اللهم صلِ وسلم على نبينا محمد وعلى آله وصحبه أجمعين

بسم الله نبدأ

خرجت السكين اللي اعطتها زوبعة لياسر و قالت / تحب اطعنك فيها

و خرجت سكين اكبر مليانه دم و اردفت/ ولا تحب اطعنك بهذي

قام ياسر و فتح الباب يبي يهرب

انفتح الباب و قام يركض بأقصى سرعه

شد انتباهه احد الأبواب

كان شكله شبيه بـ باب الخروج حق بيته

تقدم ياسر منه و فتحه على امل انه يوصل لبيته

فتح الباب و جلس براحه يوم شاف انه دخل لبيته

و اخيرا رجع للمكان اللي يبيه

اقتربت منه امه بخوف و قالت و هي تتفحصه/ ياسر حبيبي شفيك كذا مليان جروح و ليش طلعت من دون تعلمني انا و ابوك

ياسر / لا تخافين بس تضاربت

ام ياسر / الله يهديك

اردفت بعد ما نادت ساره اخت ياسر / روحي سوي لاخوك شي ياكله مسكين منهد حيله

ساعدته يقوم من الأرض و وصلته لغرفته و قالت / خذ لك ملابس و روح تروش على ما يخلص الاكل

راحت ام ياسر و بقى ياسر مع أفكاره

يا ترا انتهى كل شي و لا هذي تهيئآت تهيأتها عشان اطمن نفسي؟

كان هذا السؤال يدور في راس ياسر

جاوب على نفسه بإعطائها برهان

'' ياسر انتهى كل شي تطمن الاصوات اختفت و الجن اختفوا و هذا يعني ان كل شي انتهى ''

قام ياسر و تروش و خرج لاهله

جلس ياكل و يسولف معهم بشوق

الشي اللي تمناه تحقق اخيرا

ما يدري انه ما راح يدوم كثير

ارتفعت حرارة ياسر

كان متعب بشكل كبير

مستلقي على كنب الصاله و امه بجانبه تحط له كمادات

غفى لفتره مو طويله

فتح عيونه بنعاس ثم انفتحت اكثر بفجعه

وجه امه تحول للجنيه اللعينه

قام بخوف و جلس ينادي / يبه يبه وينك

خرج ابوه من احد الغرف و قال / انا هنا

و تحول وجهه لوجه شمهروس

طلع ياسر لغرفه ساره و هو يناديها/ ساره وينك

ساره / انا هنا

تحول وجهها لوجه الاعور و زاد هذا الشي رعب ياسر