Артур хаан чамархайгаа барин нүдээ аниад сууж байтал гаднаас хэдэн хүн орж ирээд гүнж ирлээ хэмээн мэдэгдэв. Тэгээд хажууд нь сууж байсан хатан ухасхийн босож өрөөнөөс гарлаа. Бүтэн амьсгаа авч биеэ суллав. Хэдэн хоног охиндоо болон дайчдад санаа зовж олигтой ч унтаагүй билээ. Тэгээд нүдээ хэд нухлаж урдаа тавьсан цайнаасаа балгав.

Гэнэтхэн тэнд дайчид гарч ирэхэд хаан хөмсгөө зангидан гайхсаар харах ажээ. Тэдний дунд хэдэн мянган жил уулзаагүй ах нь байсан нилээдгүй балмагдах нь тэр. Тэгээд удаанаар босож ахыгаа харан хэлэх үггүй боллоо. Эксо дайчид бүгд Артур хаанд бөхийн ёслож, хойш болон зогслоо. Сетен хааны хажууд Сэүн нуруугаа үүрэн зогсоно. Сэүн хурдхан хааны өрөөнөөс гарахын түүс болж,уруулаа зууж байв.

"Ах аа"

Сетен хаан дүүгээсээ харц буруулав. Харин удалгүй тэрний харц ширүүн болоод чанга чанга инээсээр ийш тийшээ харж байлаа. Сетен хаан дүүгийнхээ хажуугаар зөрөөд өөрийнх нь сууж байсан том сандал дээр очиж суулаа. Артур хаан төдийгүй тэнд байгаа бүх хүн гайхаж байв.

"Дүү минь,уулзалгүй удлаа. Миний хаан ширээг авсан чамд их сайхан байгаа байх даа. Царай чинь гэрэлтэж байна. Одоо хараал устсан уу? Чиний охины нүд их үзэсгэлэнтэй юм билээ. Ухаад авчихмаар" гээд духаараа харахад Артур хаан хөмхийгөө зуун удаанаар алхсаар түүний хажууд очин зогсож мөрнөөс нь чанга атгав.

Тэгээд гарных нь алга цэнхэр өнгийн туяа гаргаж, Сетен хааны толгой дээрх титмийг зөөлөн авлаа. Титэм өөрөөсөө хар утаа ялгаруулж барихын эцэсгүй болтол халж эхлэлээ. Сетен хааны нүд талимаарсан байх агаад удаанаар цавчилна.

"Ах аа, наашаа хар. Би Артур байна" гэж зөөлөн дуугаар Артур хаан дуугарахад Сетен дүү рүүгээ харав. Тэгэхдээ мөн л адил харц бурууллаа.

"Би энийг устгана. Тэгээд та энэ хараалаас чөлөөлөгдөнө. Анх орж ирэхэд чинь л биеэр чинь дүүрэн энэ титэмний хүч байгааг мэдэрлээ. Яг одоо энийг устга-"

Сетен чангаар дуугарав. "Үгүй ээ"

"Яагаад?"

"Намайг ч бас хороо. Би чиний охиныг хорьсон. Ал гэж тушаасан. Хүүгийнхээ амьдралыг там болгосон. Эхнэрээ өөрийн гараар үхэл рүү нь түлхчихсэн. Би бол мангас. НАМАЙГ АЛ. АРТУР НАМАЙГ АЛААЧ. ГУЙЯ НАМАЙГ АЛААД ӨГӨӨЧ" гээд уйлж эхлэхэд Артур ахынхаа гараас атгав.

"Уучлаарай ах аа. Би чадахгүй"

"Бид эхийн сүүгээр өссөн. Сүү цагаан байдаг шиг цус гаргалгүй намайг алж өгөөч. Энэ орчлонд хоёр нар байдаггүйн адилаар энэ гарагт хоёр хаан байх ёсгүй. Өчүүхэн би чиний энэ их мэдлэг,ёс суртахууныг хэзээ ч сурахгүй. Би хэзээ ч хаан болж чадахгүй. Аавын зөв байсан. Би анхнаасаа л хаан болох гэж төрөөгүй. Хаан болох байсан бол энэ хөл эрүүл байх байсан. Хувь тавилан намайг биш чамайг сонгосон. Надгүйгээр амьдарч байсан шигээ амьдар. Намайг бүр мөсөн март. Би бол тоос. Хоромхон зуурт оршдог тоос. Ахыгаа уучлаарай,дүү минь"хэмээн өчихөд Артур хааны нүдэнд сувдан нулимс үзэгдэнэ.

Сэүн урт танхимаар хурдтай гүйнэ. Араас нь ах нар ч бас хурдлан гүйцгээнэ. Нэгэн том хаалганы өмнө ирэн зогсоход Лиса хана даган сууж,Чэёон өвдгөө тэврэн суужээ. Харин Жисү нүдээ анин зогсож байлаа. Харах харц,үйл хөдлөл гээд бүгд хоосон. Сэүн удаанаар алхсаар юу болсныг асуулаа.

"Хатан дотор байгаа. Хаан хаана байна? Тэд биеийн байдал хүнд байна гэсэн" хэмээн Аиринийг хэлэхэд Сэүн чимээгүй болон нүдээ гараараа дарлаа.

Гуйя,битгий надаас яваарай. Гуйж байна Жэнни.

Тэд бүгд шороо тоос болсон хувцсаа сольцгоохоор явахад Сэүн л хаалганы гадна үлдэв. Хэдий бага хугацаанд хамт байсан ч дурсах дурсамж тэдэнд их байлаа. Тархин дахь бүхнээ эхнээс нь бичлэг аятай харна. Тэгээд гарын алгандаа Жэннигийн хүчнүүдийг гаргаж ирэв. Ус,Гал,Шороо,Гэрэл.

Тэр таван махбод бүхий хүчнүүд нэг дор цугларч болдгийг мэдэх болов уу?

Тэр өөрийг нь аврахын тулд Сэүнийг өөртөө байж боломгүй их хүчийг гаргаж араатанг дарсныг анзаарах болов уу?

Тэр өөрийнх нь төлөө бүхнийг хийхэд бэлэн байгааг харж чадах болов уу?

Сэүнийг хаалганых нь гадна юуг ч үл анзаарч,бурханд залбиран сууж байгааг хэзээ нэг өдөр мэднэ тийм биз?

Сэүн Жэннид маш хурдан дурлаж,хамгаас их хайртайг анзаарах байх тийм үү?

Хаалга онгойн нэгэн шидтэн гарч ирэхэд хатны хашхирах дуу сонсогдов. Сэүн айж эхлэлээ. Өнөөх хүн Сэүнд бөхийн ёслочихоод ам нь эвлэхгүй хэсэг зогсов.

"Хаантан минь намайг уучлаарай. Бид гүнжийг аварч чадсангүй. Их хүнд шархадсан байна. Өршөөж хайрла!"хэмээн тэр эцэст нь хэлэхэд Сэүний амьсгаа давхцаж нүдээ анилаа. Тэгээд хэдэн сарын өмнө оньсгон ойд зүүд бодит болгогч энэ үйл явдлыг харуулж байсныг саналаа.

"ҮГҮЙ ЭЭ! НАМАЙГ БИТГИЙ ХААН ГЭЖ ДУУД. БИ ХААН БОЛМООРГҮЙ БАЙНА. БИ ТЭР ХАРААЛ ИДСЭН ХААН ЧИНЬ БИШ! ХАТАНГҮЙ ХААН ГЭЖ ХААНА БАЙСАН ЮМ. ТЭР ҮХЭЭГҮЙ. ҮГҮЙ!" гээд чангаар орилон өнөөх өрөө рүү ороход хатан Жэннигийн хажууд ухаан алдаад уначихсан,нэг хүн түүнийг өргөн гарлаа.

Сэүн удаанаар түүн рүү ойртвоос мэдрэгддэг тэр их энерги үгүй болжээ.

"Уучлаарай, тэнэг намайг уучлаарай. Эргээд ирээч дээ гуйя. Дахиж чамайг ганцааранг чинь үлдээхгүй. Үргэлж хажуудаа авч явж байна. Үнэн шүү. Буцаад ир л дээ. Намайг битгий уйлуулаач дээ. Гуйж байна. Тэр үед энэ удаа уйлаад дахиж битгий уйл гэж хэлсэн биз дээ? Одоо чи намайг уйлуулаад байна. Босож ирээд намайг тэвэр,үнс. Би чиний бүх зүйлд хайртай. Ганц ширхэг үс байсан ч хамаагүй би нандигнана. Чамтай байсан хэдэн хором хүртэл миний аз жаргалын хэмжүүр. Гуйя буцаад ирээч дээ. Гуйж байна Жэнни" хэмээн гүнжийг хөрсөн гарыг атгаж,хар үсийг нь зөөлөн илээд бүр илүү цурхиран уйллаа.

Эр хүн уйлах ёсгүй юм гэнэ лээ. Тэр үед үнэхээр өрөвдөлтэй харагддаг. Хэрэв уйлж байвал түүнд уйлахаас өөр сонголт үгүй байж.

Хаан гүнжийг амьсгал хураачихлаа гэх үгийг сонсоод ухаан мэдрэлгүй гүйсээр хаалга саван орж ирлээ. Бяцхан охин нь амь тавьж байхад тэр хаана байгаа вэ?

"Миний охин, миний охин. Ааваараа битгий тогло л доо. Миний бяцхан үр их тоглоомтой юмаа даа. Аав нь чамд хууртахгүй шүү. Битгий ингэж тоглоод бай л даа. Аавынхаа төлөө гээд ертөнцийг бүтэн тойрч,ааваа зүгээр үү гээд өдөр бүр асуудаг охиноо ийм хурдан явуулчихаж чадахгүй. Уучлаарай. Аавыгаа өршөөгөөрэй. Мөлхөх үед,алхах үед,ярих үед,дуулах үед,бүх мөчүүдэд би чамтайгаа хамт байж чадаагүй. Миний буруу. Тэр ердөө чамайг л хамгаалах гэсэн бамбай. Миний охин. Миний өхөөрдөм үр"

Уйлж байна,миний төлөө.

Харамсаж байна,миний төлөө.

Гашуудаж байна,миний төлөө.

Инээгээрэй,миний төлөө

Жаргалтай бай,миний төлөө

Амьдар,миний өмнөөс...