اللهم صلِ وسلم على نبينا محمد وعلى آله وصحبه أجمعين

بسم الله نبدأ

جلس بطلنا على السجاد مع الجني

كان يطالع الأرض و هي كل ما لها تختفي اكثر فأكثر

و فجأه اختفت الأرض بشكل كامل

كانت الرؤية بالنسبة لياسر شبه معدومة بسبب الضباب اللي ما يدري وش سبب ظهوره فجأة

ياسر / الحين احنا وين

الجني / قربنا نوصل من مكاني انا و جماعتي الجن

ياسر / طيب الضباب ذا ليش فجأه شفته

الجني / اذا شفت ذا الضباب يعني انك وصلت الحدود

سكت ياسر و كان يحاول يشوف كل شي مع ان الضباب كان مخلي الرؤية صعبه شوي

بدا الضباب ينزاح و صار ياسر يدقق على أصغر التفاصيل و يسأل عنها

البيوت كانت كأنها مهجوره من سنوات

كل المباني كانت قديمة و مهترئة

حتى الشجر و النباتات كانت أشكالها غريبة عندهم و مخيفة

نوع واحد من انواع النباتات عرفته و هو نبات الدروسيرا

الجني و هو طفشان من كثرة اسئله ياسر / انت عن كل شي تسأل؟ ترا ابثرتني بأسئلتك

ياسر / انت وافقت على طلبي يعني لازم تلتزم فيه خلك رجال و كون قد كلمتك

الجني / خلاص انزل

ياسر و هو ينزل من على السجاد / انت تقدر تطير؟

الجني / اقدر

ياسر/ طيب ليش مركبني على هالسجاد

الجني / لانك معي و مالي حيل اشيلك على ظهري

ياسر / انت شسمك نسيت أسألك عن اسمك؟

الجني / اسمي غريب و صعب شوي من الحين يا ويلك تنطقه غلط

ياسر / طيب اخلص شسمك

الجني / شمهروس

ياسر/ وش معناه

شمهروس/ مدري ابوي اللي سماني

ياسر / طيب انتم الحين تتكلمون مع بعض نفس ما تتكلم معي الحين و لا تتكلمون بلغة ثانية

شمهروس/ نتكلم باللغة السومرية

ياسر بخوف / شف اللي هناك جاي لعندنا

شمهروس/ اوه هذا صاحبي الاعور

كان الأعور منظره مخيف بشكل لا يقل عن شمهروس بل اكثر بسبب ضخامته اتوقع الضربة الواحده منه تفقدك الحياة

الاعور و هو موجه كلامه لشمهروس /من ذا اللي بجنبك؟

شمهروس / ذا ياسر واحد من البشر قابلته بالأرض

الاعور / شفيك طيب معامله معاملة اعز الاخويا و جايبه لديرتنا انت ناسي ان ابليس محرم علينا اننا نجيب اي بشري لهنا بدون علمه و بدون طلب منه

لف شمهروس على ياسر و قال / شوي و بجيك ابي الاعور بكلمة راس

ياسر / تمام

اخذ شمهروس الاعور و راح به على جنب و قال / ابك انت تبي تفضحنا ما تسكت انت لازم تفضح او ما تتكلم ابد

الاعور/ شسويت يا وللد تراك قالب علي فجأه عشان ذا البشري القزم

شمهروس/ انا كاذب على ياسر ذا و قايل له اني جني مسلم عشان اعطيه الأمان و اسوي اللي براسي

الاعور / وش اللي براسك؟

شمهروس/ ابي انتهز اي فرصة و انقَّض على ياسر و اسلمه لإبليس كقربان عشان اتقرب منه عاد تعرف ابليس يممموتت بتعذيب الاودام