Zonunsanga chu azah leh thinrim avang chuan tawng pawh a tawng tawhlo.. Tum deuh bar chuan a thing thi a.. Zosangzuala erawh a nui tut tut a..

Chutia a nui chu Zonunsanga tan erawh thinrimna tizualtu ani " engtin nge ila nuih theih ? I zak ve miahlo mi ? Nangmah vang anih hi " atap tep lek lek ani.. A pian a hnu lam a hrem a tawh vawikhatna ani school ah ..

Zosangzuala chuan " nuam ka ti daih zawk tia min hrem dun hi " tih pah chuan a siai zeuh a..Zonunsanga chu alai chhe nghal vek ..ni e hepa huhang ngah zia kan sawi tawh kha mi hipna nasa tak anei ani.. Magnet hlauhawm tak ani hmeichhia mai nilo mipa tam tak a hip tlat (mipa tam tak tih hi tuai ) .. Zonunsanga chuan " i chhe mai nih chu .. Vawikhat hrem ka tawhna ..chupawh nangmah vang " ati leh sak a..

Zosangzuala erawh nichin mai a mood fuhlo zet si kha anui leh ang thre thaw ta reng mai leh si a..a awm dan hi hriatthiam a har em ani..

" anih min ngaidam rawh aw.. Keimah vang in an hrem si che a.." Zonunsanga nuih sen sen pah chuan ati a... Zonunsanga chuan lo chhang vat in " anih chuan kan inah chaw ilo ei thei vawiin tlaiah " ati nghal vat a.

Zosangzuala chuan duhawm a ti ngawih ngawih a.. A titau anui hmel engkim chu en nin a har ati em ani.. A en ngawih ngawih ani ber " ole ole..mahse kha melvin khan a ei ve dawn em ? " ati zui nghal a.. Nge melvin -a ei leh eiloh ah pawh chuan a buai viau ni..

" ka hrelo ,ka sawm der ve mai mai a.. Lo ei duh dawn nge ni " Zonunsanga chuan ati a..

Zosangzuala chuan chhan a tum leh lai tak chuan an teacher chuan " Titi tur in ka hrem lo chu.. Nuam in ti zawk nge ni .. Lo lut zawk teh u.." atia ako lut a..anlo nui deuh dar dar a.. Mipathum tih loh chu ni e an thiannu Zami hian an awm dan hi aman ru tlat ani.. Tin Melvin hian Zonunsanga leh Zosangzuala te awm dun hi a hlimpui ve thei lo tlat pek a ,achhan leh vang pawh a hre bik hauhlo..

Mi pathum zing a pakhat la awm leh chu Zosangzuala bialnu hi ani Jojo Josephine ngei mai kha ni e Zosangzuala a thinlung tak atang a nui hmel ava hmu kha alawm mahse amah vanga nui anilo tih ahriat rual rual in a lawmna kha thinrimna ah inthlak leh nghal si..

An teacher chuan an classmate te hma ah chuan a din tir a.. Hla in chhang in sa ang ati chu anlo au dur dur a.. Melvin erawh ameng thip sak sak khawp mai..

Chutiang bawk in Jojo pawh .. Faka leh Erick te rawh an phur nasa mai sia ..

An zirtirtu chuan "Zosangzual eng hla nge in sak ang " an la ti deuh2 ..an zirtirtu hi fiamthu duh deuh ani a..mahse a hun ah erawh kawlh in an hlau thei khawp mai..

Zosangzuala chuan Zonunsanga chu ava melh zeuh a.. Zonuna erawh zah vangin a sen vek a.. Malsawmsanga chu lo dingin " Sir ka lo thlang ang Zosangzuala thutpui hlui nih man ah Ka hmangaih che tih hla kha " alo ti ni e ni e anlo ti nak nak a...

Zosangzuala chuan zonuna zah zia a hriat chuan an zir hnenah chuan " Sir kan bengchheng tawhlo ang .. Kan zailo hram ang " ati a.. An sir pawh chuan akal tir hram a.. Zonunsanga chu azah em vang khan tawng pawh a tawng leh tawhlo.. An zirtirtu chhuah ve leh Jojo chu Zosangzuala bulah chuan a han kal a..Josephine hi tinge a hlauhthawn tlat ni .. A hmangaih hi midang lakah chan dawn a inhriatna anei tlat a..

School an ban chuan Melvin chu Zonunsanga bulah chuan a awm chawt a.. Faka Erick Zami te pawh chu an awm a.. Zonunsanga te in a chawei dan tur an sawi ho ani... Mahse Zosangzuala chu an hmu miah bawk silo a..

School pawnah chuan anlo nghak thap a.. An phone tlang thei bawk silo..

Haw san mai an tum lai chuan school hnung lam atang chuan enge an ti tih hriat tak chuan a bialnu Josephine nen chuan anlo chhuak a. Zosangzuala chu alo nui tet a.. Jojo erawh a zah hmel khawp mai..faka te ho chuan anlo fiam laih laih a.. Zonunsanga erawh a enge na a hrelo ana ngawih ngawih an nui lui ve sak a.. Zosangzuala'n Zonunsanga a hmu ve chiah chu a nui sen sen chhunzawmlo chiang khawp mai.. Chutah abulah melvin ala awm ve zui.. Jojo chuan ka lo kalsan phawt mai ang chu atia.. A scooty chuan a tlan liam zui nghal a..zosangzuala chu Zonuna te in a chaw ei dan tur te inthlak phawt a , chu mizawh a kal mai tur anih thu te an hrilh a.. Faka'n ava hruai dawn thu te ..Zonunsanga leh Zosangzuala te chu an la tawng eihlo ..Zonunsanga chuan " Kan sawi zawh chuan kan haw dawn mi niang melvin " atia Melvin pawh chuan nia tiin a bike chu a siam rem a ,Zonuna chu a chuang a.. Zosangzuala chuan a kut alo hum ruh nasa mai.. Ni e Bike anei ve lo a hausa ve lo .. Eng ang pawn Zonunsanga hi duh mahse la ,Ani ai chuan melvin-a thlang dawn tho tho tih te angaihtuah a..Faka chuan ka va hruai che nga kan inah min nghak nghal dawn nia ati a.. An in phur ve nghal a..erick leh Zami pawh chu an in phur a an kal ve nghal ta ..

Melvin leh Zonunsanga te chu in an thleng a ..Zonunsanga chuan lawmthu te a sawi a melvin chu tlaiah lokal ngei ngei tur leh car lo keng tur chuan ati a..tlai ah lenchhuah ve a duh vang ani..an car lah akhalh thiam der silo a..apa han dil kual leh ai chuan melvin te car a kal mai a awlsam zawk tih ahriat vang anicar keng tur a tih kher ni. Api leh anu chuan anlo be leh siam siam a..a room ah lut a .. Khumah thu hnawk a... A mittui luang chhuak silo chuan a chhungril chu a tap chhuak hawm hawm ani ber mai .. Ana tak zet khatia Zosangzuala leh a bialnu te tawm dun zo an lo chhuak ahmu khan Zosangzuala a duh zia a hriattir nawn awk awk ani ber ..

Inbual zawh a tlem a mut hnu chuan melvin chu alo thleng hmasa ber a..

Inhnuai lamah chuan a chhuk a..

An thian te anlo la kal mai loh avang chuan zonunsanga room lamah chuan an han kal a.. Zonunsanga thlalak hlui te chu an en dun a..an nui nasa mai..

Ahnu mins 30 hnu vel chuan an thian dang te chu anlo kal ni ngei tur ani inhnuai lam atang chuan anu chuan lo chhuk tawh ula hei inthian dang te pawh anlo kal tawh nia ati a.. Melvin nen chuan inchung atang chuan anlo chhuk a.. Zosangzuala'n melvin leh Zonunsanga te inchung lam a lo chhuk thla a hmuh chuan thinrimna in akhat a ,athik tak zet ani..a room thleng a chuangkai thei tawh chu an inpawh tha tawh hle ni in angai hmiah mai ani.. A thinrimna a thikna te chu atih lan loh nan a in sum hram hram a..

Zonunsanga chuan a thian te chu nuisang chuan alo lawm a.. An thian te chuan an in chu a tha an tiin hetiang chhungkua cheng si a chapo lo in a in ngaitlawm em em a.. Tiin an ngaihtuah ru neuh neuh a,Zonunsanga hi a chapo in a in la sng ngailo a.. Midang hmuhsitna tawngkam a chhakchhuak ngai heklo ,hetiang chhungkaw a ni chung hian a la in sit zawk a.. Ni e tuai anihna hian anihna tur a nih phak tir lo ani ber ang chu mahni insitna a neih phah nasa em ani.. Pa tak a nun a tumna te a chezia a tih lan a tumna te kha a hah na thlawn mai ani... Tunah erawh a chhungten inihna ang tak in lang chhuak zawk tiin an fuih fo ta zawk a..mahse heti chung hian angam lo fo thin si..

Zosangzuala pawh chuan an in te chu tha ati in ropui ati hmel khawp mai..an in ve nen an tehkhin phei chuan an in chu a chhe ve em bawk ani .. Assam type niin room pawh pathum pin deuh phawk phawk kha ani mai a..

Zonunsanga chhungte chuan a thian te chu an be tha in an fapa anlo kawm ve avang te chuan alawmzia te an sawi a..

An fapa in an chanchin a sawi nasat zia te chu an sawi luam a.. Melvin erawh an veng anih avangin an hriat thu te an sawi a..

Chu thu an sawi lai chuan Zosangzuala chuan " umm an in pawh tha hle anih hi... An in ngaizawng aniang a ruk in ,a chhungte hi chuan an hre tawp lo ang tenawm dun lutuk ,nilo He melvin hi atenawm " ati ru neuh neuh a.. Ni e Zonunsanga kha chu tenawm tih atan chuan a phal leh ngai silo ani..

Chutah Zonunsanga nu chuan " Zosangzuala hi Bawiha hian a sawi nasa zual khawp mai.. Fel ati in school ka kal tirh a min be hmasa ber tu ania " atih chiah chu hmel ngui bam kha alo eng nghal zawt zawt ani ber.. A nui deuh thaw a Zonunsanga chu ava melh zeuh a.. Alawm em ani tiang a lo sawi chu.. Zami erawh in chutia Zosangzuala hmel inthlak leh Zonunsanga a melh lai vel chu chik tak mai hian alo en kar a..

Zonunsanga hian a chhungte bulah Zosangzuala hi a fak in ,an dinhmun te asawi nasa a..an retheih ve zia leh a tum ruhna te chu a sawi luam zel a..a fel a tum ruhna sawi nuam a tihna piahlamah a hmangaih chanchin han sawi vel kha nuam ati thei em ani..

Chaw ei ala hun mai loh avang chuan Lenchhuah chu an rawt a..

Zonunsanga'n Car keng tur in Melvin atihna chhan tak pawh kha ni reng a..

An thian te chuan Bike te chu lo keng ve mahse a hu ho a chuan achak tlat avang ania...

Car ah chuan an chuang vek a...Melvin-a car ah chuan atir chuan Zosangzuala chuan "Faka i Bike in kal ang car ka chuang peihlo " ati tlat a.. Mahse an phal bik tlat loh vang chuan Car ah chuan lawm lo tak chung chuan a chuang ve a.. Zonunsanga ahma ah la thu zui nen a mood chu a fuhlo leh char char khawp mai..

Ahnungah lah mi pali lai chu tawt deuh in an in beng a.. Thil ho deuh deuh sawi chuan an nui leh vak vak zel a.. Faka leh Erick-a hian fiamthu an duh in an pawt char char a. Melvin leh Zonunsanga pawh an nui ve nasa mai chutiang bawk in Zami pawh .. Mahse Zosangzuala erawh anui eihlo ahma mi te pahnih mawlh chu a thik em ani..

Ankalna tur hmun an thlen chuan nuam ati sang sang hlawm khawp mai.. Thla te an la kual a.. Melvin-a Iphone chuan an han la a.. Nakinah min lo send ang che aw an ti deuh nak nak a..An rin ai zek in Melvin chu alo fel a.. Mahse Zosangzuala bawk chu amah in a fal deuh lai ah chuan a thu tlat a.. A phone pawh phawrh ve lo mi ta hlui a lei ve leh mai kha ani a..

Zonunsanga chuan " Zosangzual tinge khatah khan i thut tlat a ? " tiin ava pan hnai a.. Melvin chuan alo en leh zeuh thin bawk a .. Zami pawh chuan mahse Faka leh Erick te erawh chuan engmah an hrethiam ve lo ..

Zosangzuala chuan " Ka duh leh ka thu ang.. Va kal mai teh " alo ti deuh hmuk a. Melvin-a nen a an hlim hmel hi a hmu thei nganglo ani..

Zonunsanga chuan akai lui tal a..Zosangzuala chuan " ka ning .. Nge maw ka lokal peih lo ka tih kha " ti vin deuh that that mahse Zonunsanga chuan a hlau duh der silo .. Zonunsanga kaih ang ang chuan akal ve mai a.. Duh chuan a tal chhuak hneh dawn lutuk mahse a BOMBOM kaih vel hi nuam ati ve em bawk ani..

Tichuan an zingah chuan ava awm ve ta reng a... Mahse a nui duh eihlo Melvin hi athik em ani.. Melvin pawh chuan Zosangzuala chu a be ve zeuh zeuh a..mahse Kan mi luhlula chuan bak deuh hlur in a rul tawk bak in a chhanglo .. Zonuna chuan aruk tak chuan nuamlo ati ru hle a..

Chutia an awmkhawm laih laih lai chuan Zonuna chhung ten an lo call a.. Haw tawh tur a an tih vang chuan khamlo tak chuan an haw ta a..Zonuna te in lam pan chuan..

Chaw ei hma in Zonuna pa in tawngtaina hun te an hmang leh a..tichuan chaw chu an ei a..

Chaw an eikham chuan faka chu thil hmanhmawh thlak tak a awm avang chuan a haw hma ta a..midang pawh chu tlem an han awm leh a..a tlai deuh tawh vang chuan haw an rawt ve a..

Pawnah chuan an panga chuan an ding thap mai ..

Zami chu Erick nen an in a in hnaih vang in an haw rual thei a.. An hman hmawh vang chuan an tlan liam nghal mai a.. Zosangzuala pawh anlo mgaihsak tawhlo ..

Zosangzuala lokal pui ber Faka chu a haw hma tak vang chuan Zosangzuala chuan haw na anei ta lo a.. Zonunsanga chuan " Melvin kan va thlah dawn mi " atia Melvin pawh in a chhan hma chuan Zosangzuala chuan " ani thlah ka ngailo " tih pah chuan kal nghal hmuk a.. Melvin chu nuisuk in.. Anih ka kal atia a car chuan atlan ve nghal a..Zonunsanga chuan Zosangzuala kal chu a thlir vang vang a..an in a hla awm si Taxi fair pawh neilo ang tiin ava um zui leh a..

" hey luhlulpa " ava au mahse Zosangzuala chu atitau tlat akal ngai chuan akal reng a..mahse lo um tu um phakloh a kal daih erawh a duhlo ..

Zonunsanga chuan ava um pha a..

"In veng a hla si ,kha i haw na tur " chu thil chuan Zosangzuala thin urna ati belhchhah zawk si .. " Ha min hmusit ru hle tiraw ? Khapa i ngaihsak em em melvin ang in inthuamna tha ka neilo a ,phone changkang ka nei ve lo a... Car leh Bike ka neilo a.. I pawisa hi ka mamawhlo .. Thlawk bo rawh ka hmuhtheih loh ah hian.. " a ring tha khawp mai..kawng kal thenkhat chuan an en leh deuh ha ha zel a.. Zonuna pawisa pek chu Zosangzuala chuan Zonuna awm a va nam pah chuan ape kir a.. Zonuna pawh atlu tep nghe nghe.. Zonunsanga chuan angaihna ahrelo hle mai..ruah lah chu alo la tla leh nghal a..Zosangzuala chu akal nghal vang vang a.. Zonuna chu a ding reng .. A hmangaih tak zet ani.. Chuvang in engkim ah angaihsak a..adinhmun avangin vawikhat pawh ala enhniamlo .. Angaisang zawk a.. A hmangaihna chu sawichhuah aremlo tih a hrechiang em em a.. Tih lan pawh a duh loh laiin a hmangaih em avang chuan thil tih in ahmangaih zia hi a tilang fo zawk si a..mahse A rilru lo pui Zosangzuala'n a put tir chu ala na tak zet ani.. Ruah sur chu a do a.. Ruahsur chuan amittui tla chu an hliah hlauh zawk a..

Zosangzuala chu a kal hlawk hlawk a.. Engvang a khati khan nge BOMBOM kha ti anih a in hrelo .. A hmuhsit ngailoh zia hrechiang ber tu ani asin.. Mahse tinge Melvin vang a huat em em a..apawi asawi miahlo asin.. Khatia vin vak tur kha anilo sin.. A mittui chu atla em tih pawh hrelo .. Ruah a sur bawk nen ..in la pa ve ngang ani a.. Amittui hi atla mai mailo. Ngaihzawng vang ngat phei chuan .. A pa in aboral san lai pawh a tap eihlo kha ani a.. In a haw chuan apa hrawn chu alo la rui nen atan chuan nun hi avan hrehawm zual bik em.. A bialnu Jojoi lah alo titau ve sek bawk nen.. Vawiin lam chaw an va ei kha alo tihtau pui nge ni..

Zonunsanga chu an in a luh chuan a chhungte chuan tinge tiin an va pan vat a.. Nui deuh sang in Ruah lo tla thut a do nghal thu asawi liam mai a.. A chhungte erawh chuan a damloh mawlh chu an hlau a. Tunlai ruah chu la do loh tha bawiha han in tifai la .. Mu lum vat rawh i hritlang deuh der anih kha an ti a.. A tahna aw kha chhang deuh bawk ani.

A inti fai a.. Amu lum ve ta mai ..

Zosangzuala leh Zonunsanga chu class ah pawh an in be ngai talo.. Zosangzuala chu Abialnu bulah awm chawt a.. Zonunsanga pawh melvina nen an in kawm nasa khawp mai..chu thil erawh Zosangzuala chuan hmuh har ati in tuar hrehawm ati khawp mai..

Faka zami erick te pawh chuan Zonuna leh Zosanga te inkar chu hriatthiam har an ti in eng buaina nge an neih chu an hrethiam lo hle a..zami erawh zel din na nen an kar chu tu hriat lemloh chuan alo nei leh ver ver zel ... Nuam ati reuh zek bawk nen

Karkhat lai chu thu dun reng chung chuan an in be lo a.. Zonunsanga lah c&u Melvin-a nen Bike in anlo kal dun nitin mai bawk si.. Tumkhat phei chu Zonunsanga leh Melvin chuan thil eng eng emaw sawi in an nui nasa dun hle mai a... Bike an dah fel pawh chuan anla nui dun nasa mai Zosangzuala chuan alo thlir reng ani.. Anlo tlan lai tang tawh khan ,Zonunsanga chuan nui ver ver chungchuan ava hmu thut a..Zosangzuala lah chuan rum lutuk in alo melh a.. Akal nghal nal nal a..Zonunsanga nui lai pawh a tawm chat reng ani..

Zonuna pawh chuan hrehawm ati in chutia thu dun reng in be miahlo a awm te ..a bialnu bul a , hlim tak a awm vel te chu na ti tak in a en liam mai a.. Ni e atan hian atha zawk ani. Ka tuar chhuak tur ani tiin a in fuih ru mawlh mawlh reng a..

Tum khat chu an class ho bik chuan Hmun pakhat hi an tlawh a.. Zosangzuala chu an school Bus ah Jojo-i nen an chuang a.. Zonunsanga erawh Melvin-a Bike ah chuang a..

An kalna hmun tur an thleng vek tawh , mahse Mipahnih an la kim lo tlat Zonunsanga leh Melvin te chu anni.. An call an la thei bawk silo an buai tawh khawp mai.. Darkar chan ve lai an nghak tawh.. Chung ho zawng zawng ai a buai zawk chu Zosangzuala ani.. Engthil nge an tih kawi ang ? An che sual nge ? Nilo nuam an chen vel ani ? Chutiang vel ngawt chu angaihtuah a..abialnu pawh alo hrechang tawhlo ..

An tih tur te tih san mai an tum lai chuan anlo thleng ve hlawl a..an sir chuan an ho ve deuh a,mahse mi hausa fa pahnih annih vang nge a hau nasa lemlo khawp mai .. Chutah melvin chuan Zonunsanga chu an hrilh ru zeuh a .. Zonunsanga chu an nui deuh hawr hawr a.. Mipakhat mit pawh khaplo a lo entu chu a in sum zo ta lo " zahna pakhat mah in la nei chuang na nge ? Midang te hi min zah ve ta che u..tenawm dun lutuk " an tih deuh phiar phiar mai .. An en deuh thup melvin chuan " buaina i nei em ni a ? " an tia Zosangzuala chu a ai rum leh ring zawk chuan " nei e nang ang mi chapo hi ka hlauh vak i ring ami ? " atih leh chiah chu an in sual nghal ta buan buan mai le.. An thelh a.. Zonunsanga pawh chuan a thelh a... Zosangzuala hmazawnah tak chuan awm in " Khawngaih in zosangzual tawp tawh rawh ..insual tawh su,melvin hi nge i huat em em ..i lakah pawh hian a tha sin.. I sual e mai nang chu " atia chuthu asawi vang ringawt chuan Zosangzuala chu Vih sawk ang a na ani.. Melvina hnekna vel chu ngatan mah ngailo mahse melvina fak a Amah Zonunsanga'n i sual e mai ati chu na ati tak zet Zonunsanga chu anam thlu chawrh a.." Tenawm" tiin akal nghal vang vang a.. Zonunsanga chuan aban a la delh ulh zui leh nghal..

He mi ni zawng an tan chuan a fuhlo vel vek ani..

Zonunsanga chuan angaihtuah a ,engvanga hetiang a Zosangzuala hi awm ta nge ani tih te , Aban lah chu atuam luk a..anu leh pa api leh ni te chuan Hospital ah hial kal pui an duh a..an fapa hi ana hi an hmu thei lo thin ni.. Mahse Zonunsanga chuan a duhlo a.. A kut ai chuan Zosangzuala'n anam thluk a sawi " Tenawm" atih chuan ati na tak zet ani..