Exam chu rin ai ka chhang tha tho mai, mahse hei aia tha a ti thei tur hi ka ni sin mawle. Kim Taehyung nangmah vang😔😔

Tae pawh chu a rawn exam zawm veleh mai a, nizan a ka Tae hriat kha ni leh tawh miahlo. A hlim hmel em em a. Lisa nen an inkar ah khan eng thil tak thleng ang maw, heti em em a mood inthlak danglam thei chu. A hlim hmel te sawn ka thin a tirim tung thei nia mawle.

Haw tlang nghal vang vang ka tum a . Tae chu a zawh hmasak vang in a haw daih tawh ka ring. Mahse gate bulah chuan alo ding a minlo nuih var var a, ka nuih let thei hlawl lo. Nizan a ka thil hmuh bawk kha ka rilru ah chuan a rawn lang leh a, theinghilh tum in ka lu chu ka thing nawk nawk a.

Engmah thleng lo ang maia a awm te chuan ka thin a tirim zual. A hlim hmel te ven vun hi . A hmeltha lutuk te thleng hian ka thin a tirim vek 😡😡.

Kan haw rual a,

"Mina nizan vang khan ka lawm e aw"

Kalo bu nghauh ringawt a, ka chhan mai loh vang chuan a ngaih a thalo niang amah bawk chu a rawn tawngchuak leh a,

"I tha em, ngati i va nawm loh hmel ve nizan i mu thalo em ni"

Nang leh i bialnu barbie ang zet vang khan ka tlaivar tih hrep mai ka duh.

"Ka tha lawm engmah a nilo".

"Thil hrilh duh che ka nei a, helai ah hian chawl lawk ila" tih pah chuan thut chawlna awm chu a kawk a a thu zui zat bawk a.

Tun atan chuan ka be chak hlawl lo,

"Tae ka chau deuh a haw tlang mai ka duh nakin ah kan inbe dawn nia."

Kal mai ka tum lai chuan ka thu hriat chuan min ti ding chiang hle mai.

"Mina ka duh che"

Tunah khan Tae in min duhthu a sawi. Ka hresual em ni. Ka thin phu te chu a rang dawt dawt a, a puak darh dawn hial in ka hria. Enge a chhan pawh ka hrelo ka mittui chu a rawn hnai kuar a. Ka tahchhuah loh nan chuan ka inseh ruh tang tang a.

Ni e keipawn ka duh alawm. Ka duh takzet, he mihring ka duh lutuk vang hian ka â thei mai dawn in ka hria.

Ka hnung atang chuan min rawn kuah a, a thinphu ri dup dup te chu ka hre thei. Ka van hlim tak em Tae in min duh amaw. Ka mumang a ni hial lo maw. Mahseeeee Lisaaa.... Ka ngaituahna a thil rawn lut vang chuan ka harh deuh zawk a.

A ban chu ka dahthlak sak a

"I kut tenawm tak khan min khawih suh. Mi lerhkawh pa, ka duh velo che. Tun atang chuan ka hmuhphak ah awm leh tawh suh. Ka ten che ka haw lutuk che."

A ang in ka angchhuak ani ber mai . hawi pawh hawilet lo chuan ka kal nal nal.

Nizan lawk ah Lisa nen an awmdun a, tunah Lisa a kuahna kut ngei a min kuah chung in min duhthu a sawi chu a ni sia. Ka awih theilo eng ang mihring nge a nih le. Ka haw lutuk. Ka haw takzet a ni. Ka mittui chu a rawn tla zawih zawih a.

Ka hnung lawka car horn rawn ri tuarh vang chuan ka phu zawk a. K hawilet a sir minho lek chu lo ni in. Engtin nge tiang hunah hian a rawn lan chat theih thin le.

"Lo lut rawh kalo thlah ang che"

Engmah sawilo chuan ka lut nghal hmak. miss awmloh chhunga kan mark vel tifel tura school a a rawn kal thu te chu a sawi a. School a rawn kal chhung zawnga lungleng lutuk lo a ka siam avanga lawmthu sawi nan lunch min treat a duh thu a sawi tlat sia ka hnial ta lo . nia hun thawl ka mamawh.

restaurant pakhat ah chuan kan lut a, minho chu hmeichhe ho in an en duh rap a chhelo bawk em ani.

Mahse ka Tae a tluk tawh lo . Ni e Kim Taehyung kha 😢.

Thil kan ei tak tak chu min en tawp. Ka zak veleh deuh. Ti em em hian ka ei.thei tih ka inhre biklo 🤣. Ka pawnfen kawng pawh a tawt vek in ka hria. min en vung vung hnu chuan ka hmui a rawn khawih zeuh a.

"I thil ei i tikai a"

"ka lawm e, i zarah ka puar khawp mai"

kan ei zawh chuan a man a tifel a min thlah haw ta a.

...

.

Exam pawh kan zofel ta.

A hma a kalo zir lawk vak kha ka tifuh takzet ani. Nilo se chuan tun dinhmun ah hi chuan ka fail thei hrin hrim ang. Rin ai tak chuan ka titha thei zel a.

Khami ni atang khan Tae chu ka hmu ngai ta meuh lo. Kan inhmuh fuh pawn inhre ngailo ang mai kan ni . min duh tak tak chu nise khami ni pawh khan min rawn umzui anga a insawifiah ngei ang. Nih loh pawn ka nin thleng rak min tibuai ang. Hmana ka Tae hriat thin kha chuan a laka ka lungawi loh chuan ka nin thleng thak min tibuai a kan inthlem lungawi leh nge nge thin kha ania..

Mahse a reh hian a reh vawng vawng ani tawp mai. Ka ngai takzet ani. Engtin nge ka chungah tiang hi a tih theih zawk le. Min duhthu a saei hnu lawkah min hre ngailo ang maiin a awm leh thei ania ka hrechiang emaw kalo tia kalo hrechiang lo takzet ani.

Ni e, keimah alawm hnawtbo tu. Ka hmuhphak a awm lo tura hrilh tu chu keimag ngei hi ka ni alawm.

ka va han â tak emmm

Result a chuak ta, ka van lawm tak em. Ti hi chuan ka university duh berah ka lut thei ngei ang le. Tae pawh a pass ve hram e. Haw viau mah ila a chanchin ngaihven chu ka bang thei chuanglo a nih hi.

Zan ah chuan kan chhungkua in ka pass kan lawm a ka hlim kher mai.

Zan lam kan hlim bawk a zing ah chuan ka tho tlai kher mai.

Ka nu chuan min rawn kaithawh pahin letter pakhat hi min pe a.

"Kha Taehyunga'n a biaktlang theih loh thu che a sawi a, hei hi lo pe rawh a ti a"

Nge min biak theih ngawt ang. Ka block daih lawm. ( Ka ngaihdan ah chuan kan tana min pawimawh tak bak kan block ngailo.)

Ka drawer ah chuan ka dah hmak ka chhiar awmlo.

Nileng in ka room chu ka tifel a, hla ringtawk in ka play a ka lampah vak vak bawk a.

Nakin mai ah Seoul ah chhungte tello in ka awm ve tawh dawn sia. Ka ngaituah na vang chuan ka nui sek a. Ka huphurh rual.rual in ka phur takzet ani , ka puitling ve tak tak tawh dawn. Kim Taehyung aia tha seoul ah chuan an tam ngawt ang. Mipa hmeltha leh chhelo tak tak ka date anga a ni chu ka theinghilh vat mai ang.

Zan ah chuan dinner kan ei a, ka tifel zung zunga ka mu nghal hmak.

Chhun ah ka che chau deuh bawk nen ka muhil thuai a.

Zing ah lah chuan thawh kan la hai hram a, ka chhukthla ah ka nu in breakfast alo peih diam tawh.

"Bawihi lo ei nghal rawh, Taehyung insawn tur pawh i pui velo a"

"Niaa, thawh ka haiiii..... Engmaw tunag khan i sawi"

"Aw...Taehynga'n an in kha a hralh a a pem dawn lawm a hrilh lo che mi"

Ka nu thusawi ka ngaithla zo chu rang takin ka tlanchhuak nghal a tae te inlam ah chuan hmanhmawh.takin ka tlan nghal a.

Ka mut thawmhaw nen kala.awm a ka sam a pheng nuaih bawk. Mi chuan.min en duh hle.

Tae minlo ngak rawh tiin ka phun mawlh mawlh a.

Nilo, ka tlai Tae chu a awm tawhlo. Engmah min hrilh lo in engtin nge min kalsan theih le. A theih loh. Min duh ani lawm ni engtin nge ka chungah tiang hi a tih theih. Ka thingthi hnawk a chhuak em em in ka tap.hawm hawm a.

A tawi deuh a ni e.....

Minlo chhiar sak ula minlo vote sak ve theuh dawn niaaa..

💜💜💜