"He Chimmy a neitu ang maia cute lutuk mai hi engtin nge kaaaaa" an hawichhuak Tae mitmeng nem lemlo takin alo melh khui chuan a sawi zawmlo chiang ngei mai.

Tae mit ah tak en chung chuan "ka bulah Kim Taehyung khawvel a mipa hmeltha , chhelo, sexy leh talented ber mai a awm reng lai hian eng atan nge Tata chu ka tih anga . ka bulah i awm reng dawna Tata ka mamawh hleinem" a thusawi chu amah pawhin a awih lo zawk hial . mahse a ngaituah chiang a dawt erawh a ni hulhual chuang miahlo .

Tae thinrim na te pawh chu chhembo ang duak a ni leh ta. Nichin lawka a mitmeng thim lutuk te kha chu kawlkila vawm bo ang vang vang anni leh tawh.

Mina chu pawtmu in a awm ah a kuahbei a, a chhingzui ta daih a.

Zanin chu tihian hahdam takin awm ang thatchhe zeta tiin hahdam hmel zetin thaw a la suai suai a . A thawk lak zawng chuan Mina pawh chu a lo kang ve det det zel a. Nuam a ti takzet ani.. Hetia hahdam taka a hmangaih ber nen a awm hi. A aia nuam leh chuang a awmlo ang .

Mina pawh chuan engmah sawilo chuan a kawng ah chuan kuah in amah hmachawn thei zawng chuan a insiam rem a .

A enning thei mawlh lo ani . a mithmul sei er tarh hmeichhe hoin an awh em em mai te , a hnar a khuvang chhinchhiah lang kalh mai Kim Taehyung hnara awm a nih vanga nalh danglam bik em em te a hmui senno chek mai te chu mipa hmui awm a mawi pawh a nilo.

a mitah chuan engkim mai chu sawisel bo a ni . hetiang ang mipa tha lutuk nei tur hian engthil tha nge a tih bik tih a inngaituah tir hial a ni .

Tae chuan amah enreng tu an awmtih a hriat chuan a meng thut a, A awm ngheng a a hmai thal ha a lo enreng tu hmeichhia chu a ngaituahna ram atanga rawn harhchhuak thut ang maiin A mipa awm pharh hlai tak ah chuan a hmai a phum daih a.

Tae tan chuan chu hmeichhia zah vanga hmai khuh bo daih ringawt pawh chu a tan chuan khawvel a thil mawi ber, lemziak thiam ber ber ten an themthiamna zawng zawng sawm a an sualchhuah te ai chuan a mit a tlung zawk daih a ni.

"Tinge i duh tawk i thlir hman ami, khatia min en reng ai chuan thla te la law law la a daihrei zawk ang" tiin an fiam zeuh a, .

mina nui nghawr dawt chu a feel thei. A kuahnghet sauh a.

"eng ang taka hlu nge i nih tih hi ka hrilh tawh che em" tiin a awm a bei chial sam shampoo rim nam chem chem chu a lu a fawp zeuh pahin a hnim vang vang a .

He thil rim tui tak hi ni a ngaih em em thin leh lam an practice hah em em lai pawh a ngaihtuah chhuaha amah ti hahdam sawng sawng thei thin tu chu .

a hmeichhia zawk chuan engmah sawilo in a lu chu a thing na na a.

A mipa zawk chu khi sak in Inchung ceiling var sar chu a en vang vang a.

engmah sawilo a ngawi reng vang chuan Mina chu a rawn dakchhuak a , Tae chuan thil ngaituah bing tih hriat tak in inchung chu alo mel ngar ngar a.

"Daegu ka chhuahsan hnu khan ka nun ah khan beisei tur engmah ka hmu tawhlo. ka beidawng a kalsan ni a inhriat na leh mal ngawih ngawih a inhriatna in min luhchilh a.

Mahse heng ka unau te hi ka chhar thar a, an mi hmangaihna leh hriatthiamna in chu ka beidawnna ruam ata chu min chhanchhuak a beiseina thar nen ka nun ka hmang chho leh a. Mahse engemaw kim lo leh ruak riau hi ka nun ah hian a awm tlat thin.

Mahse i rawn lang leh a chu hmunruak chu rawn hnawhkhat in ka a thinlung vawt leh khawhar em em chu rawn luahlum in nun thar min pe a.

A chang chuan ka lak atang hian hla takah lakbo in i awmdawn ni tlat a hriatna hi ka nei a nasa takin ka hlauthawng thin. Nang chantur che anga ka inngaituahna ringawt pawh hi mangchhe ber man ang mai a ni.

Mahse i kut tetak te a min kuah a hahdam taka i thaw siai siai ri ka hriat hi chuan chung hlauhthawnna zawng zawng te chu an bo duak a khawvel a mi hlim ber ka ni leh thin.

he hmeichhe kut tereuh te hian thiltih theihna a neih nasat zia leh ka damna a ni tih hi engtik ah nge mi zawng zawng hriat ah ka auchhuah pui theih ang le." A ti zawi sap a.

Tae thusawi vang chuan a mittui chu a hriat loh laiin a lo tla a. A thinglung chhungril atanga chhuak ngei ani tih a hre thei.

An relationship chu an thup a ngai a, khawlai ah inkai rial in an kaldun ve theilo , restaurant ah te chawl in thil tui tak tak te an eidun ve thei lo a. Movie en turin an chhuak dun ve thei lo a , khawi park ah emaw thuthleng ah inngheng rial pawn an thu dun ve thei heklo.

Chu chu hmeichhia zawng zawng te duhthusam chu ani vek alawm. Mahse Tae dinhmun in a zir loh vangin ani pawhin a hrethiam hram hram a , chungthil te chu a chak in alo suangtuah ve thin ani tih a lantir ngailo.

Mahse Tae chuan a hmangaih ber chuan sawilo mahse a hre thei ani . tih theih a nei bawk silo. A mah chuah chu inngaituah se chuan a career zawng zawng kalsan a Mina pan chua pawiti lo. Mahse a unaute zawng zawng a tichhe tel ve thei silo a ni.

Chung zawng zawng chu Mina chuan a hriatthiam pui ngailo mahse zanin hian a hrethiam ani. amah ang tho in hreawm a ti ve tih chu. Chu room tereuh te chu an khawvel neih chhun a ni rih mai sia.

Mina chu Tae chungah chuan lawn in a hmai tawn tawn ah chuan a kut chuan a vuan a a mit ah tak en chung chuann.

"Tae min hmangaih tih ka hria chu chu ka tan chuan a tawk lutuk ." tiin a hmui ah chuan a fawp zeuh a.

Mahse Tae chuan duhtawk lo in zo zet in Mina chu a lehthal a, duhthaw takin a fawp zui a , mina pawhin lo chhanglet vatin an thaw a chham dawn thleng chuan an infawp a.

Mina chu a inlahrang hmasa ah atang a. Tae chuan vawikhat zuk pawf leh zeuh in Thil thalo tak ka tih hma hian ka room ah kan phei ange tiin khum atang chuan thawh a tum a mahse engemaw vang hian a chawl dat a.

A pajama hmawr ah chuan kut tetakte hian alo vuan a.

"Zanin chu riak ve mai la, zingah midang thawh hma in i insawn anga"

A sawi zawh chuan a zah lutuk vangin a hmai chu a sen tawn tawn a.

...

Ka story ziah hi ka chhiarlet chhin a, a nawi telh telh mai 😂. An relationship hi ka kalchaktir mah mah inti em.? an hlim ve tawh bawk a buaina kan tawhtir veleh tawh mai dawn mi . relationship hi chu han chhuk chho deuh nawk nawk se a daihrei in a nghet zawk e an tia lawm. A tluan purh ringawt chuan a boring 😂.

Zan zawn in kalo dah ania 😘

Ka phur viau chuan naktuk zanah pawh kalo dah leh maithei nia 😉😉

Chuan bday pual in ka hlan e. Borahae 💜💜💜