"ЯВААЧ! ЭНД ЮУ ХИЙЖ БАЙГАА ЮМ БЭ! ЧИ ШУУД ЯВАХ ЁСТОЙ БАЙСАН ЖЭННИ ЯВААЧ ДЭЭ ЗУГТ!" Сэүн Жэнниг хармагцаа хашхирах нь тэр.

Жэнни инээмсэглэв. Сэүнд зориулж. Жэнни хатан руу харан харцаа ширүүн болголоо.

Хатан инээвхийлэн, "Хүндэт гүнж та ирэв үү? Сонголтоо хийсэн л биз. Нэгийг нь сонго доо"

Жэнни тэдний харан, уур нь хүрч эхлэв. Тэдний царай сайнгүй харагдах агаад бүгд төмөр торонд сууцгаах ажээ. Сэүн Чэёон хоёр л хүлүүлсэн байв. Жэннигийн нүдний өнгө цэнхэр байсан бол хар болох нь бүгдийг нь гайхширууллаа. Нүдний өнгө нь хэзээ ч өөр өнгөтэй болж байгаагүй шүү дээ.

"Би Ervil сэлмийг сонгож байна!" гээд гараа сунгахад Жисү гарч ирэн сэлмийг гарт нь бариулав.

Хатан сэлмийг хараад айх ажээ. "Я-яаж? Хэн ч хаалгыг онгойлгох байтугай ойртож ч үзээгүй байхад та нар яаж авч чадав аа?" гээд царай нь илт барайгаад ирлээ.

Жэнни жуумалзан тэрний хувиралыг харна. Гэхдээ хатан ч мөчөөгөө өгсөнгүй. Өөр нэг урт сэлэм гаргаад ирэх нь тэр. Жэнни бүр ч их жуумалзав. Пистон тэрэнд сэлэмний эрдмийг заасны ач тус энд гарах нь. Хүч,шидтэй байхад сэлмээр яадаг байна гэж бодож байснаа эргэн санахдаа багшдаа баярлаж байлаа.

"Хоёр ялагч байж болохгүй учраас нэг мөсөн өөрт тустайгаар тулалдацгаая. Чи лусын дагина гэхдээ хөлтэй болж чадна. Би хүн учир энэ сүүл надад маш их саад болж байна" гэж учраа хэлж дуусаагүй байхад хатан урдаас нь дайрах нь тэр.

"Ширүүн байх чинь!" гэж уулга алдаад хүчээрээ дайрсан Хатныг хойш түлхэн унагав.

Хатан босож ирээд сэлмээ далайхад Жэннигийн нүд гүн хөх өнгөтэй болж хувираад хормын дотор бултан, түүний гарын бугалага хэсгийг зүсэж орхив. Хатан сэлэмийн хүчинд ориллоо. Зүсэх төдий орилож байгааг бодоход үнэхээр алж болох сэлэм байх нь. Тэр дахин Жэнни рүү дайрсан ч сэлмийг өөртөө ойртуулах боломж өгсөнгүй.

Харин эднийг тулалдахыг харсан Лиса эргэн төрхөндөө орохдоо цаг хугацааг зогсоосон юм. Тэр удаан гэгч нь хөдлөөд хажуудаа байсан лусын дагинасыг түлхэн хана руу шахах ажээ. Хүрэх тоолондоо ярвайн тэдний хүйтэн арьсыг үзэн ядаж байв. Тэгээд торонд байгаа залуусыг бүгдийг нь гаргахад Чэёон л ганцаараа тэрнийг ажиглан сууж байлаа.

"Ёооё! Чэёон цочих гэж. Уг нь бүгдийг нь хамруулсан юмсан" гэхэд Чэёон муухан инээлээ.

Лиса тэрний хажууд очин хүлээсийг нь тайлаад энгэртээ тэвэрлээ. "Их айсан уу? уучлаарай. Боломжийг хүлээж байлаа шүү дээ. За босож гүнждээ туслацгаая"

Хамгийн сүүлд Сэүнийг хүлээсийг тайлаад бүхнийг хэвэнд нь оруулахад Таугаас бусад нь илт гайхаж байлаа.

Жисү тэдэн дээр ирээд гаднаас орж ирэх лусын дагинасыг яаж зохицуулах талаар бодож байлаа.

Бэкхён "Тэд нар залууст дуртай гээ биз дээ. Бид нар хөлтэй байсан ч болоосой" гэхэд Жисү ч адилхан санаа алдлаа.

"Гараг сөнөх үеэр энэ сүүлтэйгээ л яваад байх юм уу? Хатан үхэхээр хэн бидэнд өнөөх юмаа цацаж өгөх болж байна аа?" Крис духаа үрчийлгэсээр асуулаа.

"Левийн уусмалтай Нацороксидыг нэмээд тэр цацлага гарах болно. Хэрэв тунг буруу тааруулвал бүгд үхнэ. Тэгэхээр би үүнийг хийгээд та нарт өгнө. Сэүн чи яваад гүнжийг харж бай" Кёнсүүг ийм үг хэлсэнд бүгд хачин царайлан харлаа.

Сэүн хөмсгөө өргөн "Паа! Та бас ийм юм мэддэг юм уу?"

Кёнсүү төв царай гаргаад Сэүн рүү гараа далайх нь тэр. "Илүү дутуу юм яриад байвал алчихна шүү. Яваач таанууд! Ном унш! Судал! Шинэ бүхнийг олж мэд!" гээд цаашаа сэлээд явахыг харсан тэдэнд одоо лусын дагинасыг зохицуулах ажил үлдэв.

Жэннигийн эгэм хэсгээр том зүсэлт үүссэнээс биш тэрэнд бууж өгөх хүсэлгүй байв. Хатан хорсол дүүрэн тэрнийг ширтэж, үхэхгүйн төлөө хичээж байлаа.

"Чи муу юмаа. Яаж байгаад ийм муухай царайтай болчихсон юм бэ Элие хатантаан" гэхэд хатан бүр муухай царай гарган илүү хурдан хөдлөж байлаа.

Жэнни түүний сэлэмний доогуур шурган орж нөгөө талд гарч ирэхэд цаахан талд нь Сэүн тэрнийг хараад зогсож байлаа. Жэнни хаан руугаа инээмсэглэж байхад хооронд Хатан боломжийг ашиглан дайрах гэв.

"ЖЭННИ УРАГШААГАА ХАР" гэж Сэүнийг орилоход Жэнни урагш харан сэлэмнээс нь бултсан ч хацрыг нь шүргээд өнгөрчихөв.

Улаан өнгөт цус усанд уусан алга болов. Жэнни хацартаа хүрээд жижигхэн ч хорсох шархаа давуу тал хэмээн бодож байлаа.

"ХЭНД Ч БҮҮ БОЛОМЖ ОЛГО. ӨӨРИЙНХӨӨ ХЭН ГЭДГИЙГ НААД ҮЗЛИЙН АМЬТАНДАА МЭДРҮҮЛЭЭД ӨГ. ХУГАЦАА БАГА БАЙНА. Хэний хатан болох гэж байгаагаа санаарай Ким Жэнни. ЧИ У СЭҮНИЙХ" гэж хашхирах Сэүнийг хатан хараад анхаарал нь түүн рүү явсан байлаа.

"Яагаад чи минийх байж болоогүй юм бэ"

Жэнни тэрний хойно очоод "Тэр их хүнийг алсны төлөө" гээд яг сүүлнийх нь гол хэсэг Ervil сэлмийг байрлуулаад чанх урагш түлхэн түүний сүүлд сэлмээ зоов.

Хатан орь дуу гарган хашхирч, үхэтхийн унахад лусын дагинас ч бас орилож эхлэлээ. Жисү Жэнни дээр ирээд гарт нь хуурай зүйл атгууллаа. Мөн Сэүнд ч бас өгөв.

Жэнни хатны өмнө суугаад "Чи зөв амьдрах ёстой байсан юм Сүёон. Чиний жинхэнэ төрхийг мэдсэн цагаас Сэүнд юу ч хэлээгүй юм шүү. Би Сэүнд хэзээ ч хэлэхгүй ээ.Энэ чиний төлөө хийж чадах хамгийн зөв алхам. Чиний өөрчлөгдөх боломж,өөрчлөлтийг хийх хамгийн том зүйл Сэүний эрхтэн гэдгийг мэднэ. Гэхдээ би чамайг өөрчлөгдөх ёстой гээд Сэүнийгээ алж, эрхтэнүүдийг нь бүгдийг нь халуун дээр идэхийг нь хараад сууж чадахгүй нь. Дараа төрөхдөө сайн хүн болж төрөөрэй. Чи Сэүний зүрхэнд дэлхийд үхсэн Сүёон л болж үлдэх байх. Намайг уучлаарай" гэхэд түүний нүднээс нулимс гарч ирэн аньсгыг нь даган урслаа.

"Жэнни явцгаая" гэхэд Жэнни Сэүнийг харсандаа баярлан,хүзүүгээр нь гараа оруулан тэвэрлээ.

Тэд уснаас гарч ирэхэд далайн цаана харагдах тэнгэрийн ихэнх нь гал улаан өнгөтэй болсон байх ажээ.

Кёнсүү өнөөх гарандаа цацлагаа толгой дээр байрлуулаад "Яг зэрэг цацна шүү" гэхэд бүгд толгой дохилоо.

Цацлага толгой дээрээс нь хөл хүртэл агаар дээр хөвж байгаад тэдний сүүлийг өөрсдийнх нь хөл болгон хувиргалаа.

"Одоо явцгаая" Чанёол ийн хэлээд хөлөг рүүгээ эхлэж орлоо.

"Чанёол хөлгийн ахмад болчихсон юм уу?" Лухан том нүдэлсээр асуухад Жэнни мөрөө хавчив.

Тэднийг Vega гарагийн агаар мандлаас гармагц, гараг хурдацтай шатаж эхлэн, сүүлдээ дэлбэрэх нь тэр. Үүнийг хатсан Жэнни Сэүний энгэрт, түүний цамцыг нөмрөн суух ажээ.

------------------

😂