн хайр үүсэх ёстой. Бидэнд хугацаа бага байгаа. Би айгаад байна. Хэрэв тэр надад дурлахгүй бол яахав?" үнэхээр санаа зовсон шинжтэй хэлэхэд Жисү инээмсэглэн тэрний үсийг илбэнэ.

Жисү асуултыг асуултаар хариулав. "Чи тэрэнд дурлаж чадна гэж бодож байна уу? Чи итгэл байна уу?"

"Би 100% итгэлтэйгээр тийм гэж хэлж чадахгүй. Гэвч дурлах гэж хичээнэ"

"Тэгвэл хичээгээд гарагаа хараалаас чөлөөлж,хааныг авчирвал болох биш үү?" гээд инээд алдана.

Итгэл...итгэхэд хангалттай.

-----

[Happy 1st anniversary💙]

Ура ура ура💙 намайг дагаарай барбинуудаа💜

💙

🎉💙