💘 KA THINLUNG HMUTU 😘

(PART 19 )

Scooty chu khalh min zirtir a.. Kei thiam thei lo chi leh rilru dawih chi ni bawk nen .. Avan buaithlak tak .. Thiam loh law law hi ka duh zawk asin..

Rema " A Scooty khalh tur a pawh ka nei dawn chuanglo zir ang "

Fela " Ngawi reng khan Zir mai mai rawh.. I rilru pe la ni mai..a scooty a chu keiman ka ngaihtuah mai ang "

Min zirtir chu ka theihnghilh nghal zel a.. Min vin nasa tawh mai sia..

Fela " Mawl ve le.. Tinge i thiam theih thlawt loh .. I lu lian tak a i thluak kha hmang ta che ... Hmeichhia pawh tluk lo tlaw lutuk " min ti nghek a..ka thiam lo ji ve mai a.. Chutia mi tih nghek kher.. Min zirtir rawh pawh ka tilo.. Min hmusit hle mai.. Ka thinrim chu ka chhuk a..

Rema " i duh leh nangmah khan zir rawh.."

Fela " Aw zir ka ngai hleinem.. Ka zirtir dawn che nih lo chuang la ,lo zir mai2 teh.. Vin ve deuh hlek che hian thinrim zel suh.. I tawng em2 bawk lawm...engmah thiam i neilo a "

Rema " Thiam nei chu i duh leh zirtir rawh.. Ka zir duh pawh ka tilo enge min zirtir .. Thinchhe si.. I zirtir pawh ka ngailo " ke chuan ka kalsan hmak a.... A hnu chuan Scooty in min lo umpha in ka bulah chuan alo ding a.. Chuang tur chuan min ti a.. Ka duhlo tlat a.. Ka rual zel in alo tlan bawk si.. Miin min en duh deuh tlat in ka hria ngawi rengin ka chuangta tawp a..

Kan in bulah chuan a ding a.. Ngawi rengin ka chhuk a..

Fela " Scooty hi kan dah lawk nge aw.. Ka reilo ang "

Ka hawi kir lo hrim2 in ah chuan ka lut a...ka thinrim chuan min be thei ngailo hrim hrim..

Min zirtir that ve mai tur ania.. Hmeichhia ai pawn ka tawng amaw ? Thiam engmah ka neilo maw.. A thawmhnaw kekawrte thlengin ka suk sak vek anih hi .. A ei leh in tur ka siam sak vek a.. Ka tlaw e keichu amah in engkim a ti ve vek tawh ang ..

Ka mu nghal hmak a.. Rawng pawh bawl rawh se.. Hmeichhia ai pawn ka tawng alawm.. Ramnunfela hian min lo hmusit ru hle tih ka hre tawh..

Rei vaklo ah chuan alo haw a ,min lo au nghal a.. " Naute ei tur ka lo hawn che nia .. Ka rei ilo ti em " saw lamah ka awm loh vang chuan mutna lamah alo kal nghal a.. Min lo tlawn leh vel a.. A thil lei mai mai vang khan ka thinrim hi reh lo nge.. Ka be eihlo ..ka bulah chuan alo thu reng a.. A phone chu akhawih a.. Achangin min lo en leh zeuh zeuh a...

Fela " Thinrim tawh lo la ,hei ei tur ka lo hawn che nia .. "

Ka chhang chuanglo a.. Ka bulah chuan lo mu ve in ,min lo kuah a.. " Ka tih palh .. Khatiang pawh khan ka hau ve thei lo che nia ngaihna awmlo .." .

Ka thin alo tirim belh sauh mai..

Rema " Tiang tak khan min lo hmusit ania.. Ni e keichuan thiam engmah ka neilo ,Hmeichhia ai pawn ka tawng , ka tlaw lutuk.. I vin vak vak a i hmuhsit tur chuah a piang ka ni "

Fela" Engtik lai mah in ka hmusit ngailo che .. I thiam thei lo lutuk bawk lawm..khua lum bawk nen "

Rema" Min hmuhsit zia chu i tawngkam chhuak atangin ahriat .. Hrim2 in ka zir duh pawh ka ti mi.. Nangman min ti lui anih kha .. Tho rawh min lo kuah suh.. "

Fela " nih ka tihpalh .. Ka thiamlo ani.. Ka naute hi ka lo duat lo lutuk a" min lo fawp vel a..

Fela " Rawngbawl a hun nia tho tawh la aw.. Naute.. Thinrim reng loh tur "

Rema " Ka bawl paihlo.. I duh leh bawl mai rawh.. Kalsawn rawh ka muhil dawn "

Fela " Anih ka bawl mai ange .. Nu ber a titauh te chuan Pa ber in kan tih vek angai ni mai lawm " a tho a rawngbawl tur chuan a kal phei a.. Bawl tui leh awm silo ..

Ahnu chuan ,thil dahna vel chu min lo zawt reng mut hmanloh.. I hmuh loh leh telh lo mai rawh ka tia.. Ninawm lutuk..mutna bul a a ei tur lo dah lah chu tui hmel em em .. Mahse ka ei tur ani lo.. Hepa hian a duh2 a min tih hi ka in phal dawnlo hrim2 ani mai ani....

A rawngbawl zawh chuan a inbual ani ngei ang ,a zai a ri tengtung a..

A hnu chuan Towel chiah veng in alo lut a.. A sam chu ala huh chep a.. A hmel hi chu sexy in a chhelo thlawt ani..

Ka va en deuh sek chu min lo siai zeuh leh nghal hmela chuan ..

A kekawrte dahna chu min zawt leh a..

" Kei mi tlaw hi min zawt deng ma ta che "

Fela " Ka tih palh ka tih tawh kha.. Aninawm thinrim reng suh "

Rema " I nin leh i nin lohna hmunah chuan awm la ti nia " a kekawrte a vawm pah chuan ka chhuak phei a tum kawh luah chuan ..

Bathroom ah chuan zung tur in ka lut a.. A thawmhnaw kekawrte thleng chuan ka suk tur chuan alo dah leh tawp a.. Ka van su dawn lo chiang tak em ..

TV anu te pawisa anlo thawn a lei chu ka en leh a.. Room atang lo chhuak in ka bulah chuan alo thu a " Chaw ei dawn tawh ila "

Rema " Ka ei peihlo va ei rawh "

Fela " Ila thinrim reng mi a "

Rema " Rimlo "

Fela " i awmdan ah hriat vek alawm "

Rema " I thawmhnaw te saw va su rawh "

Fela " Ka Nupui i awm lawm "

Rema " Ka fiamthulo nia.. Tetea hi ka be khat tlat biak ka duh ni " kan ti deuh kher a..

Mahse kha thil ka sawi tel kha chu ka sawi sual .. A thin in a diar ta lo ....

A tho vut a.. Bathroom a alut in a khar ri thuai ka phu chiang e ..

Ka thlem angai leh zawk dawn ami .. Ka va lut ve a , a thawmhnaw leh Kekawrte chu alo su deuh sawk sawk a.. Ka khawngaih reuh lutuk ... Kan khua a an in ah chuan amah chu in su vek tho a.. Achangin anu in a suk a.. Midang suk a duh ngailo a..keimah nen a kan awm hian min duat a ka duat a phut ve na ni ka hria a thil reng2 keima tihsak a duh a vang ania.. Keipawn ka tihsak zel ang che ka tia.. Inluahman ka pek ve aphal bawk silo a.. Mahse keiman khu in su tur in ka tia a suk chawrh2 khu..

Rema " khawi keiman ka lo su ang "

Fela " Ka su thei .. I ngaih em em Tetea chu va be rawh.. Ka tibuai mawlh lo ang che"

Rema " ka ti mai mai anih kha .. "

Fela " kal rawh.. Ka ti thei ka su ziah lawm in ah pawh .. Tunah chuan ka su ziah tawh ang.. Min suk sak angai tawhlo ang "

Rema " Boiha ka thinrim tawh miah lo ang "

Fela " Tetea chu va bia la .. I ngaih kha "

Rema " i thik nan ka ti mai2 anih kha "

Fela " Enge ka thikna tur a sawi chu atangkai na " a kekawrte suk lai chuan min lo vawm a.. Kan nui dun leh ta vel a..

Min ti huh vek a.. Ani pawh huh leh vek a.. Kan in bual dun leh ta vel a..

Chaw ei kan tum chu a chaw hmeh phuah chawp ho chu Arapthlak .. Anuih loh theih loh ..

Fela " Youtube a en chung a ka siam ve ngei aw.. Nu ber i ti tau miau a .. Nui suh "

In hau deuh bawrh2 mah ila kan in ngeih leh ber zel .. Ka tan ui aneilo a , zan a athian te hian lenpui ah an sawm thin a , ani hi chuan Thian alo nei nual sa hrim2 a.min dil thlap a.. Ka phal loh chuan aleng ngailo ..mahse a nun a khuahkhirh vek ka tum lemlo a.. Achang chuan a leng chhuak ve fo a..Scooty khalh chu min zirtir a tum tawh lemlo.. Mampuia nen kan haw rual thei tho a..

Joela hian ka status vel alo reply leh zeuh2 thin a.. Mahse Fela thinrim ngei ngei zel a.. Athik ngawih2 a..dawr a rei deuh ila min lo phone a , Chu lai ah chuan ka awm tiin min lo nghak a min lo hruai ngei2 zel a.. In ah kan in hau leh nge2 zel .. Joela hi a thik tlat a.. Dawr ah thawk tawhlo tur in min ti fo a.. Ka duh bawk silo a....

College hi chu kan kal rual khat khawp a.. Thian te pawh ka nei nual a.. Fela hian ka enthla reng che nia i ler ange kal dawn apiang in ati ngei2 zel .. Thik thu hi pe chhe ve bawk sia ..

Sat tlai ah chuan a hma atang tawh a kan lo tum , Aizawl bul lawk a Fela Cousin hna vang a awmte awmna ah chuan sunday cham a ,monday zingah class kal hman a haw leh tur chuan han ban in kan kal a.. Fela hian a bike a kawl a .. Kan tlan chhung zawng chuan min han care mai2 khawp a.. Chawlh i duh em ? A hrehawm em ? Ka tlan chak mah2 em ? Min zawt reng .. Ka hmangaih hlawrh hlawrh mai ani..

Kan thleng a ahmun anuam in , Ari hut hut lo a ,kan khua te pawh ngaihawm rum rum mai lawm.. Aizawl ahla bawk silo ..Ka nu te ka zuk video call ta vel a..

Fela Cousin te pawh chu anlo chhangchhe hle mai a.. Fa pathum nei tawh in a upa ber hi kum 13 vel niin a te pahnih hi 6 leh kum 3 vel an ni a... Ei tur kan lei sak te chu kan pe a..Fela te laina hi an hmeltha hlawm khawp mai.. A u Benjamin-a pawh chu hmeltha khawp mai.. A nupui pawh..

Zanriahte kan ei a.. Fela leh Benjamina chu an titi a.. Nupui te pahnih kan titi thung a ( 🤣🤣) mut hun chuan mikhual room ah kan mu a.. Fela nen chuan inkuah rial in kan mu dun a.. A u te nupu ang chu kan awt dun em em a.. Keini ve zawng engtikah mah hetiang hian kan awm ve thei dawn bawk silo..

Zingah chuan Fela chuan min fawp in " Nuate tho tawh rawh.. Tunah hian chak hle mah ila insum ngai siaa.. " a thil chu kawh tha khawp mai.. Naupang ho an beng chheng tawh bawk nen kan tho a..

Zingah chuan Chhung inkhawm te kan nei a.. Chaw te kan ei a. Kan inkhawm a kan inkhawm zawh chuan min len kual pui vel a.. Fela chu an tleirawl te chuan an en duh hlawm hle mai a.. Keipawh min en duh tho ..kan chhelo dun em lawm..

Tlai eirawngbawl hun chuan Bawlpui in ngai em kan tih in naupang pahnih hi lenpui zawk rawh u.. An tia Fela nen chuan kan lenkual pui a..keiin ate zWk ka pawm a, Fela chuan a lian zawk apawm a.... Nupa kan ang tak tak e.. Kan tia haha

Thla te kan la a.. Mi lokal chu kan pali chuan thla kan in lak tir bawk a..naupang chu an inhlei dun ve bawk sia.. Kan buai dun teh niaa.. Kan tlan kual zak zak reng mai ani..

Chawlh kar tawp nuam tak kan zuk hmang a ,nuam khawp mai .. Mahse Ni sakei Thawhtan chu kan han hmang leh a class kal ngai dawr kal ngai peihawm loh mang e.. Kan kal leh ta tang tang a.. Hun te pawh kal ve zel a.. Dawrah nen ,college nen in ah nen ka buaiin ka hah ve thei deuh nge ni ka nuam samlo a..

Fela chuan damdawi ei tur te min lei a.. Class pawh chu ka kal thei lo a , Dawrah pawh chuan ka kal ta lo a.. Min hrethiam in in entir tur in min ti a..mahse ka in entir lem chuang lo a..Fela erawh Class kal tur in ka tia ,min ngaihtuah deuh chung chuan a kal a..

Nileng chuan ka khua sik ti tih a.. Peihlo tak chung chuan rawng ka bawl a.. Ka mu leh a..

Mahse zanrei deuh hnu pawh chuan Fela chu lo haw zai reng a rel lo a.. Zanrei ka tia zan dar 7 vel bak chu ala nichuanglo a.. Class kal alo la haw lo zawk chu a rei ta si a.. Ka call lah in ala thei silo ka hlauthawng khawp mai .. Kan College a kawm thin chu ka call ta tawp a..

A thil lo sawi chuan min ti nâ in ,min ti thinrim khawp mai.. An thiannu Chhuani Thiannu piancham lawmna ah an sawm a kal ve thu min hrilh a.. Kei dam lo chau em em in ka awm a..min ngaihtuah miahlo in ,akal thei amaw ? Min lo call in min lo hrilh tal se ka la hrethiam .. Chu pawh tilo in akal a ,kei a damlo zawk in ka ngaihtuah em em zawk a..

Ka thinrim lutuk chu Mampuia te in ah ka kal ta daih a.

Mampuia " nge ilo len thut..o leng duh mang silo "

Rema " Ka lo riak dawn .. Khawge i nau te hi "

Mampuia " in2 hau amj..lo riak rawh.. Ka nau chu mutna ah phone a khawih.. Mami chu hla an zir a"

Rema " Hauh pui tur pawh in a awm lo "

Kan titi ta chiam a.. Dawr thawhpui te leh anei tute chuan min lo ngaihtuah thu te an sawi a.. Kan dawr Group ah pawh an lo sawi reng bawk a.. Joela pawh chuan min lo zawt a..

Zan a rei deuh tak avang chuan kan mu ta a ,mutnah chuan kan titi chhunzawm leh malh2 a.. Kan khuah lo la zin ve hlawm a se nawm dawn dan tur te ka sawi a.. Kima nen an in kawm ngeih dawn zia te kan sawi a..kan titi mawlh2 lai chuan Fela chuan min lo call a.. Lak loh a dah kan tum zet na .. Mampuia chuan la tur chuan min ti a.. Kan la a..

Rema " Enge a "

" hei U Fela hi , a rui lutuk a.. Inkhumah hian ka mut tawp ania.. Nangmah kha call rawh min tia ..ka lo call che " hmeichhe pakhat chuan alo ti a.. Fela rui aw deuh hian " Lo haw nghal rawh se " alo ti leh zeuh2 chu ka hre thin a..

~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~

END OF PART 19

Mobile phone atang a ziah vek ania.. Ka kut te hi na vek zel..

Mahse in tan ka ziak hram hram a.. Sponsor tu zahawm tak te vang liau2 ni pakhat bawk a..

Hah tak in kan ziak tawh bawk a.. Sum seng in anlo sponsor bawk a..

Chhiar Chiah i tum ve a Like leh Cmt tal kha chu lo ti rawh ..

Like a cmt ngei2 thin in awm a.. Ka lawm lutuk

https://www.facebook.com/groups/1621184364813745/permalink/2838679969730839/ part 18 chhiar.duh tan

🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿🏴󐁧󐁢󐁥󐁮󐁧󐁿