онгойхтой зэрэгцэн том онгойстой байсан цонхоор салхи хүчтэй салхилан орж ирэхэд , цонхтой ойр суух хүүхдүүд ширээн дээрх зүйлээ хийсэхээс сэргийлэн атгаж байлаа.

Гартаа хүн бүрийн үзэн яддаг , заримдаа бүр гарнаас нь булааж аваад цонхоор шидчихмээр үе санагддаг дүнгийн дэвтрийг атгасан багш бусад өдрүүдийг бодвол арай дээр хувцасласан нь шууд л харахад мэдрэгдэж байв. Үргэлж задгайгаасаа болоод ядаргаатайн аргагүй арагшлуулдаг урт бор үсээ дээш цэвэрхэн шууж заримдаа жижиг бичиг харахын тулд зүүдэг нүдний шилээ өнөөдөр зүүсэн байлаа.

Гэхдээ энэ төрх нь түүний шулам гэх хочыг огтхон ч өөрчлөхгүй нь лавтай.

Дэвтрээ дэлгэн үзгээ таглаанаас нь салгаад би өчигдөр оройны хагас дутуу нойрондоо эвшээлгэн самбарлуу харахад багш бүх хүүхдүүдийг босгон дараа нь нэг нэгээр нь нэрийг нь бүртгэн дуудаж эхлэв.

" Шин Эри. ".

Надаас хоёр сандалны цаана суух охин байна хэмээх дуугарч эхлэхэд би толгойдоо өөрийнхөө нэрийг хүлээн таазруу санаа алдан харлаа.

" Жун Хусог. "

Үсээ арагшлуулан тэрээр байна хэмээн дуугарахад түүний хоолой бүдүүн бөгөөд урьдын л адил эрч хүчтэй сонстож байв. Гэвч хар өглөөгүүр эрч хүчтэй хүн ер бус гэдэг нь илт билээ.

" Өнөөдөр аз болж хоцроогүй байх чинь. " Багш дэвтэр дээрээ тэмдэглэнгээ Хусогруу ганц ч харалгүйгээр хэлэхэд Хусог инээмсэглэн " Өнөөдрөөс би өөрчлөгдөж байгаа. " гэх ба ангийн хүүхдүүд дор бүрнээ түүний үгэнд инээнэ. Учир нь тэд одоо гурав дахаа түүний ингэж хэлэхийг сонсож байгаа учраас.

Би түүний зүг харан түүнтэй харц тулгарах ба хуруугаараа түүнрүү заахад тэр миний дохиог ойлгон толгойгоо хүчтэй бөгөөд олон удаа дохив. Мэдээж өглөө болгон түүнийг сэрээхийн тулд зовдог надад ч бас шагнал хэрэгтэй шүү дээ.

" Мүн Исүл "

Нэрийг минь дуудах үед Хусог надруу харан намайг байна гэж хэлэхийг ажиглах ба би түүнрүү юугаа-хараав гэсэн харцаар харахад тэрээр амаараа юу идэх юм хэмээн асуулаа. Гэдсээ барин би эргэн сандалдаа сууж ойрд гэдэс минь юу хүсч байсныг бодох хооронд багш яриагаа эхлүүлэн жирийн нэг долоон хоног эхлэв.

" Өмнөх хичээлээ сайн уншсан биз дээ? Дараа долоо хоногт илтгэлээ тавина шүү." Үүний араас сурагчдын уцаарлангуй уулга алдах дуу дагах бөгөөд бүх хүүхдүүд ширээ сандлаасаа босч өмнө хичээлийн баг болсон хүүхдүүд дээр очиж байлаа. Толгой өвдөж байснаас өмнөх хичээл дээр суугаагүй би хэнтэй нэг баг болсоноо мэдэхгүйгээр ойр хавиа ажин суух бөгөөд миний урдах хүүхэдтэй баг болсон бололтой, урд суух харин би ширээнээсээ хөдлөлгүй ямар нэгэн гайхамшгаар ангийн ухаалаг сурагчдын нэг нь намайг олоод ирээсэй гэн хүлээн суув. Урд сууж дуртай дургүй цүнхээ тэврэх Хусог дургүйцсэн төрхөөр надруу эргэн харж,

" Бид нэг баг болоогүй нь харамсалтай. Хамтдаа байсан бол. " хэмээн гунигтай царай үүсгэхэд би түүний духыг хуруугаараа түлхэн " Хоёулаа нэг баг болвол дүн тавьруу орно гэж мөрөөдсөний ч хэрэггүй. Тэглээд ч өдөр шөнөгүй хамт байсаар байхад дахиж хамт байх шалтгаан надад хэрэггүй шиг хэрэггүй зүйл алга. " гэлээ.

Хусог хуурамчаар уулга алдаж үг хэлэх гэхэд миний хажууд сандал татагдан ирж хүн суух нь тэр. Ширээн дээр гараа тавих түүний судас товойсон гарлуу эхлэн харц туссан би дараа нь царайлуу нь харахад хажууд гэнэт Хусог инээдээ барьж чадалгүй инээж эхлэлээ.

Жундэ надруу инээмсэглэсэн ч Хусогруу гайхширсан харц илгээсээр сандалд суух ба би Хусогийн сандлыг доороос нь өшиглөв. Намайг одоо ч хүртэл ганц удаа түүнийг царайлаг гэснээс сайн болчихож гэсэн бодолтой Хусог Жундэрүү харц илгээх ба намайг сандлыг нь өшиглөх үед л нуруугаа тэгшлэн урагш харлаа.

"Чамтай нэг баг болсондоо би маш баяртай байна. "

Мэдээж Жундэ ангийн ухаалаг сурагчдийн нэг бас нүүрэндээ гайхамшигтай инээмсэглэлтэй ч би түүнийг ангийн хүүхдийн хувиас цааш харж байгаагүй ч Хусогоос болж Жундэрүү харахаас ичиж байв.

" Үгүй ээ-биш ээ, тийм ээ... би харин бүр талархаж байна. "

Жундэ дэвтрээ дэлгэн бидэнд өгсөн сэдвийг гаргаж ирэх ба юу ч байсан хамаагүй бичих гэж байсан надруу харав.

" Хоёулаа энэ удаа хүмүүсийг алмайруулахаар илтгэл тавих болно оо. Чамайг би олны өмнө илтгэл тавихдаа сайн гэдгийг мэднэ. "

Би толгойгоо дохин ичингүйрэн хальт инээмсэглэх ба дахин үг хэлэлгүй тэрээр хичээлдээ орж эхлэлээ. Хэд гүйлгээд л тэрээр дэвтэртээ тэмдэглэгээ хийх ба би номоо уншихаасаа илүүтэйгээр түүний цэвэрхэн бичигнээс хуулан бичиж байх нь дээр мэт санагдаж , гэсэн ч төд удалгүй бидний анхаарлыг сарниулаад байх Хусогруу харахаас өөр аргагүй болов.

Түрүүхэн түүний ямар нэгэн тоглоомгүйгээр энх тайван амьдарч байснаа санагалзахад надаас түрүүлж

" Бид хичээлээ хийх гэж оролдож байна " гэх Жундэ инээмсэглэнгээ байн байн арагш суниаж дэвтэр ном хөдөлгөх Хусогт тайвнаар хэллээ.

Хусог арагш харсанаа,

" Өө яана аа уучлаарай, би мэдсэнгүй. Гэхдээ Жундэ би чамд нэг юм хэлэх үү? байзаарай та нар энэ сэдвийг авсан юм уу? ямар их юм, За тэр ч яахав үнэндээ энэ Исүл- Яаая"" би түүний толгойг номоороо сайхан цохилоо. Цохих дуу түүний ёолох дуутай чанга байсан учраас ойр хавийн сурагчдаас дургүйлэхсэн харц хүртэж байв.

" Хусог чи амаа хамхиж чадах уу? "

Хусог цохиулсан газраа гараараа үрэнгээ одоо ч хүртэл гайхшран бид хоёрлуу ээлжлэн харах ч нүүрэн дэхь инээмсэглэлээ секунд ч гэсэн үл арилгах Жундэрүү харж надруу ч тэр харвал би түүнийг харцнаас минь "Дахиж үг хэлвэл ална" гэх дохиог минь уншина гэдэгт итгэж байлаа.

" Хүчирхийлэл ашиглах хэрэггүй байсан шүү дээ. Би зүгээр л юм хэлэх гэж байхад "

Үргэлжлүүлэн арыг нь чимхих үед өвдөлтөнд гинших Хусог сандландаа тийчлэн хэдэн тийш хөдөлж бүр ширээгээ хүртэл цохиход юмаа хийж байсан Жимин үзэг нь хөдөлсөнд уурлан гараа зангидсаар ширээг цохилоо.

Гэнэтийн чанга дуу шуугианд багш хүүхдэд туслах байрлалаасаа өндийн бидний зүг харахад багшийн нүдэнд ердөө ярвайх Хусог гарыг нь чимхэх би өртөн багш нүдний шилээ дээшлүүлэв.

" Хусог , Исүл та хоёр хамтдаа галуун цуваа хийхийг хүсээ юу? Тэгээгүй бол дуугай урагшаагаа хараад багийн ажлаа хий. "

Байрлалаа өөрчлөн бид хоёр үг дуугүй урагш харцгаан , би номоороо нүүрээ хаан ширээлүүгээ бөхийхөд хажууд Жундэгийн толгойгоо зөөлхөн сэгсрэх үзэгдэж , чимээгүй хөхрөх чимээ сонстоно.

***

❌❌

Нэг их урт фанфик болохгүй бас иймэрдүү зохиол байдаг байж магадгүй. Гэхдээ зуун хувь миний ухаан санаанаас гарсан учраас уншиж байсан ч юм уу өөрийн чинь зохиолтой адилхан байвал энэ бол яг зуун хувь хувь заяа шүү . 😊👌🏽🔥