اللهم صلِ وسلم على نبينا محمد وعلى آله وصحبه أجمعين

بسم الله نبدأ

عند شمهروس و الكيان :)

رجعو و ما لقوا ياسر انتبهوا لقطرات الدم الموجوده على الأرض تبعوها لحد ما وصلوا للبوابه كانو يحاولون ياخذون ياسر بس كل ما خطوا خطوة ينوونه فيها يطيحون على الأرض بلا سبب

اما ياسر كان يدعي و يترجى الله و يوم شافهم اقتربوا جلس يدعي ما يمسونه بأي اذى و اول ما شافهم طاحوا عرف ان الله استجاب دعوته

خرج من البوابة هذي بالسجاد و طار معه السجاد

شعور الانتصار صار يتملكه و الفرحه أسرته بشدة

كان متيقن كل اليقين انه خلاص ما له رجعه لهنا

ما كان يدري بمستقبله القريب

كان السجاد يطير و ياسر جالس عليه فرحته تكبر كل ما شاف الأرض أقرب

حط على المدينة اللي هو ساكن فيها بس ما كان بنفس الحي

حط بأحد الاحياء المرعبة

هذا الحي مليان بالبيوت المهجورة و المسكونة

و هو مسكن الكثير من السحره

و فيه مقبره بعد

كان هذا الحي يبعد عن بيت ياسر مسافة نص ساعة تقريبا

ياسر و هو يحاول ينظِّم انفاسه و يهدي نفسه/ اهدى يا ياسر الوضع ريلاكس انت مو كنت ما تخاف تشجع خلك قوي و غير كذا وحده من أمانيك كانت انك تجي لهذا الحي بس عشان اهلك ما يسمحون لك ما قدرت تحقق الامنية و اكيد ان الله جابك لهذا المكان عشان تحقق اللي انت تبيه

قاطعه صوت كسر زجاج

بلع ريقه بخوف و هو يتلفت يدور مكان الصوت

قال و هو مخاطب نفسه / انت مالك شغل عشان تدور مكان الصوت اللي عليك ترجع للبيت عشان تشوف لك طريقة توقف فيها كل هذا

حس بيد بارده على كتفه

كانت شديدة البرودة

لف ياسر بسرعه و لقى امرأه كبيره في السن

قال و هو يحاول ما يبين توتره/ بغيتي شي؟

العجوز / بغيتك تجي تساعدني تدخل معي أغراض لبيتي

ياسر بنفسه / يا الله مو وقته و بعدين شكلها يخوف بعد اللي صار لي ما عاد فيه ثقه بأي احد

كمل بنفسه و هو يفكر فيها / بس حرام يمكن تكون صادقه خلني اساعدها اكسب فيها اجر