Cont. of flashback

Engthawl tih hriat taka zangthal zawng a ka pang let in "Film-ah pawh a lehkha thiam lo lo ten a lawm changtupa te chang thin", ka tih chuan ani pawh a kiai suk mahse thudang daih, Jungkook chuan "V hyung nen class tinge in tlan bo?", tih min zawt "Nia, Tae nen hi chuan elimentary kan kal lai atanga inkawm chho kan nia, bff, V-day alo nih phei chuan hmeichhe ho hnen atang gift a dawng teuh thin a, a lak ai in min pek a tam zawk, class bunk chungchang kha chu kan hrat ve hrim hrim a", Tae nen a kan chungchang a nih tawh hi chuan ka lo sawi tui thei lutuk a, min zawh loh te thleng thleng hian ka lo sawi leh duah thin.

Nui var var a chung thu ka sawi lai chuan Jungkook chu ka chungah a rawn bawk thut, ka chal a a kut chang a na si lova mi kuk pah chuan "Class tlan bo tawh suh ang che", a ti hmuk, za lutuk a nui chhuak in "Lungngai suh, Tae nen chuan zirtirtu te kan bum hneh lutuk", ka lo ti sam et thung "V hyung nge kei?", Jungkook in a tih chuan "Kei", tiin ka lo la uang mahse Jungkook hmel erawh a uang ve hauh lo, khawvel mipa hmeltha pianthiam ka phu loh em em hian keimah vangin Tae a thik a maw! A nuam vel lutuk hi ka a mai dawn in ka hria.

Thutak hmel taka ka chhanna lo nghak tu, ka taksa si lo mawi tawk te a ka chunga mi bawh tu, Ka mipa chu ka taksa si chet tur chuan a nghawng a ka kut suih in ka bawp chuan a kawng ah ka kherh bet a, pawh hnaih pah chuan "Eng dang zawng aiin Kookie hi ka thlang", ka chhanna chuan tilawm in a hmui in ka hmui a rawh si nghal zat, ngen ngawl takin mi fawp bawk. Ka ngaihzawng a ni a, zahtheih loh ka chhuah ve a nih kha mahse ka thin phu dup dup ri chu ka beng ah a chiang ngang mai.

END OF FLASH BACK

Tukthuan te ei a ka insiam fel hnu chuan Super market lam chu ka pan a, a chhung ah chuan mahni a lutin Jungkook nen helai ah hi chuan kan kal ziah thin mahse a tel lova kal chu a nawmna leh hlimawmna zawng zawng a bo vek. Mamawh ka lam khawm hnu chuan in lam pan tlang ka tum zet na a in thlen hma deuh a 'Luna Cafe' tih ah chuan ka peng kawi ta zawk a, Jungkook nen tlai tin kan pen na.

FLASH BACK

Dawhkan sang ber leh cafe kil lam Jungkook nen a kan seat ah chuan thu in "I banana milk kha, kha i hmui a kha a kai a nia", ka tih chuan a hmai chu a rawn dawh hnai ang set sawt a, a awmdan duhawm zet leh chezia naupang chhia tak vanga nui seih in tissue chuan a hmui chu ka hruk sak a "Tikhan ka duh reuh lutuk che", a hmui ti pawrh tan tan in "A hma zawng zawng te khan min lo duh ngai na nge?", a ti bul bul. "Duh mah mah zawk", ka tih chuan mi rawn hnaih chilh in "Tunah khan Ka Kookie hi a hmui a fawh ka chak lutuk tih i ngaihtuah", a thil sawi chuan ka biang ti sen nghal tawn tawn (trawn trawn) in ka pum ah phengphehlep a thlawh tir nghal chuai chuai, ka tawng ve hma chuan ka hmui ah mi fawp zauh.

END OF FLASH BACK

"Customer kha i ice-coffee chu", nula la naupan hmel tak Tae type ka ti mai chuan coffee chu mi rawn chhawp a "Vawin chu nangmah chauh vin em ni?", tih mi zawt "Immm, Kookie a zin daih a", tiin ka lo chhang a, he nula hi ka ring nghal tawp a, a mak zawk.

"Friday zan dar riat ah Luna Cafe hnunglam hall-ah sawn party huaihawt a ni dawn a, V.I.P card hi ka pe ang che", ti a mi sawm in "I kal ve dawn em?", ka zawhna chu "A huaihawt tu keimah ka nia", nui sang in mi chhang, ka va â em aw, V.I.P card min pek hi! "Ka lawm eee-", a hming ka hriat mai loh vang chuan kan thluk hmasa duah a "May", a tih chuan "Ka lawm e, May", ka ti tha leh a.

In ka thlen chuan ka nute-i leh Tim a fapa naupangte te chu an lo thleng tawh a, Tim sam lah chu a buang leh nghal "Tinge Tim i sam chu?", ka nu in Tim la tawng fiah lo tak a zawh chuan "Api hi chu a buaithlak tih i hriat kha", tiin ka nute-i chuan alo chhang a.

Jungkook a sam rawng thlak tur a kan in a zanriah a rawn kil ka hauh tum kha ka hre chhuak leh ta zawk mai.

FLASH BACK

Eomma, Lily, kei leh Jungkook, ka pa kum naupangte kan nih a min boral san tu tel lo chuan zanriah kil turin dawhkan chu kan thut hual thap, kan han ei tan a, Jungkook chuan ka nu rawngbawl chu a fak sak mawlh mawlh bawk, "Oppa, kan class ami ten maw, i hmeltha bawk sia, i thiam thei bawk sia, i sam kha a buang sei deuh bawk sia, an sawi reng zel che a", Lily in a tih chuan Jungkook chuan ri si lova 'ssshhh' ti a zaizir a signal in kei a ngai thei lo leh thik thu chhia chuan "Met la, dum ang che, hmeichhe ho in chilthli tla duah duah in an thlir lo chauh che ka ti ni lawm ni?", lungawi lo tih hriat taka ka zawh chuan ka nu'n "A thik bawk sia, Kook i sam chu i tih danglam ngei ngei a ngai a nih chu", a lo ti damdiai, ka hmui tipawrh tarh in pawmpui tih hriat zet chuan ka lu ka lo bu nghat nghat...

Flashback awm mawlh mawlh dawn nia😆

Lo vote in lo cmt, inpeih phei chuan in lo share chuai chuai dawn nia😗

💜💜💜