اللهم صلِ وسلم على نبينا محمد وعلى آله وصحبه أجمعين

بسم الله نبدأ

العجوز / هاه يا وليدي وش قلت تقدر تساعدني و لا لا

ياسر / ايه يا جده ما عليك بساعدك بس وين اغراضك؟

العجوز و هي تأشر على مكان بعيد شوي / هناك

مشى ياسر مع العجوز و ساعدها بشيل الأغراض و جلس يمشي مع العجوز بإتجاه بيتها

مشوا وقت طويل و ما وصلوا

ياسر / جده كم باقي و نوصل تعبت

العجوز / خلاص وصلنا هذا بيتي

دخل ياسر الأغراض لبيتها و اول ما جاء بيروح وقفته العجوز و هي تقول / والله ما تروح الا الين تتعشى عندي انت ساعدتني و اعتبر العشاء مقابل لمساعدتك لي

ياسر/ لا شدعوه بروح بيت اهلي اكيد ينتظروني

سكرت العجوز الباب و قالت/ منت برايح الا لحد ما تتعشى

سكت ياسر و هو ما له خلق يجادل

راح ورا العجوز لوحده من الغرف دقايق و جت و معها دله قهوه و تمر و معمول بالتمر

ضيفته و قالت/ اعذرني على القصور

ياسر / لا ما من قصور

كانت ريحة القهوة رهييبة و طعمها لذيذذ ما قد ذاق ياسر مثلها

قامت العجوز و قالت / بروح اشوف الاكل على النار و اجيك تبي اجيب لك شي معي؟

ياسر / كوب ماء بارد بس

العجوز / ابشر

راحت العجوز و قعد ياسر لحاله بالغرفة يتقهوى سمع صوت صراخ

خاف ان العجوز صار لها شي و قام و هو مفجوع يدور عنها

سمع صوت من احد الغرف اللي كان بابها مسكر

فتح الباب و شهق بصدمة من اللي شافه!!