Хаалганы хонх дугарах чимээнээр жаалхан охин баярласандаа цовхчсоор хаалгаа тайлахаар гүйхдээ золтой л ширээний хөлөнд тээгэлдээд уначихсангүй.

Югём үзэн ядалт бухимдлаар дүүрсэн харцаар Рюжинийг ширтсээр гэр лүү нь ормогцоо гэнэтхэн зогтусах нь тэр. Арга ч үгүй дээ, танихгүй эмэгтэйн гэрийн ханан дээрээс хааш хаашаа 2 метр хэмжээтэй зургаа олно гэдэг тийм ч таатай зүйл биш л болов уу.

-Үзэсгэлэнтэй байгаа биз? Надад чиний нүд их таалагддаг.

Бүсгүй ийн өгүүлээд залуу эрийн араас тэврэн нуруунд нь нүүрээ наахад Югём тавгүйцэхдээ хамаг биеэ чангалах нь мэдрэгдэв. Гэсэн ч Рюжин бууж өгсөнгүй, залуугийн гараас атган зул сарын баярт зориулж зассан ширээндээ суулгалаа.

-Бялуу авчирсан уу? Би чамд бугуйвч хэлхсэн, усан цэнхэр өнгөтэй болохоор их гэгээлэг. Чамд сайхан зохих байх..Надад ямар бэлэг бэлдсэн юм.

Рюжин зогсоо зайгүй шулганах ч залуу хүний урманд ганц үг ган хийхгүй суусаар халааснаасаа картаа гаргаж ширээн дээр шидээд "Тэгэж их бэлэг авмаар байгаа бол наадхаараа хүссэнээ ав. Бялуу ч гэсэн захиална биз. Харин надад чиний бугуйвч бай бөгж ч бай ер нь юу хэрэггүй" хэмээн хэдэрлэлээ.

Тэд хэсэгтээ ярих сэдвээ хайж ядан дэмий л харц тулгарж ч чадалгүй өөд өөдөөсөө харан суусны эцэст залуу ширээнээс босон бүсгүйн гэрээр тойрон алхаж эд хогшил болоод GOT7-н бяцхан цуглуулгатай танилцаад амжив.

- Энэ цуглуулгаас харахад чи их үнэнч Агасэ бололтой. Гэсэн ч фэн хүний доод хязгаар гэж байдаг бол тэр нь сасэн фэн гэдгийг мэдэж ав. Бүх зүйл илүү дордхоос өмнө энэ хөгийн тоглоомоо зогсоосон чинь дээр.

Халуун хоол нэмж аягалахаар гал тогоонд самгардаж зогссон охин эдгээр аргадангуй атлаа гоморхмоор үгсийг сонсмогцоо хоолны хутгуураа тосгуур луу хаялаад залуу эрийн нүүрэнд наалдах шахам тулж зогслоо.

-Чи яагаад сасэнуудыг тэгэж их үзэн яддаг юм? Ким Югём, чиний өмссөн хувцас идсэн хүнс цаашлаад амьдарж буй байр чинь бүгд фэнүүдийн цус хөлс нулимсаар олдсон мөнгөөр авдаг эд биздээ. Ганц ч албан ёсны бараа, албум худалдаж авдаггүй байж чамд хайртай гэдэг охидын хажууд сасэнууд үргэлж чиний аюулгүй байдалд санаа зовж нойроо хугаслан телевизийн үүдэнд хүлээж зарим нь бүр чиний хараал идсэн аз жаргалыг тэтгэх мөнгийг олох гэж биеэ үнэлдэг. Тийм байхад чи ийм юм яриад зогсож байдаг, урам хугармаар юм.

Үнэхээр ч зарим мөнгөгүй сасэн фэн охид алдартнуудыг дагах, тэдэнд бэлэг өгөх мөн мэдээлэл худалдаж авахын төлөө биеэ үнэлдэг нь нууц биш.

Рюжин хорсол гомдлоор дүүрэн нүдээр залууг ширтэх авч Югёмд энэ бүхэн ядаргаатай санагдаж байхшиг.

-Тэгээд өг гэж гуйгаагүй биздээ? Дурандаа гаж донтон шиг аашилчихаад одоо хэн рүү уурлаад байгаа юм. Ер нь чи ч гэсэн ялгаагүй. Харваас ганцаараа амьдардаг бололтой, тэр их мөнгийг хаанаас олдог юм? Арай одоо хүртэл алдартнаар бохир өгүүллэг бичиж мөнгө олдог хэвээрээ юм уу. Эсвэл яриад байгаа охид шигээ биеэ үнэлж эхлээ юу?

Жижигхэн сууцанд тас хийх дуу хадаж Югём хөндүүр болсон хацраа гараараа даран жуумалзана. Рюжин багтарсандаа залууг хамаг хүчээрээ алгадаж орхиод шүүгээгээ уудлан юу ч юм хайх аж.

Төд удалгүй шалан дээр өндөр нягтаршилтай зурагнууд хөглөрөхөд залуу эр мөлхөх шахам зурагнуудыг цуглуулж аваад салганасан гараараа нэг нэгээр нь гүйлгэж үзэхдээ нүдэндээ ч итгэж чадахгүй байх шиг.

Зурган дээр залуу ямар нэг төрлийн ороомог амандаа зуусан байх бөгөөд нүд нь улаанаараа эргэлдэж жирийн бусаар инээж буй нь дүрслэгджээ.

-Би чамтай сайхан харьцах гэж хичээсэн ч бүтэхгүй нь. Маргааш өглөөний мэдээгээр "GOT7 хамтлагийн отгон гишүүн хар тамхи хэрэглэсэн нь батлагдлаа" гэсэн мэдээ цацуулж шоронд суух гээгүй л юм бол амаа татаад томоотой хүү байсан чинь дээр шүү. Сасэнуудыг битгий дутуу үнэл тэнэгхэн минь, тэд бүгдийг мэддэг юм.

Залуу хоромхон зуурт зургуудыг урж орхиод бүсгүйн мөрнөөс атган хананд шахахад Рюжин өвдөлтөө дуу алдан ёолно.

-Яасан? Одоо алдартай болчихсон гээд юу ч хийсэн болно гэж бодоо юу. Югёмаа, битгий ийм гэнэн бай л даа. Би хүсвэл үүнээс ч илүүг хийж чадна. Чи арай намайг энэ бүгдийг дэлгэхээс айна гэж бодсон юм биш биздээ.

-Муу хараал идсэн өлөгчин, чи яг юу хүсээд байгаа юм?!

-Чамайг. Чиний гэх бүхнийг. Хэдэн сая фэн охидын чинь хэн нь ч чамайг над шиг хайрлаж чадахгүй болохоор би чамайг хэнтэй ч хуваалцаж зүрхлэхгүй нь. Дэлгэцэн дээрх бизнес төрхийг чинь бус дэргэд минь байх Ким Югёмын дотоод хүнийг хайрламаар байна. Тийм болохоор намайг хайрла. Энэ л миний чин хүсэл.

Рюжин залуугийн хацрыг илбэн нүднийх нь доорх мэнгийг хуруугаа тэмтчиж дараа нь аажмаар дөхөн үнсэхдээ үл ялиг өлмийгөө өргөх агаад Югём хариу үнсэлт болоод эсэргүүцлийн алийг нь ч үзүүлсэнгүй. Зүгээр л хөлдсөн мэт зогсоно.

...

Энэ өдрөөс хойш Югём гадаад дахь тоглолтоороо далимдуулан надаас зайлсхийсээр байсан төдийгүй энэ бяцхан зугтах оролдлого нь миний 16 насны төрсөн өдөр хүртэл амжилттай үргэлжилсэн билээ.

Харин түүнтэй 4сарын дараа уулзахад юу болсныг бид бүгд мэднэ. 16 насны минь төрсөн өдөр ямар өрөвдөлтэй өнгөрснийг.

-Рюжинаа, чамайг ямар их санасаныг чи лав төсөөлөхгүй дээ ? Чиний минь хэлдэг зөв байж. Энэ хорвоо дээр намайг хэн ч чам шиг хайрлаж чадахгүй. Чи надад бүхнээ зориулж чадна гэсэн биздээ? Сэтгэлээ баталж харуулаач дээ. Хайр бүтээцгээе, мм?

Тэр өдөр ой тоонд тогтож үлдсэн эдгээр үгс.. Тавлах мэт харц нь бодолд минь одоо ч үе үе зурсхийнэ.

...

Хэдэн мянган хүний суудалтай танхим, сэтгэл хөдлөлдөө дийлдэн орилох залуухан охид, тайзан дээр 7 залуу.

Рюжин VIP суудалд чимээгүйхэн шигдэх агаад хүмүүсийн анхаарал татахгүйг хичээх нь хачин. Тэр хүмүүст ялангуяа Югёмд харагдчих вий гэдгээс үхтлээ айсан хэрэг. Шалтгаан нь өнөөх секс бичлэг. 

Тиймээ, энэ залуу үнэхээр хөгийн зан гаргаж чадсан ч энэ нь галзуу сасэн охинд төгс тохирох хариу барилт байлаа. 

Тэр яг урд минь байна, гар сунгаад хүрж болох тийм л ойрхон зайд. Цээжинд нь нүүрээ наахад ханхалдаг байсан сүрчигний үнэр одоо ч бүдэг бадагхан үнэртэнэ. 

Найзууд минь намайг солиорсон гэнэ, зарим нь бүр сасэн гэдгийг минь мэдчихээд холбоогоо тасалчихсан. Их сургуулийн төлбөрт хадгалсан 12 сая.воноос мянган вон ч үлдээгүй. Энэ сард байрныхаа түрээсийг төлөх ёстой ч байсан бүхнээ зараад VIP суудал захиалчихсан. 

Магадгүй энэ алдартанд донтох эмгэг гээч нь байх. Аль эсвэл өсвөр насны том тэнэглэл ч байж мэднэ. Галзуурах нь. Хэтэрхий хайртай болохоор..дэндүү дуртай болохоор..Хичнээн хичээсэн ч хагацаж чадахгүй нь.

Чамайг энэ газраас хулгайлаад зөвхөн хоёулхнаа байж болох газарт очих юмсан. Бүх л дэлхийгээс булааж аваад зөвхөн минийх гэж тунхаглахсан. Хэзээнээс вэ, энэ ёрын бодолд эзэмдүүлсэн нь?

Рюжин өөрийн мэдэлгүй уйлж эхэлсэн тул нүүрээ халхлан угаалгын өрөө лүү зүглэлээ. VIP суудлын эзэд тоглолтын дараа уран бүтээлчидтэй гар барих ховорхон завшаан олддог ч бүсгүй Югёмтай таарахаас зайлсхийн тоглолтын дундуур гарж буй нь энэ. 

Азаар тоглолт ид дундаа явж байсан тул угаалгын өрөөнд хүн байсангүй. Рюжинийг дагалдан орсон арын ажилчныг эс тооцвол шүү дээ. 

Бүсгүй эхэндээ Югём түүнийг таньчихаад хүн явуулж хөөлгөх нь гэж бодсон ч гарт нь атгуулсан JYP гэсэн нэрийн хуудсыг хараад балмагдаж орхилоо. 

-Чи их хөөрхөн юм. Бас нас залуу бололтой. Алдартан болох бодол байгаа бол 7 хоногийн дараа болох шалгаруулалтанд ирээд үзээрэй. Амжилт хүсье. 

Югёмаа, чи надаас зугтахыг хүссэн ч би чамтай илүү ойр байх боломжоо олчихлоо. Яах аргагүй хувь тавилан, тийм биз? Бурхан биднийг салгах бодолгүй байгаа бололтой. 

-Мэдээж, би заавал очно. Баярлалаа. 

Чамайг мэддэггүй байх үеийн би, чамтай нүүр тулсны дараах би.. тогтоон барихын аргагүйгээр чамруу тэмүүлэх болсон би. Хоосон зүрх, ядмаг сэтгэлээ чамаар л дүүргэх болсон би. 

Намайг дулаахнаар хүрээлэх хоолой, хараа салгахын аргагүй инээмсэглэл гээд л. Миний бүх зүйл чамаар сэргэдэг.

Тиймээ, тийм. Би чамайг хэзээ ч явуулахгүй, би тэгэхгүй. Чи ч үүнийг сайн мэднэ. Гэсэн ч юу ч гэж хэлсэн, яаж ч тайлбарласан чи сэтгэлийг минь бүрэн төгс ойлгохгүй дээ.