This is a horror one-shot story. Now you're reminded. Lol haha

| the red scare crow |

"Ang init. Matagal pa ba tayong maglalakad, Grace?" tanong ni Johnny kay Grace na nangunguna sa daan patungong bukid.

Tumutulo na rin ang pawis ko sa paglalakad namin. Kailangan naming mag-shooting para sa group project namin sa Filipino at napili naming sa bukid na lang tutal at tungkol naman sa kalikasan at pagtatanim.

"Tiis tiis din kasi minsan eh, noh?" prangka namang sabi ni Aira sa kanya at umirap naman sa kanya si Johnny hanggang sa parehas na silang nag-iirapan.

Nagtuloy kami sa paglalakad at ng makarating kami sa bukid na sakop ng lupain ng lolo ni Grace ay agad kaming nagpahinga at sinimulan na ring mag-shooting.

"Ulit, masyadong mabilis yung paglalakad mo, Ella. Ikaw rin, Mikay." sabi ng ate ni Grace na siyang nagvi-video sa amin. Tumango naman ako at inulit ang part namin.

Sampu kaming lahat kasama na ang ate ni Grace. Nagpahinga kami matapos ang scene sa bukid.

"Ang creepy nung kuya doon, oh? Nakasumbrero tapos naka-red na may hawak na itak." sabi ni Grace at tumingin naman kami sa gawi nang lalaking sinasabi ni Grace at napansin namin ang titig niya sa amin.

"Kanina pa siya dyan eh." sabat naman ni Kael habang nagpupunas ng kanyang pawis.

Nakaupo kami sa may maliit na kubo. Nagulat kami ng nasira ang isang kahoy na parte ng kubo at naalis ang malaking bahagi nito.

Pinabayaan na lamang namin ang nangyari ngunit pansin ko na unti-unting naglalakad sa direksyon namin ang lalaking naka-pula ang damit at nakasayad naman ang itak sa lupa habang siya ay naglalakad.

"Guys, alis na tayo. Please." natatakot kong sabi. Nagtataka silang tumingin sa akin ngunit nag-ayos na rin ng kanilang mga gamit.

"Naglalakad yung lalaki papunta sa direksyon natin." napansin na rin ni Daisy ang nakita ko kanina at takot ang bumakas sa aming mga mukha, maliban kay Johnny na tumatawa pa.

"Anong creepy dyan? Pfft, tinatakot niyo lang ang mga sarili niyo." natatawang sabi ni Johnny.

"Edi huwag kang umalis kung ayaw mo!" naiiritang sabi ni Ced. Nagsisimula na kaming maglakad at pansin namin ang pagbilis ng takbo ng lalaki kaya't nag-aatubili kaming tumakbo.

Walang bahay dito sa bukirin nina Grace at ang malala pa ay halos aabutin kami ng kalahating oras para makakita ng mga bahay dahil nasa bukana pa ito ng kanilang bukirin.

"Takbo. Bilis!" takot na sabi ni Ryza kaya't lalo pa naming binilisan ang pagtakbo dahil malalaki ang hakbang ng lalaking humahabol sa amin.

Pansin ko ang panghihina ng aking tuhod ngunit sinubukan ko pa ring tumakbo para makalayo kami.

Ng malapit na kami sa bukana ay may matandang lalaki na nakatalikod sa amin. Hinahasa niya ang kanyang itak sa isa pang itak at mukhang hindi pa niya napapansin ang presensya namin.

"Manong, padaan po." pakiusap ni Shelly habang hawak ang kanyang dibdib.

Humarap sa amin ang matandang lalaki at nagulat kami ng mala-demonyo itong tumawa.

Hindi pwede! Siya iyong lolo ni Grace at mukhang siya rin yung lalaki na naka-sumbrero sa bukid kanina.

Grace's grandfather is... dead.

Itinutok niya ang kanyang itak kay Johnny at tumitig siya rito.

"Johnny, Johnny." pakantang sabi ng matandang lalaki na lolo ni Grace.

"Yes, papa." halos hindi kami makagalaw dahil sa kung anong ginawa ng matandang lalaki sa amin.

"Eating sugar." patuloy ng matandang lalaki.

"No, papa."

"Telling lies." at bigla siyang ngumisi na nakapag-pakilabot sa aming lahat.

"No, papa."

"Open your mouth."

"Arrrkggh!!" nagulat kami ng biglang sumuka ng dugo si Johnny at untu-unting tinaga ng matandang lalaki ang kanyang dibdib.

Wala kaming nagawa at nakatingin lang sa nangyayari ngayon.

Humarap ang matanda sa amin at matamis na ngumiti.

"Paumanhin sa inyo. Nais ko lamang parusahan ang kalapastangan ng lalaking ito at ang kanyang pang-iinsulto sa akin kanina sa kubo ko." sabi niya bago nilipad ng hangin ang kanyang katawan.

Naiwan ang itak na ginamit ng matanda na kung saan nakatarak ang puso ng aming kaibigan.

***

Scary...