Neptune гарагийн хаан хатан хоёр Сэүн болон Жэннитэй хамт хоолны ширээнд сууж байлаа. Сэүн анх тайзан дээр гарч байхаасаа ч илүү их сандарч, алганыхаа хөлсийг өмдөндөө үрж байх нь тэр. Үүнийг харсан Жэнни хөнгөхөн инээмсэглэж, гарнаас нь атгав.

"Эгэлгүй хүчтнийг олсонд бид туйлын их баяртай байна. Гарагийн хараал устаж байгааг бид мэдэрч байхдаа үнэхээр жаргалтай байгаа билээ. Таныг бидний гүнжтэй ураг барилдана гэж итгэж байна" хэмээн хатан инээмсэглэсээр ийн хэллээ.

Сэүн өөрийг нь ингэж их хүндлэж байгаад магнай хагартал баярлах ажээ. "Та ингэж ёсорхох хэрэггүй дээ. Бидний хувь тавилан угаас бичигдсэн тул зөрчих учиргүй. Харин хуримыг одоохондоо хийхэд арай эрт байна гэж бид бодож байна"

Жэнни ч мөн толгой дохив. Бие биенийгээ таних шатандаа явж байгаа тэдэнд хурим арай л эрт байгаа билээ.

Хооллож дууссаныхаа дараа Сэүн Жэнни нар бусад дээрээ очихоор болж, тэднийг хайж эхлэв. Ирээд шууд салаад явчихсан болохоор хаана байгааг нь мэдсэнгүй. Мөн харилцах зүйлгүй учир алхаж байлаа. Сэүн үе үе хэнгэнэтэл санаа алдахад Жэнни хөмсгөө зангидан түүн рүү харав.

"Юу болоод тэнгэр нуртал санаа алдаад байгаа юм?"

Сэүн гунингтай харагдана. "Би ингээд айлын нөхөр болох нь" гэх нь тэр.

Жэнни хэсэг хачин царайлан зогсож байгаад чанга инээлээ. Тэрэнд энэ үнэхээр инээдтэй санагдана. Хэзээ эр хүн ингэж байлаа даа. Харин тэгсэн Жэнниг Сэүн бас хачин царай гаргалаа.

Тэд инээлдсээр бие биетэйгээ юм ярилцсаар хотоор алхах агаад хотын иргэд тэднийг ажиглан, том нүдлэн харж байлаа. Харин тэд хажуугаар явж байгаа хүнээ ч анзааралгүй явж байв. Тэд бие биедээ төгс тохирч байгааг иргэд мэр сэр шивнэлдэн, бөхийнө.

Удалгүй нэгэн том хоолны газарт Эксо болон гүнжийн дайчид бүгд цуглан суухтай Сэүн Жэнни хоёр тааралдсан юм. Хайсны эцэст олдлоо хэмээн тэд баярлан хамт сууцгаав.

"Хаан Хатан нарын түмэн амгаланг айлтгая" хэмээн Чанёол босоод бөхийлөө.

Жэнни харц дээгүүр тэрнийг ширтэн, "Боол Чанёолоор юу байна" гэхэд Чанёолын нүд том том дээрээ бүр том болоход Жэнни чанга инээв.

"За Жэнни, боол арай ч болчихоогүй байна шүү. Хүн гоё мэндлэж байхад" гэсээр хошуугаа унжуулна.

Тэд инээлдэн захиалсан хоолнуудаа хүлээх явцдаа Neptune гарагийн тухай ярьж бас мэдэлцэж байлаа. Жэнни энэ гарагт төрсөн ч өсөөгүй болохоор тийм ч ихийг мэдэхгүй. Эргэж ирээд хэд хоноод л аялалдаа гарсан шүү дээ. Харин Лиса Чэёон Жисү нар гарагийн нүх сүв болгоныг мэддэг ажээ.

Тау уруулаа шилэмдсээр "Одоо ямар ч ажил байхгүй тиймээ, сайхан зугаацах нь дээ" гэв.

"Дуугаа дуулаад, аялан тоглолтоо хийж, фенүүдтэйгээ уулзмаар санагдчихлаа байна" хэмээн Жүнмён хэлэхэд бусдынх нь царайнд гуниг үзэгдэнэ.

Тэд дэлхийд алдартай хамтлаг байсан шүү дээ. Харин одоо тэр дэлхий нь үгүй болчихсонд сэтгэл дотроо үргэлж гунигладаг. Хамгийн хайртай фенүүд нь ч үгүй болчихсон.

Хүн төрөлхтөн мөхсөн...

"Явж утас энэ тэр авах уу?" гэх Жэннигийн дуу хадахад бүгд Жэнни руу харан "Утас?" хэмээн нэгэн зэрэг дуугарав.

Лиса хөмсгөө хөдөлгөв. "Манай гараг технологиороо галактикт нэгт ордог юм шүү. Бүх юм бий"

Тэд хоолны газраас гаран дугуйгүй машинууд явж байхыг олж харав. Түрүүн тэд анзаараагүй байх л даа.

"Энэ бол электрон машин. Дугуйгүй байгааг харж байна. Энэ машин цахилгаан болон агаараар хөлөлгүүрүүд нь асдаг. Бүх төрлийн тээврийн хэрэгсэл болж болдог" гэж Жисүг харахад залуус уулга алдах нь тэр.

Жэнни хөнгөхөн мишээн гараа өргөхөд нэг машин ирэн зогсоод жолооч бууж ирэн тэднийг харан бөхийлөө. Мэдээж, галактикийн хатан болон хаан, дайчид явж байхад хэн ч бөхийх ёстой шүү дээ.

Маш том барилгын өмнө ирэн зогсоход Чэёон мөнгийг нь төлөх агаад мөнгө хэмээн нэрийдэх нь хачин мэт. Ямар нэг бодит зүйл бус бугуйн дахь код шиг зүйлээ уншуулан мөнгө төлж байлаа. Залуус ч мөн гайхан, амаа ангайн зогсоно.

"Энэ бол дэвшилтэт технологи!" гэчхээд тэдний хажуугаар зөрөн гарлаа.

Янз бүрийн хэлбэртэй электрон утаснуудын тасагт орж ирсэн тэд нүдээ бүлтийлгэн явна. Ихэнх нь дөрвөлжин хэлбэртэй ч дэлхийн утаснуудыг бодвол илүү нимгэн, илүү, илүү гэхээр байх аж. Бүгд нэг нэг өнгийг сонгоод авцгаахаар болов.

Дэлгүүрээс гарсны дараагаар бүгд л сэтгэл хангалуун байдалтай инээмсэглэн байв.

Сэүн Жэннитэй сүүл хавиар явж байгаад бусдыгаа түрүүлэн алхах үед гараас нь атгах нь тэр. Жэнни гайхсан ч гайхаагүй мэт царай гарган, хувирал гаргахгүй мэт хичээж байх ажээ.

"Хоёулаа өнөөдөр болзох уу?"

---------------

😂

😏