Paggising ko ay agad na akong naghanda para pumunta sa school and narinig ko kahapon ba half day lang daw kami ngayon kaya konti lang ang idadala kong gamit ko.

Pagpasok ko sa aming classroon ay parang mga nakawalang hayop na naman sa zoo ang aking mga kaklase, napakaingay, wala pang magandang bungad.

Naupo ako sa tabi ni Justin na may hawak na namang pagkain.

"Gusto mo ng egg sandwich? May gatas na rin" sabi niya and I chuckled.

"Palagi kang may pagkain ah" sabi ko at nilapag niya sa harapan ko yung egg sandwich at gatas.

"Siyempre baka magutom ka at ako pa ang kainin mo" sabi niya at tumawa kaya hinampas ko siya sa kanyang braso.

"Joke lang" sabi niya sabay tawa kaya kinain ko lang yung sandwich na binigay niya kasi hindi ako nagbreakfast. Ininom ko na rin yung gatas.

Pagkatapos nun ay sakto namang dumating yung teacher namin kaya yung dating ikot at agos na naman ng aming araw ang nangyari pero half day lang kami.

Pagkatapos ng aming klase ay tinawag ako ni Justin.

"Rylie, punta tayo sa bahay" yaya niya sa akin.

"Wag na" sabi ko sabay iling.

"Sige na, Rylie, pupunta naman kami sa mall ngayon at wala yung parents namin ngayon doon kaya walang kasama si Justin kaya samahan mo na" sabi ni Aish sa akin at naglakad na siya palayo.

"Tara na nga" sabi ko at pumunta kami sa sasakyan niya pero bago kami pumunta sa kanilang bahay ay pumunta muna kami sa supermarket para bumili ng ingredients kasi magluluto raw siya.

Pagdating namin sa kanilang bahay ay namangha ako sa laki nito at ganda.

Nilapag ko sa sofa yung mga gamit ko at nilagay ko sa lalagyan ng mga sapatos yung sapatos ko.

"Wala ka bang dalang damit?" tanong ni Justin sa akin at umakyat siya sa hagdan.

"Wala malamang, alam ko bang pupunta ako dito?" tanong ko at napailing na lang siya saka ako hinila papunta sa kanyang kuwarto.

"Hoy! Anong gagawin mo?" tanong ko, kinakabahan.

"OA! Magpalit ka na nga diyan, dun ka sa CR" sabi niya sa akin sabay hagis ng damit sa akin.

"Damit mo ito?" tanong ko.

"Nakalock kuwarto ni Aish, yan na isuot mo, napakaarte, kalalaba lang yan" sabi niya kaya umirap na lang ako at pumasok sa kanyang banyo.

Nagpalit na ako at suot ko yung t-shirt niya at yung short sa ilalim ng aking palda.

Kung titignan mo, parang wala akong short pero duh! Meron kaya alangan naman nakapanty lang ako kapag nagpalda?

Lumabas na ako sa banyo at wala na siya sa kanyang kuwarto kaya bumaba na ako sa kusina.

"Oh eto, hugasan mo" sabi niya sa aking nang makalapit ako sa kanya at inabot niya sa akin yung mga prutas at gulay.

Habang naghuhugas ako ng mga gulay at prutas ay abala naman siyang naghahati ng karne at ewan ko basta may ginagawa siya.

"Ano bang lulutuin mo?" tanong ko.

"Ewan ko" sabi niya sabay tawa kaya binatukan ko siya.

"Baliw, magluluto ka tapos hindi mo alam lulutuin mo?" tanong ko sabay irap.

"Chicken Curry po, Madam" sabi niya sabay tawa.

"Para saan itong gulay?" tanong ko.

"Fruit salad, favorite ni Aish" sabi niya sabay kibit balikat kaya napatango na lang ako.

Umupo ako sa isang high stool chair at pinanood ko siyang magluto.

"Tunaw na ako" sabi niya.

"Huh?" tanong ko.

"Kanina ka pa nakatitig eh" sabi niya kaya napairap na lang ako.

Habang nasa mall kami kasama ang aking mga kaibigan ay biglang nagring ang aking cellphone kaya agad ko namang sinagot ito.

"Hello?" tanong ko.

"Aish, sabay na tayo uuwi mamaya kasama si Daphne at ang Dad mo, si Justin na rin" sabi ni Mommy.

"Mom, nasa bahay na si Justin" sabi ko.

"Ahh sige sige, pumunta ka na ngayon dito, wala nang reklamo" sabi ni Mommy at pinatay agad ang cellphone kaya wala akong nagawa kundi pumunta na dun sa company namin.

Pagdating ko dun ay agad na akong sumakay sa kotse kasama si Daphne at sumunod na rin sila Mommy at Daddy.

"Ang aga natin ngayon ah" sabi ko.

"Ganun ba, Aish?" taas kilay na sabi ni Mommy kaya kinabahan ako.

"W-What do you mean, Mom?" tanong ko at napalunok ako.

"Anniversary namin ng Dad mo ngayon" sabi ni Mommy at nagkatinginan kami ni Daphne.

"Sorry" sabi ko sabay kamot sa batok. Nagkibit balikat na lang si Daddy at nagsimula nang magmaneho.

Nang nakaparking na kami ay lumabas na kami sa kotse at sabay sabay kaming naglakad papunta sa bahay.

Nang nasa sala kami ay may narinig kaming nakakapagtaka.

"Yan kasi oh, alah, lakihan mo pa ah para masarap" nanlaki ang mata ko sa narinig kong boses ni Rylie.

"Ehh lawakan mo kasi yan ah para magkasya ito" nagkatinginan kaming apat.

Anonv ginagawa nila dun?

Sabay sabay kaming sumilip sa kusina at napatigil silang dalawa at napatingin sa aming apat.

Nakita ko si Rylie na nakatayo sa tabi ni Justin na may hawak na malaking plato at si Justin naman ay may parang niluluto.

"Oh Justin" sabi ni Mom.

"Hi, Mom. Hi, Dad" sabi ni Justin at lumapit siya kina Mom at Dad at si Rylie naman ay nakayuko lang doon at tahimik.

"Oh nak, okay ka lang?" lumapit si Mommy kay Rylie at tinapik ang balikat niya. Tumango lang si Rylie at ngumiti kay Mom.

Umakyat na sa taas sila Mom at Dad kaya kami rin ni Daphne ay sumunod.

Hindi ko inaasahan ang pagdating ng kanyang mga magulang kaya nung umakyat na sila sa kuwarto ay kinurot ko ang tagiliran ni Justin.

"Aray!" sabi niya at tumingin siya sa akin.

"Ba't hindi mo sinabi?" tanong ko at kumunot ang noo ko.

"Siyempre, surprise" sabi niya sabay tawa kaya binatukan ko siya.

"Aray oh!" sabi niya sa akin kaya pinanlakihan ko siya ng mata.

"Oh, maglagay ka na ng pagkain diyan, batok ng batok" sabi niya kaya tinawanan ko lang siya at naglagay na ng pagkain sa pinggan na hinanda ko at hinanda na namin ang mga pagkain sa lamesa.