"Hey ka samtawnna hi pawt thla ve ziah suh"

Thinrim em em in ka sam chu ka tawn tha mawlh mawlh a. Hepa hi engtik ah nge a puitlin ve ang lee...

"Nge minlo kalsan" tih pahin Tae chu a tlanchhe vat a, rawn hawilet in lei a rawn chhuah zeuh .

Hla lo te ah chuan alo ding a, a bul ka thlen chuan ka tum bar a

" thinrim leh ringawt tawh elaw" a boxy smile ngei mai a nui var var chungin alo ti a. Ka thianpa mah nise a nuimawi ve thlawt. Mahse ka thinrim laklawh tawh. 😏 school lam pan chuan kan inzui dun leh tak hnak hnak a.

School pawh kan thleng teuh tawh hle, Tae pawn a hna ngai a tan leh ta, school nopang dang hmuh lai a min kuah hi a chak tlat zel. Hmeichhe thenkhat phei chuan min ngei phah vek tawh. Min kuah na kut chu ka benthlak sak vat a , alo nui suk duh chauh. A va han ngeiawm thin tak em. Ben sawk ania ka chak.

School chu kan thleng a, class chu kanla mawlh mawlh a. Lunch break alo hun a Tae nen chuan canteen lam kan pan dun a, corridor a kan kal lai chuan nopang dang ho chuan notice board chu anlo bial laih a, Tae chuan hawkdak tik tah ah mi zingah va inhnawh tulh tulh in ava en a, ka ril tam tawh tehreng nen ka van ning tak. Kalsan daih ang.

Thil ka ei tuam tuam lai chuan ka samtawn chu ka hnung atang an rawn pawt a, Kim Taehyung tih pah chuan ka hawilet a, alo nui leh vur vur tawh.

"Minlo kalsan daih man anih kha" tih pahin a thil eitur nen chuan a rawn thu ve a.

"Enge notice board a an thil tar kha?'

" I hre duhlo a i kal daih ani lawm ni"

"Min hrilh ve mai mai teh"

"Vawikhat ka biang ah muah phawt a ngai"

"I van zaklo tak, min hrilh lo tawp rawh ka en ve thei"

Lungawi lo tak chuan ka ti tau hmak a. Tunlai chu tianga mi fiam hi a hrat thar riau.

"A nih ka hrilh ang che, ka lar belh leh sawt dawn mawle"

"Enge chu chu sawi tha ve mai mai la"

"Awwww. Eng vak nge ni se i tih a, final exam hma in a tawp nan intih thawven na hun min siam dawn. Intihhlimna leh intihsiakna hrang hrang a awm dawn zai leh lam te pawh . Tunge pakhat na ni a i rin?? Keimah Kim Taehyunh ngei mai hi mawleee" confi tak chuan a ti a.

Eiloh hmel fe chuan kalo melh a, amah bawk chuan

"Hmeichhe tam tak in min atchilh leh dawn. Ka love letter dawn te min lo buaipui sak turin lo inring rawh aw"

Awi hepa hi ka thil ei pawh ati tui tawh nek lo. Ka riltam tehlul nen.

Ka thawhsan ta daih a.

Engtin nge kan school hmeichhe ho hian an duh em em theih le. A harh bawk si, a â si, nopangchhia bawk si. Mi tihbuai chiah a thiam. Lehkha ala thiam lo em em zui. Ka oppa a tha fee 😍.

A luck ve phian na a ngaihzawng hi a ngaihsak thaklo lehnghal.

Vawikhat chu chhelo a tih thu chu a sawi ve zuai tawh kha.

Lee Min Ho ka ngaituah chhuah chuan ka khi deuh sak a.

rei fe class kan lak leh hnu chuan kan bang ve ta hram a.

Last period Miss. Suzy class ni bawk nen a boring ngawih ngawih. (Miss Sawmtei ka tihchak zia chu😜)

School Gate ka thleng tep tih chuan tu emaw hi ka su deuh nawk a,

Awi ka awih theilo.

Koppa ngei ani. A sang si, a van hmeltha chiang tak . Kan senoir a ni thin a, ani chu a graduate tawh. school uniform a hak tawhloh vang chuan a lang tlangval sawt a , a hmeltha zual sawt. A mitmeng mawlh mai hi. A t-shirt dum hak chuan a vun ngo zet chu a ti lang var zual a, a rawn nui sak a... Awii ka thlawk delh delh in ka hria.

"ka sawi chu i hria em"

Awi ka phu zawk mai, ka ngaituahna kalo kawm leh melh melh tawh.

"Awi......aih.... Ka sawi awmzia chu engmaw i sawi a?"

Kalo ti deuh ha a,

"I tha maw ka su na che em?"

"Immmm. Ka tha e, kaaaa tihpalh. Kawng kalo en lo lutuk a. " ka ti bak deuh nawk nawk a.

"Awleee a lawmawm e i that chuan "

Nui sak in a kal a.

Ka ngaituahna chu ka kawmzui melh melh a, high scholl kan kal tirh a ka crush tun thleng a kala theinghilh theih loh kha nia. Ka vei theih zia kha a basketball khel lai te ka enruk nasat theih zia kha. A hnu ah Tae in a khelh ve tak hnu phei kha chuan amah chhuanlam in ka en phah theih ziah a ka lawm zia kha. Ka best friend nghal leh hmantlakloh zet pawh hian tangkaina mual.mual chu alo nei ve a nih hi.

Ka hnung atanga min rawn kuah tu an awm thut vang chuan ka ka ngaituhana atang chuan ka harh zawk a.

Tae bawk ani.

"Ka rei em , competition awm turah khan ka hming kava ziak lut lawk a. Enteh i hria em?"

"I sawi hma te chuan engtin nge ka hriat anga"

"Lisa kha a tel ve dawn asin, kan duet theih chuan kan bawn ngawt ang. Kan hmeltha dun bawk si. Stage ah kan din dun chuan school nopang zawng zawng mit kan chungah a fu ngei ang"

Awi awi awi hepa hi chu fak lehchuan hi a ngailo reng reng.

"A nih chuan min kuahna hi dahthla rawh, ka mood a fuh tehreng nen i tichhe zo dawn" ka ti deuh hlar a.

Inhnial deuh bap bap chung chuan kan haw thleng veleh tamai a.

Tae te nen hian veng khat a awm kan ni a. Tet te atang kan inkawm tawh. Kan pahnih hian kan inkawm deuh chawt a, thian dang pawh kan kawm ngai meuhlo. Kan len deuh hnu hi chuan mipa leh hmeichhia awmdun deuh chawt ta na na na chu dem fiamtu pawh kan tawng ta fo a. Tae chuan eng ah teh vak a ngailo, mahse school star boy a nia. Haters erawh ka ngah phah deuh.

Ho emai an duh duh lo sawi rawh se.

Mipa leh hmeichhia hi thian tha tak anni thei reng alawm. Mipa leh hmeichhia awmdun hlek inngaizawng amaw tih nghal chawtna rilru hmul hi paihbo a hun tawh ka va ti si emmm. 😑😑.

Kan in kan thleng a, tae nen chuan kan in mangtha a, an in chu a hlat deuh zawk vangin a haw tlang ve mai a. Ka room ah ka chho a, ka intifai a ka nu eirawng chu ka bawlpui mawlh mawlh a. Min Ho oppa ka hmuh vang nge ni ka mood chu an fuh cher cher khawp ah. Chawhmeh chan pah te chuan ka zai ret ret a. Ka mut chu a tui khawp ang.

Zanriah te kan eikham a zanin chu lehkha zir pawh a nuam khawp mai.

Ka lehkhazir tinuam tu lah chuan hriat pawh minhre ve awm der silo a.

Lehkha te ka zirzo a, ka mufel , ka muhil tep tawh Minho mumang a hmuh ngei tuma ka insangmar tan lai chuan ka phone chu a rawn ri a. Peih loh tak chuan ka pick up a, Laltae a lek lo ni in.

Mutchhuah tawh nen thin a chhe duh khawp mai.

"Enge?"

"I mu tawh mi?"

"Mi pangai tan mut loh a hun tawh mi"

"Mi pangai ka nilo i tihna mi"

"Tae duhtawk teh, ka mutchhuak nia thil pawimawh a awm em ni?"

A ngawi deuh vang vang a

"School competition kha i hria em Lisa nen chuan kan tel dun dawn tak tak sin" a rawn ti deuh hluai a.

"Ummm" tih chauh in ka chhang a, tun ang hunah chutiang ringawt sawi turin nge maw min rawn call ni.

Ni dawn tak. Lisa te chu Taea'n ka bula a hmeichhe sawi awmchhun ala ni. A lawm ngawt ang chu

.

Stage a an chetdan tur vel te chu a han sawi vel a .... Ka muthilh chhuak in min zem chiai chiai a, ka muthilh lai pawh ka hrelo.

Zingkar ah chuan ka hmai a ni in min en ut vang chuan ka harh hlawl a.

Sana kan en chu awi awi awi.

Thawh ka hai Kim Taehyung nangmah vang. Ka inbual sawk sawk a. Sam pawh khuihtha hmanlo in ka insiam mawlh mawlh a ka chukthla a, Tae chu anlo awm vang tawh .

"I va han rei em em ve"

Alo ti hlar a. Amah aia vin chuan

"Nangmah vang nih hi" kan ti a.

Ka nu bulah chuan

"Nu kan kal aw. I fanu mut heh deuh vang hian kan tlai dawn nih hi" a ti zuah zuah a. Hmanhmawh tak chuan kan kal dun hlawk hlawk a.

Tet te atanga inkawm kan nih vangin ka nu hi nu tiin a ko ve mai thin.

School chu a ngai angin a kal leh mawp mawp a. A boring leh hle. Miss. Tiger-i (suzy)class kala nei zui. Ka luak te hi chhuak hlui in ka hria. kan ramhuai pitari hian min attack bik thei lutuk a .a class hi nuam ka ti hlawl lo. A hmel hmuh rihngawt pawh ka ning. (Ka ti mah mah em, miss tiger-i ang hi chu school tin in kan kawl vek ang 🤣)

A chhuak chiah chu ka bawk deuh hnawk a , kan hawichhuak leh chu ka hmai zawn hnai set sawt ah Tae chu alo awm a ka phut nasat lutuk vang nge ka thinphu lah chu an rang em em khawp. ani pawh a phu deuh zawk in ka hria.

Kan inen deuh vang vang hnu chuan

"Lisa nen vawin chu kan practise dawn a, minlo nghak lo mai rawh aw" a rawn ti a. Kalu kalo bu deuh nghat a.

Miss.Tiger-i class hi chu nuam iti mawle. I thinchhia te pawh reh vek alawm tih pah chuan a boxy smile ngei mai chuan a nui vur vur . Ka van ngei tak, ka tho thut a duster chu ka la a, ka vawm pawp a alo kun hman.

Awi engthil nge ka tih tak hi 🤥🤥.

Min Ho Class a rawn lut tur chiah chu ka vawm fu nih chu.

Khuk ral chem chem kava chak tak em. Ka thlan te chu a sa bat bat a, a lu chu a tuai vut vut a.

Midang chu an thutna ah an thufel diak a. Keipawh chu khur deuh dur dur in ka thutna ka pan a. Ngaihdam dilna chang pawh ka hrelo.

Ani pawh blackboar lam chu a pan a.

"Min lo lawm dan chu a tha hle mai" tih pah chuan min rawn melh zauh a, awi ka van zak tak. Ka hmai te chu asa hat hat mai . A tai vek ngei ang lee.

ka Oppa chu a rawn tawng chhunzawm leh a.

*Miss minji in maternity leave a lak vangin ka vacation chhung chu a ai ka rawn awh dawn ni"

Hmeichhe ho chu an ri nghal mur mur a. Ni e, min ho oppa hi chu a chhelo ve thlawt ani.

A sang em em a, a mitmeng mawlh hi, a hnar a hmui engkim mai chu a invuah fu vel vek ani e. Class kal a nuam dawn viau e ka ti ru sap a.

Chapter 1 chu ka zo ve ta hram e.

Ka vawikhat ziahna ni a induhthu a samlo maithei. minlo chhiar sak ve ula in duhthusam loh lai chu min hrilh ula..

Chuan vote leh comment lam kalo chang ve ang 😁.

Ka phur dan a zir in ka chhunzawm in ka chhunzawm lo ang.

Typing mistake a awm maithei a. Chhiar dan inlo thiam mai dawn nia.

Jimin fanfic ziah ka tum a, Mahse ka rilru a awm nen hian V a inhmeh zawk sia. ka ziak zet tawh a ka thlak leh tamai.

😂

tan hian ka hlan e. ani hian ziak turin min tur nasa lutuk a. Ka phur thut in ka rawn ziak ve rawih a ni e.

💜💜💜