Cont. of flashback

Lam min zirtir lai chuan vawi engzat nge a ke ka rawh tawh? Ava zahthlak tak, ani lah chu pawi tih loh hmel deuh in a nui sang reng bawk si, ka ngaihzawng ni mahse tleirawl tlangval vei thar nei ang mai in ka lai chhe em em mai a ni. Rawn kun hniam in ka bengbul chet ah chuan "I biang a tomato vek a nia, Baby girl", biang ling vut a ka hawi chhuah rual chuan ka hmui chu a hmui in a rawn bawh thuah nghal a, a lei hmang a ka hmui nawr kau in a lei lum ham ham chuan ka lei pawh chu a rawn nawk che ve nghal, a ta ka nih chian zet a mi fawh pah chuan ka bengkawm chu a tuai niap niap bawk.

END OF FLASH BACK

Jungkook ka ngaihtuah nasat luat ah Daniel ke ka rap palh hlauh, ngaihdam ka dil chuan ka hmai zawn a rawn kun hniam in "Ka biang a i fawh chuan surprise ka pe ang che, i lawm lutuk a nga i tah phah ngei ngei ang", a thusawi chuan ka beng a verh nghal zar mai, eng nge ni ang tih hriat chakna hlir in ka khat nghal "I fiamthu tiraw?", ka ti hmasa phawt, mi nuih sang in a fiamthu lo tih hriat nan a lu chu a thing a.

Hmui pawh nilo biang fawh ringawt chu a pawi em lovang, lam tual lai takah kan lam a, midang in min hliah vek bawk, ka zam takzet, Jungkook tih loh tumah biang pawh nise ka la fawp ngai lo mahse ka tah phah theihna tur surprise chu ka hre chak bawk si, lai zet a a biang ka fawh dawn chuan ka lam alo hawi thut avangin a hmui ah ka fawp palh hlauh, ani pawn mak tih hmel tak hmai sen vek chuan mi en ve bawk a.

Za lo zet a kan in nuih pah chuan vei lam ka hawi san nghal a mahse eng nge ka hmuh saw! Ka mit vai em ni? 'KOOKIE'. A hmel awmdan chu eng nge a ngaihtuah tih chhiar theih rual a nilo mahse a mitmeng in dawt a sawi ngai lo ka thil tih zawh chiah khan a tina a ni. Nilo! Kookie i ngaih ang kha a nilo, leh hawi in kawngka lam a pan nghal, tudang mah ngaihsak a khawsa hman ka nilo, ka umzui nghal a.

Party hall hlat lo te street light dim tawh tak hnuai a thlen chuan "Kookie!", a ding lo "JEON JUNGGUK!", min hnung chhawn a mahse a ding thung, rawn leh hawi silo chuan "Ka lawmpui a che, tunah chuan hmalam kan pan ve ve ta bawk a, hlim takin le", a thil sawi chuan mi deng dawt, Kookie eng nge maw i sawi le? Midang mi zawn hmuh san tawh a maw?

Ka aw pawh a chhuak thei lo, ka na lutuk, ka Kookie chu vawi khat pawh rawn hawi let lovin a kal liam a, umzui tur a chakna reng nei lo chu lei char ah chuan ka thu hnawk, ka awm chu dawm in ka na lutuk chu tah pawh ka tap chhuak thei lo, ka keh sawm vek, ka na takzet. Chutah van te khian ka awmdan min hriat pui ni awm takin ruah a rawn sur zui phuar phuar bawk.

Chechang lova rei tawk tak ka thutna ngai ah ruah in nan tirin ka taksa te chu a â chhah vek, ka mit chu vai tan in ka lam pan a mi pahnih rawn tlan phe zuai chu ka hmuh hnuhnun ber a ni.

Lu rit leh chhah bur a ka mit muang chang a ka men chuan ka khum ah ka chal a puan nen, ka taksa awmdan leh chheh vel atang chuan ka damlo a ni tih hrilh chawp ngai lovin ka hre nghal a. Room a ka nu alo luh chuan nui sang in "Ilo harh tawh a ni maw? Tinge maw ruah te i do le?", tiin min zilh chhunzawm mawlh mawlh, a tha, nu tha tak tih a mawi a ni mahse Jungkook ka awih thei lo, ka lung zawn hi vawi sang chuang vih ang ni in chung vihna hliam te chuan phui tum tang e ti lovin na mi tuar tir ang reng a ni, taksa na ai pawh in a natdan hi a thuk lutuk a ka tap chhuak thei silo, ka pik in ka bing chuk chuk mai a ni.

Ka dam loh vanga ka thil ei thei lo chuan ka taksa tichhe tanin ka dang bal reng a, tuman min biak tawng zawh tak si lovah chuan ka khawsik pawh a zual sauh, ka harh chhun ah lah 'Ani' lo ka ngaihtuah thei lova, 'Ani' mi ngaihtuah tir lova min hahdam tir tur leh ka na te mi chhawk turin sleeping pills ka ei mai thin mahse ka addict hran lo.

Taehyung P.O.V

Busan a college skip a hun ka hman lai chuan Nute-i hnen atang call ka dawng nawlh mai, signal a chhiat tehreng nen a lo tlang maw le! Grace pawh a ngaihawm tawh a lawm. Nui var var a call ka pick chuan 'Hello' pawh ka tih hma hauh in "Taehyung bawih-a, a tlang hlauh chu ka va lawm em! Grace hi a damlo nasa lutuk a, Cafe in Party an neih zan khan May leh Daniel ten huh vek in an rawn hruai haw a, ruah a do a ni ngei ang, a tlun nghal a, lo harh mahse zual lam pan zel ang mai in thil a ei thei lova, a cher in a dawl dang a, tuman kan be tawng zo lo, doctor chuan a rilru lam nghawng ani a ti a", tiin a insut hraih hraih "Nute, lungngai suh ka lo let mek", tih leh phone off ka rual nghal.

Grace engthil nge i chung ah thleng? Ka hmanhmawh em avang chuan chaw ei dawhkan thawh san in "Emergency", tih leh ka wallet ban in in atang Seoul a let turin ka tlan chhuak nghal a.

Min hau su, next lo chang ran ula😗

Vote leh phawtzzz😆