Чанёол мөрөөдөлдөө хүрч, Жэннигийн оронд хөлгийн ахмад болсон байв. Жэнни үргэлж жолоодоод байж чадахгүй болохоор Чанёолд зааж өгөөд одоо санаа амар явж байна. Анх Чанёолыг сурна гэхэд бүгд эсэргүүцэж байсан ч сурсан хойно нь магтсан юм.

"Энэ гараг руу орж үзэх үү?" хэмэээ Чанёол том нүдэлсээр тэднээс асуухад зөвшөөрсөн болтой толгой дохицгоов.

Гаднаасаа яг л нар шиг харагддаг гараг. Нар шар өнгөтэй бол энэ гараг цагаан өнгөтэй байх ажээ. Гэвч хөлөгийн хайлтанд байгаагүй гараг тул бүгд сонирхож байгаа нь мэдээж. Хөлөг агаар мандал руу нь ормогц уянгалаг хоолой чихэнд нь сонсогдоход тэд бие бие рүүгээ хачин харцгаах нь тэр.

"Тансаг юм. Бүр сонсоод л баймаар"гээд Лухан уяран суух ба нүд нь ядарсан шинжтэй болоод ирэв.

Чанёол хөлгөө жигд жолоодсоор аятайхан газар харж байгаад газардуулав. Тэд буухын хүслэн болж байлаа. Энэ хоолойны эзэд хэн болохыг мэдэхийг маш ихээр хүсэх ажээ. Хамгийн эхэнд Жундэ буухад нүдэнд нь асар том далай харагдсан юм. Ар араасаа бууж ирэх тэдний урдаас маш олон төрөл байхыг харсан Жэнни бүр гайхаж орхив.

Кёнсүүгийн нүд том дээрээ бүр том болох аж. "Тэд лусын дагинас уу? Дэлхийд харснаас ч үзэсгэлэнтэй юмаа"

Крис шүлсээ годхийтэл нь залгиад "Тэдний өмнө би Cool байдлаа алдаж байна"

Урт шаргал үстэй үзэсгэлэнтэй лусын дагина хүн төрхөнд хувираад тэдний өмнө хүндэтгэл үзүүлэв. Жэнни Сэүн хоёр ч мөн адил мэндэлэхэд лусын дагина "Сайн байцгаана уу зочид минь. Би энэ гарагийн хатан Элие байна. Манай гарагт тавтай морил" гэв.

Энэ бол Vega гэсэн нэртэй гараг юм. Гарагийн төрөл бол лусын дагина болон далайн амьтад. Ганц далайгаар бүрхэгдсэн гараг агаад далай дотор ер бусын зүйлс байдаг аж. Гэвч тэдний өдөр үзэгдэх байдал шөнө болмогц эсрэгээрээ болж хувирна.

"Та нарт бид гарагаа танилцуулья. Эхлээд бүгд хувцсаа тайлна уу. Зөвхөн гадуур хувцсаа тайлахад хангалттай. Бусдыг нь бид зохицуулна" гэхэд эрчүүд нь тоосон шинжгүй тайлж хаяад, инээмсэглэн зогсоно. Мэдээж, тэд ийм үзэсгэлэнтэй бүсгүйчүүдийн урдаас ярвайгаад зогсохгүй шүү дээ.

Харин манай бүсгүйчүүдэд тэд таалагдахгүй байлаа. Ялангуяа Жэннид. Сэүн тэдэн рүү аймар хараад байсанд өөрөө ч мэдэлгүй уурлаж байв. Гэсэн ч тэдний өмнө зүгээр л хувцсаа тайлчих нь тэр.

Хатан түүний өмнө ирж зогсоод, биеийг нь харж хэсэг жуумалзахад Жэннид бүр хачин санагдав. Тэгээд хөхөвчнөөсөө тоосонцор шиг зүйл гаргаж ирээд үсэн дээр нь цацахад хэсэг хугацааны дараа лусын дагина болсон байна гэнэ. Жэнни өөрийн сүүлэндээ хүрч үзээд гараа татав. Энэ үнэхээр эвгүй байх ажээ.

Бусдыг нь ч мөн лусын дагина болгоод хувиргачихав. Лиса инээд алдсаар өөрийнхөө шинэ төрхийг харна.

Эрчүүд янз янзын өнгийн сүүлтэй болсон байх бөгөөд ханагар цээж нь тэр чигээрээ нүцгэн үлдлээ. Бэкхён цээжээ дарж орилож байснаа гэнэтхэн урдаас нь лусын дагинас харж байгааг санаад лаг гэгч нь инээлээ.

"Би Эксогийн гишүүн Бён Бэкхён шүү" гээд нүдээ ирмэхэд лусын дагинас уулга алдан,аальгүйтэн инээлдэнэ.

"Одоо намайг дагаад яваарай" Элие тэдний урд зогсож байгаад далай руу үсрээд оров. Жэнни хэсэг ярвайснаа дуугай л үсрэн орлоо.

Тэд далай руу шумбан орж,ер бусын гайхамшигийг олж харсан юм. Ер бусын гэх ч багадах амьтад,загаснууд байх ажээ.

Тэд сэлсээр нэгэн том ордонд ирсэн байх агаад лусын дагинас хаа сайгүй байв. Яг л кинон дээр гардаг шиг. Гэхдээ кинон дээрхээс хэтэрхий үзэсгэлэнтэй.

Тэднийг ордонд ороход хоолны ширээнд суухыг санал болгов. Тун удалгүй үзэсгэлэнт дагинас янз бүрийн хоол,амттан барьсаар орж ирэх бөгөөд эрчүүд бүгд тэдэн рүү харж,харцаараа салгаж чадахгүй байгааг Жэнни анзаарах нь тэр. Хачин нь Жисү Лиса Чэёон нар ч мөн адил харцаа салгаж чадахгүй байсан юм.

Жэнни нэг юм болохгүй байгааг ойлгож,зүгээр л тэднийг ажиглан сууна. Хооллосны дараагаар энэ тэрүүгээр аялан, далайн амьдралтай танилцчихаад буцан ордондоо ирж тус тусад нь гаргаж өгсөн өрөөнд орцгоов. Цаг хэтэрхий орой болж,шөнө дунд айлчлах нь тэр.

Жэнни унтаж чадалгүй өрөөнөөс гарахад хамаг юмс өөр болсон байгааг анзаарлаа.

Сансрын хөлгийн хайлтанд байгаагүй гараг гэнэтхэн хайгдаж хөлөгийн дуу хадаж эхлэв.

"ХОРИОТОЙ ГАРАГ. ХОРИОТОЙ ГАРАГ. Лусын дагинас эзэмшдэг гараг бөгөөд шөнө дунд болмогц лусын дагинас өөрчлөгдөн араатан болно. Тэдний ганц хүсэгч зүйл бол эр хүйстэн. Энэ гарагт нэг ч эр хүйстэн байхгүй ба эр хүйстэй юм бүхэнд шунадаг. Нэг л орсон бол гарч чадахгүй. Хориотой гараг. ХОРИОТОЙ ГАРАГ!!!" гэх анхааруулах дуу гарч байлаа.

-----------

💙

🎉

💜💦