Jungkook-ssi nang lah hmuh tur i awm silo", mittui tling pam a chungthu a sawi zawh rual chuan eng dang ngaihtuah lovin cafe atang chuan ka tlan chhuak nghal a, ka bike chu her a chak taka tlan let pui in an gate ka thlen rual chuan bike atang ka chhuk vat, hmanhmawh zet a kawngka pui lam pan a ka pen pawk pawk lai chuan V hyung in kawngka chu a rawn hawng thut, mi hmuh rual chuan mi rawn hnek nghal sawk, ka rin loh lutuk thil a nih vang nge lei char chu ka bawh thla rawp rawp a, ka hnar atang thi a rawn luang chhuak ngiai ngiai bawk.

"Engthil nge maw ti a i inhriat le?", ka ti vin thawt, ka hawi chhuah rual chuan V hyung mitmeng leh hmel a thinurna nasa tak chu tawn in ka biang ah chuan mi hnek leh bur. Ka dawhtheihna in chin tawk a nei, a kawr awm a tham chung chuan ka chung zawk ami chu ka leh thlat thut, a hmai ah chuan ka hnek let ve ta chawrh chawrh a, chutah a ke chuan mi kherh tlu in "Hetia a awm chhan chu nang mi tenawm leh lerh laka a rinawm vang a ni", seh chilh taka a sawi pah chuan ka kawrawm a tham nawn leh.

"Mipa dang mi fawh san tu chu ani kha a ni", ka ti chang fak "I hmangaih takzet a nih chuan engvang a ring lo nge i nih? Nang chuan i thil hmuh phen a thudik chu hriat i tum tlat lo a lawm, khatih lai a thil thleng ka hriat theih chhan chu Daniel vang a ni a, tihpalh a Daniel kha fawp a ni chu chu Daniel pawh in a pawm bawk, party-na a Grace surprise a tana ka lo hmang che kha ka tihsual lian ber a ni a, ka inchhir takzet, kei tak ngial pawn ka be tawng zo lo mahse chuti chung chuan i thlavang ala hauh", ka thu hriat chuan mi tizangkhai in ka lung a ti chhe bawk, keimah vang vek a ni.

"Tunah hian thah hial che duh khawp in ka thin a rim mahse Grace vangin ka ti lovang nang mi tenawm pa", V hyung chu tho thurh in kei che chang lovin lei ah ka la thu thung. "Ka hmangaih vanga hmeichhe dang zawng hmu tawh anga insawi ka ni, ka laka inthiam lohna a neih ka hlauh vanga sawi ka ni, ka thil hmuh khan thih chak hial khawp in min ti na a mahse a hlimna ka tan a pawimawh ber, a hlim chuan ka hlim, chu chu ka hmangaih vang a ni, theihngilh duh mah ila ka thei lo, a chhan chu ka hmangaih vang a ni, a damlo a ni tih ka hriat rual khan hlauhthawnna hlir in ka khat a, heta ka awm chhan a ni, chu pawh ka hmangaih tlat vang a ni", mittui dir zawih zawih in ka sawi.

V hyung chuan a kut chu mi rawn pe in ka dak chhuak a, mi en lo, hmalam chauh a ni a thlir "I chance tawp ber", a tih chuan a kut chu la in mi pawt tho va, ka kal pelh dawn chuan ka hnung lam atang "I tina leh a nih chuan ka zuah tawh lovang che", a tiram hmak. Inchhung ah chuan ka pen lut a, Nute-in min lo chhawn nghal "Kook i hnar a thi a nih kha!", a ti hluai mahse "Ka tha e, a na hleinem, a room lam ah khian ka chho tlang a nge", tiin thudang a sawi leh hma chuan inchung lam ka pan ding nghal chawt. A room kawngka ka hawn dawn chuan ka tho chhuak hak. 'Baby girl, ka lo thleng e'.

Kawngka chu dim fahran a hawng in ka naute chu a khum ah chau tih hriat takin alo mu bam, a vun no nung sarh thin kha var dang ta bal in a heh sen vam ham pawh hmuh tur reng a awm lo mahse chuti chung pawh chuan a mawina a nep phah hauh silo. Ka naute hetia a awm chhan chu keimah ka ni "Baby girl, min ngaidam hram rawh aw", ti a ka chal dawm in ka mittui a rawn hnam chhuak tuam tuam, chutah chau aw tih hriat tak hian "Kookie", ka hawi chhuak vat, a dam loh hnu atanga a lam leh hmasak ber ka hming, a mitmeng mawi tak leh ka mit a intawn fuh chuan inthiam lohna hlir a khat nghal in chhuat lam chu kun in ka melh let leh thuai.

Ka kut humruh a insang mar tun in "Ka tihpalh, keimah vang vek a ni, ka tihpalh takzet, tih nat che ka tum lo, kha pa nen a ka hmuh dun che u khan ka insum zo lo mai dawn a hria in ka inthiar fihlim san che u a", ka chawl dat, harsa titak chuan "I hlimna ka tan a pawimawh ber, khapa vanga ka laka i inthiam loh ka duh lova, dawt ka sawi a ni mahse ka tihpalh ka dik lo a ni, nang lo tumah ka nun ah hmeichhe dang ka seng lut lo, ka ti ngai bawk lovang, nitin in ka ngai in ka thlahlel che, I tel lovin ka awm thei lo, khami zan thilthleng vang khan ka nun phung a buai zo va, I tel lo chuan engmah ka ni lo, tunah hian hmeichhia anga tawng zuah zuah in ka cool lo hle tih ka hria mahse ka hmangaih che Baby girl, ka thinlung zawng zawng in ka hmangaih che",

Grace P.O.V

Tap thawm ni awm taka insut ri ka hriat chuan muangchang a meng in ka mit vai a ni ngei ang Jungkook hmu than in ka in hria "Baby girl, min ngaidam rawh aw", ka fim nghal kawk, chiang leh zual a ka room kawngka lam ka thlek chuan amah ngei a ni, chuan a mittui a tla bawk. Ka Kookie a tap, a hnar a thi bawk.

Ka rawn tlai vak, tunlai chu kan buai tlang ani e😆

👇😜