اللهم صلِ وسلم على نبينا محمد وعلى آله وصحبه أجمعين

بسم الله نبدأ

تفاجأ بسقوط البلوكه من يده لتحت

لف وراه و كانت زوبعة هي اللي طيحتها

انقضَّت عليه بحقد

طيحته على الارض و صارت تحاول تعض كتفه

لكن ياسر لمح عصا كانت قريبه منه

التقطها و حطها بفم زوبعة و صار يدفعها لـ ورا و العصا بفمها

ياسر و هو يقاوم و يصد هجوم زوبعة عليه / انا لو ابي اسوي لك شي و اضرك كان ضريتك من اول ليش صدقتيه و انا كنت احميك

صارت دموعها تنهمر على خدها و اول ما حست بخطوات الجن يقتربون منهم لفت عليهم و انقضت عليهم بشراسة

بضربة واحده على رقبة واحد منهم انقطعت رقبته و طاح على الأرض فاقد للحياة!!

و الثاني اوقعته على الأرض و دهست راسه برجلها حتى خرجت عيونه من مكانها و فقد حياته بعد دقايق من الصراخ و الالم!!

ياسر كان يراقب بدهشة و الم المنظر كان مؤلم و اقل ما يقال عنه بشع

رجعت زوبعة للطفلة اللي يعرفها ياسر

اقتربت منه و هي تبكي و تتفقد حاله

ياسر/ ما تأذيت

بعدها قال بفضول/ كيف انتي تتحولين كذا و ليش قلبتي علي بعد ما كلمك هذاك

زوبعة / انا انولدت من اب من الجن و ام من الانس

ابوي كان مس عاشق.. حب امي و بعدها خطفها لعالم الجن و تزوجها و بعدها طلعت لهذي الحياة

و بسبب هذا الشي حملت بعض صفات الجن و بعض صفات الانس

بطبيعتي شكلي كأني طفلة من أطفال الإنس لكن..

تنهدت بألم على حالها و اردفت/ لكن اذا أمرني اي احد من الجن اتحول لجنية و اسوي اي شي يطلبونه مني الجن اصير مثلهم بدون اي رحمة اتجرد من الإنسانية و اصير قاسية ما ارحم اعيث الفساد و اسوي اللي ما اسويه و انا طبيعية و الشي اللي يقهر اكثر اني ما اقدر اسيطر على نفسي

ياسر / طيب الحين...

زوبعة / بالعادة ما اقدر اسيطر على نفسي بس اللي صار اليوم اول مره يصير و السبب ما اعرفه على العموم بساعدك للحد اللي اقدر عليه بعدها برجع لبيتي