Бороо шаагин орох орой. Усан дусал газар дусаж,үнэр нь агаарт тархана. Хааны ордны цонхны цаана үзэгдэх хосууд. Тэд хамтдаа цонхоор харан зогсож,инээмсэглэх нь харагдах аж. Мөн тэдний хажуухан талд нойрсох бяцхан хүү. Ертөнцийн бүх аз жаргал хүүгийн алганд багтана.

Хаан Хатан хоёр хүүгээ өлгийдөн аваад аль хэдийнээ хэдэн сарыг ардаа үджээ. Хааны ордон нялх хүүхдийн уйлах дуунд сэрж,уйлах дуугаар зугаацна. Чимээгүй хааны ордон бяцхан ханхүүгийн ачаар дуу чимээ,хөл хөдөлгөөнд дарагддаг болсон юм. Ханхүүгийн хүч мэдэгдээгүй байгаа ба түүний хүчийг хэн заах нь мэдэгдэхгүй хэвээр,басхүү нууц байв. Авга ах нар нь ханхүүгийн хүчийг хэн заах талаар янз бүрийн тэмцээн зохиож явсаар нэг мэдэхэд нэг сар өнгөрч 12 ялагчтай болсон байх нь тэр.

"Өнөөдрийн тэмцээний ялагч хэн байв даа?" хэмээн Жэнни Сэүнээс асуухад Сэүн хөхрөөд "Лухан ах" гэв.

Тэд зохиосон тэмцээн бүртээ нэг нэгээрээ ялсаар 12 дох тэмцээнд Лухан ялжээ. Энэ тэмцээний нэр нь "Хэн хамгийн хурдан bubble tea уух вэ?" Лухан bubble tea-г ердөө 10 секундэд ууж дуусгасан. Чанёол энэний өмнөх тэмцээнд 750мл усыг 3 секундэд ууснаас үүдэн энэ тэмцээнийг зохиосон юм. Гарагийн иргэд дунд нээлттэй болсон тул алдартай дээрээ илүү алдарта болж Exo-гийн шинэ гаргасан цомог хэдэн зуун саяараа борлогдож, янз янзын зар сурталчилгаанд тоглож байгаа.

Өглөө нарны туяа тусаж,шувууд жиргэх нь үзэсгэлэнтэйеэ сонсогдоно. Бяцхан ханхүүгийн уйлагнах дуунаар Сэүн нойрмоглон босож суугаад хэсэг зуур нүдээ аних аж. Сэүн ханхүүг илүү чангаар уйлж эхлэх үед ухасхийн босож,Жэнниг сэрээхгүй гэсэндээ хурдхан ханхүүг аван өрөөнөөс гарав. Сэүн бяцхан ханхүүг тэврэн ийш тийш хөдлөн,уйлуулахгүйг хичээж байлаа.

"Ханхүү,уйлахгүй байж болох уу? Шөнө бас уйлаад ээжийгээ босгосон. Өдий том болчхоод уйлж унжаад л. Эр хүн биз дээ чи?" гэх мэтээр хүүтэйгээ ярих агаад ханхүү гэнэтхэн уйлахаа болин Сэүнтэй тоглоод эхлэх нь тэр. Сэүн инээд алдан хүүгийнхээ ямар өхөөрдөм байгааг гайхна.

Сэүн ханхүүг газар тавьчхаад өөрөө ариун цэврийн өрөө рүү явав. Ханхүү ход ход инээх сонсогдоход Жэнни сэрэн өндийгөөд эргэн тойрноо хэсэг харж байгаад орноосоо бослоо. Тэр ханхүүг газарт тоглоомоороо тоглон хэвтэж байгааг хараа авч тэвэрлээ. Жэнни ханхүүгийн булцгар хацрыг үнсэн,хүүгээ энхрийлэх нь үнэхээр үзэсгэлэнтэй харагдаж байв.

Удалгүй үйлчлэгч нар тэдний хоолыг оруулж ирэх агаад Хаан, Хатан хоёр өрөөндөө дуудуулж байгааг хэлээд эргэн гарлаа. Сэүн хэдэн минутын дараа ариун цэврийн өрөөнөөс гарч ирэн эхнэрээ боссоныг анзаарч, хацар дээр нь үнсэх аж. "Дахиад унтахгүй яасан юм бэ? Өнөөдөр зохицуулах ажил байхгүй болохоор хүүгээ би харна шүү" гэв.

Жэнни хоолоо идэж,Сэүн бяцхан ханхүүг хооллон сууна. Сэүн ханхүүг хооллохдоо амных нь эргэн тойронд баахан хоол нялсан байгааг Жэнни хараад инээмсэглэлээ. Ханхүүг гэдсэндээ бүрэлдэж эхлэсэн цагаас эхлэн Сэүн ямар ч нөхөр,хааны гаргаж байгаагүй үйлдлүүдийг гаргаж,хэзээ ч харж байгаагүй үг хэл,үйл хөдлөлөөр илэрхийлдэг болсон бөгөөд энэ нь Жэннид тунчиг таалагдаж байгаа билээ.

Тэд хооллож дуусаад Артур хааны өргөө рүү явав. Өрөөнд нь орж ирмэгц Артур хаан бяцхан ханхүүг гялс тэвэрч аван,өхөөрдөж эхлэлээ. Сэүн Жэнни хоёр бие бие рүүгээ харц шидлэн, мөрөө хавчина.

"Юу вэ? Та хоёр энд юу хийж байгаа юм? Ажилгүй юм уу, явцгаа явцгаа. Бид хоёр өнөөдөр ханхүүг харчихна" гэж Артур хаан хэлээд тэдэн рүү том нүдлэн харлаа.

Жэнни үг хэлэх гэхэд Сэүн болиулж,толгой сэгсрээд "Боломж гэж бодохгүй байна уу? Явж болзоцгооё" хэмээн чихэнд нь зөөлөн шивнэлээ.

"Өө,нээрээ бид хоёр ажилтай шүү дээ. Ханхүүг харж өгдөгт баярладаг шүү. За баяртай" гэсээр Сэүн Жэнниг дагуулан өрөөнөөс гарав.

Жэнни Сэүн рүү хөмсгөө өргөн харна. "Юу вэ? Түрүүхэн л хүүгээ би харна энэ тэр гээд байсан байж"

"Төлөвлөгөө өөрчлөгдлөө. Хоёулаа өнөөдөр болзоно оо. Ойрд армаанчиклаагүй юм байна" гээд Жэннигийн гарнаас атган алхлаа.

Тэд эхлээд Эксогийн байранд ирсэн байв. Тэднийг хамтдаа харсан залуус баярлалдах ч ихэнх нь ханхүүг хаана байгааг хайж байлаа. Хэсэг тэнд хөгжилдөж байгаад Blackpink-ийн охидын бэлтгэл хийж байгаа газарт ирэв. Охид Жэнниг харан баярлаж, мөн л ханхүүг хаана орхисныг асууна.

"Та хоёр өнөөдөр юу хийх гэж байна даа? Энэ Сэүний урт хугацааны дараах амралт гэсэн тиймээ? Бөөнөөрөө зугаалганд явах уу?" гэсээр Жисү хамгаалалтынхаа малгайг тайлах агаад хажуунаас нь Лиса туслалцаж байлаа.

"Дараа нь л болъё. Өнөөдөртөө бид хоёр хоёулахнаа байх бодолтой байна. Тэгээд ирээд ханхүүг харна гээд ханхүүд амлалт өгчихсөн" гэж Сэүн хайнгадуухан хэлээд өндийв.

Чэёон толгой дохин "Цагийг сайхан өнгөрүүлээрэй. Ер нь бид гурав ч гэсэн одоо завгүй л дээ" гэсээр үсээ ардаа боох нь үзэгдэнэ.

Сэүн Жэнни хоёр тэндээсээ гараад зүгээр л гудамжаар алхаж явна. Жэнни ойрын үед гадуур гарч зугаалаагүй, Сэүн хэдэн хоногийн зайтайгаар гараг хооронд зорчин томилолтонд явсан юм. Ханхүүг төрснөөс хойш хоёулахнаа өнгөрөөсөн хугацаа хомс болохоор энэ өдрийг тэд тултал нь ашиглаж,дахин нэг дурсамжийг бүтээхийн тулд хичээж байв.

Хажуугаар зөрсөн хүн бүхэн тэдэнтэй мэндлэн,зургаа авхуулахыг хүсэх агаад тэр болгонд нь Сэүн эелдэгээр татгалзаж байлаа. Жэнни нөхрийнхөө үг,үйлдэл бүрийг ажиглан,өөрт өгсөн хувь тавиландаа талархах ажээ.

Тэд ойролцоох цэцэрлэгт хүрээлэнгийн сандал дээр очин суугаад тэнгэрийг ширтэнэ. Тэнгэр цэнхэр өнгөөр инээмсэглэн,цагаан өнгийг үүлнүүд тэнгэрт оршино. Нарны цацраг энд тэнд тусан илчээ түгээх ажээ. Нарнаас хурган модод зөөлөн сэрчигнэн найгана. Шувууд тэнгэрт дүүлэн жаргалтайяа үзэгдэнэ.

"Юу бодож байгаа юм?" хэмээн Жэнни Сэүнээс асуулаа.

Харин Сэүн багахан инээмсэглэв. "Чиний тухай,бидний тухай,бидний хүүгийн тухай,миний бүтээсэн,бүтээж байгаа бүх зүйлийг бодож байна"

"Хэцүү байна уу? Ядаргаатай санагдахгүй байна уу?"

"Үгүй ээ,бяцхан хүүгийнхээ инээж байгааг харах надад илүү урам өгдөг. Миний амьдралын утга учир чамайг хараад өшөө их хичээх хэрэгтэй гэж бодогддог. Залуудаа хичээвэл хөгшин болоод жаргана шүү дээ. Миний хийх ёстой зүйл болохоор гомдоллох эрх надад байхгүй"

Эмэгтэй хүн төрөхөөсөө л санаачилга,хариуцлагаа ухамсарлах чадвартай байдаг. Учир нь тэд биенээсээ нэг амийг салгадаг болохоор.

Харин эрэгтэй хүмүүс хэнэггүй,хариуцлага багатай байдаг авч аав болсныхаа дараа илүү зарчимч,санаачилгатай,хариуцлага үүрэх чадамжтай болдог билээ.

"Өлсөөд байна. Гэртээ очмоор байна. Хүүгээ санаад байна. Хүү рүүгээ явъя тэгэх үү?" гэж Жэнни уруулаа унжуулан,өхөөрдөм царай гаргах ажээ.

Сэүн түүний энэ үйлдэлд хайр нь гоожиж байв. "Тэгвэл гэртээ болзоцгооё"

-------------

А.Мишээл 2019.03.16💙

💙

💕🤣 🥰

💘