"Tae ka tihpalh Mangtha leee. Tun atang chuan i hmuhphak ah ka awm tawhlo ang. keimah vang in eng zahna mah i tawk tawhlo anga eng harsatna mah ka thlen tawhlo bawk ang che. Engkim vangin ka lawm e. Mangtha leeee. Ka Hmangaih Che"

Chu lehkha tawi te chuan V thinlung chu chhun ang mai a na in a siam a. Engvang in nge khatiang khan alo tih kher kher. Ava inchhir tak em, siamthat theih a ni tawh silo. Hun hi pawhkir leh theih se ava ti tehlul em.. 😥😥

Tae p.o.v

Zankhua in ka inngaituah a ka muhil theilo. Ka khum ah chuan ka inlet sek a enge tihtur ber pawh ka hrelo. He hmun pik leh thim tak atang a min kaichhuak tu tur ka va duh em. Ka member pui te ka hnuchhawn theilo a Mina ka kalsan thei heklo.

An hmalam hun zawng zawng ka kutah a awm a, keimah vangin an career a chhe vek thei tih lah ka hrechiang bawk si. Kum tamtak kanlo chengho tawh in thil tamtak kanlo tawng ho tawh a. Kan nui ho in kan tap ho a, harsaktna leh manganna tamtak tuarchhuak in leh sawiselna leh hmuhsitna tamtak karah hlawhtlinna kan tawng tan ve chiah a ni a heti ringawt hian ka mimal thil vangin ka tichhe vek ngawt theilo a ni .

Engvang in nge Idol nih hi a harsat em em le. Kan fans te hian tinge kan hlimna leh kan thil duhzawng ah chuan min support in min hlimpui theih mai loh ni. Tun ah tak hi chuan mipangai nih ka va chak tehlul em.

Rei tak ka inngaituah hnu chuan ka tih tur diktak chu ka hre ta. Kan zavai tana tha tur a ni bawk ang. Khua a var tep tih chuan ka muhil ve ta hram a.

Ka ruahmanna te chu ka hrilh a tha an ti vaklo mahse tuman min hnial lo. Kawng dang awmse kan ti vek tih chu an hmel ah ka hre thei a tha ber tur a ni miau sia lawm le.

Mina chu a rawn tho thla miahlo a ka tibuai duh ta lo law law mai. Interview pe tur chuan kan kal ta a . kan tan tep tih chuan Jimin chuan min rawn bia a

"Taehyung Mina chuan a hrethiam lo ange, i ruahmanna te kha hrilh hre ve phawt la a tha in ka hria" a tih chuan ka ngaituah chiang a kan hun tawn mek nen ngaihdan diklo tak a put phah thei dawn tih ka hriat vangin hrilh hriat chu tha in ka hre ta a.

Washroom lamah kal in ka phone chu ka phawrh a r💜 tia ka save chu kan dial a(ka van thik tak😖) mahse switch off a inti tlat . kan call nawn ngial pawn a tlang thei bawk silo. Beidawng tak chuan interview na lam tur chu ka pan ta a.

🐯🐯🐯🐯🐯

Ni hahthlak leh chauhthlak tak kan hmanzawh hnu chuan Mina nui hmel mawi tak hmuh a kuah vawng vawng nghakhlel tak chungin kan thlen veleh hmanhmawh tak a car atanga chhuk in inchhung chu ka pan vat a.

nileng a ka hmuh tawhloh vangin ka ngai tawh takzet a ni . inchhung ka lut chu alo thim deuh thiap a a reh em em bawk. Ngaihthahlohna engemaw tak ka nei a, mahse a room ah a awm aniang tiin a room lam chu ka pan leh vat a, mahse a awm chuanglo.

Makti takin ka room ah chuan inthlak phawt turin ka lut a. Light ka on chiah chu ka dawhkan chunga thil var lo awm chuan ka mit ala nghal chat a. Ka pan hnai a ka lakang chiah chu ka lungphu te hi an tawp ni mai hian ka hria.

☪☪☪☪☪

Tae chuan lehkha a thil inziak a chhiarzawh chuan Mina room chu a pan leh vat a, a luh hmasak khan a lo ngaituah chiang miahlo a mahse Mina room chu alo ruak deuh huai a, a thawmhnaw bawm chu a hawng vat a engmah alo awm lo. Engkim chu a ruak vek , a sulhnu engmah hnutchhiah a neilo.

Chau leh beidawng takin khum ah chuan a letthla hnawk a, a sam chu a tuaichho puat a, inchung ceiling var plane purh mai chu khap miahlo chuan a melh reng a, a rilru chu a mang vek ni mai hian a hria.

A mitsir a a thilhmuh an enchiang chu khum ah chuan Chimey chu alo let deuh bal a. A ngaituahna ah thil rawn lut deuh zawk in Jimin nen a an room lam ah chuan a tlanlut leh thuai a. Jimin chu alo inthlak mek mahse a ngaihven lo .

A khum an en chu a Tata alo awmlo. Chutah meuh chuan Kim Taehyung chu a insum zo tawhlo. A thinlung na leh tawt lutuk chu rawn puakdarh in a mittui chu a tla ta zawih zawih a, a hmui pet fan fan in chimmye pawisawi lo zet chu a hmer ngawr ngawr a.

"ka bulah Kim Taehyung khawvel a mipa hmeltha , chhelo, sexy leh talented ber mai a awm reng lai hian eng atan nge Tata chu ka tih anga . ka bulah i awm reng dawna Tata ka mamawh hleinem"

A beng ah chuan a ri nawn awn awn a, Tata mamawh lo tu khan engvang in nge tuna taka a mamawh a . engvanga chimmey kalsan a Tata la daih nge a nih. A mamawh loh thu a sawi a ni lawm ni. Mina chuan a kalsan tak tak tihna em ni.

➰➰➰➰➰➰

Mina kalbo atang pawn karkhat zet a liam tawh a. A kalbo rual khan Taehyung thinlung leh ngaituahna zawng zawng te chu a kalbopui ta mai emaw tih tur in mu leh mal a neilo. Thil a ei ngai manglo a a mu tlem em em bawk. A tap ngailo a Mina hming tumah in an lam ngailo.

Tuman hnem ngaihna an hrelo, a awm awm in an awmtir tawp mahse a tan an awmreng tih erawh an theihtawp in an lantir thung. An program tamtak an cancel a mipui hma ah an inlan ngai meuhlo bawk.

Mina room ah chuan amah in a inkhung deuh chawt a enge a tih thin tumah in an hrelo. An biak hmasak loh chuan tumah a be ngailo a. An biak erawh chuan tha takin a chhang thung. A hun tamzawk chu room a inkhung nan a hmang a ni ber mai.

Chutiang reng reng chuan an hun chu an hmang a. Mahse thla 2 lai a liam hnu chuan an pangai chho veleh tan ta a. An kal ngai in an kal chho leh tan a an buai leh em em tawh a ni.

Tunlai Army te ti ti tamber leh Twitter, Instagram leh YouTube vela lar ber te zinga mi chu

"Kim taehyung chungah enge thleng?".

"V hi a tha chiah em?"

"Taehyung a danglam!"

Etc etc...............

Enge a chungah thleng chiah. Nuihmel a pu khat tawh em em a. A mizia danglam em em, harh em em leh maksak tak tak a che thin kha a ngawichawi in a nuihmel mawi tak kha hmuh tur a awm tawh manglo a ni.

✡✡✡✡

Yoongie chu a studio ah hna thawk in a buai em em a, a thawhrim deuh vang nge a thuthleng ah chuan rem leh rem lo hian a lo mutthlu lawp lawp a. Chutih lai chuan a kawngka chu tu emaw hian a rawn kik deuh dawt dawt a. A phut nasat em vang chuan a chair atang chuan a tlathla lo chuah a ni.

Anchhia lawh deuh hluk chung chuan kawngka chu ava hawng a a kawngka zawn a lo ding a hmuh chuan a hmel rum leh mitmeng thip deuh ram pawh chu a dam deuh suai suai a. Mahse tihlan erawh a tum lemlo.

Nin hmel.zet chuan "enge i duh?" A ti bul deuh hmuk a. Amah hrechiang tu tan erawh chuan a tawngkam pangai reng an mai a ni. Ham deuh bai bai chung chuan a let leh a a thutna ngai ah chuan a thu zui leh nghal chat a.

A computer hma a thil engemaw dahthlak pah chuan "Yoongie Hyung khawngaih in minlo ensak thei angem" a hnunga rawn zui tu chuan a bula thut pah chuan a ti a.

Phur em em vaklo chung chuan a hma a lehkha awm chu enge a nih reng reng tih hriat tumin an en chu a phu deuh zawk mai. A bula thu sam dum kir deuh bap mai chu ava melh a a kut a mi chu a en leh a , lehlam ami chuan alo melh let ve kal bawk a.

"Taehyung ~a heihi nangma ziah maw? "

"Im.... Siamthat ngai chu ala tam a. Khawngaih in min pui thei angem . thla leh chhung ngei a release ka duh a."

'Namjoon puihna dil tel la a that ka ring a lyric hi English vek a ni si a nasa takin a pui thei ang che"

Yoongie hmel pawh a eng sawt khawp mai ani ang tan chuan hna thar neih chu hlimna peng te zinga mi a ni. chumai bak ah an Taehyung a hla phuah buaipui ngat phei chu a muthchhuak leh chau zawng zawng te chu chhembo ang hmak an ni leh tawh.

Suga, RM leh V

Te chu an hunawl neih ang ang ah nasa takin an thawk ho a, midang ho chuan enge an buaipui chiah an hrelo. Mahse ni tel a Taehyung hmel inthlakdanglam chu an hmu thei a ni. Enge a nih hrelo mahse an unaupa an thianpa hlimna thlentu a nih chhung chu anlo support ve em em tawp mai a ni.

^^^^^^^^^^^°°°°°^^^^^^^^^^^^^^^

Taehyung chu room reh leh khawharthlak tak hriatreng tur tamtak awm teuh si na hmun ah chuan a mu meng kar mai a a mut a chhuak mawlh lo a ni . zandak ang bawk in hun kaltawh lam chu a rilru ah a rawn lang nawn awn awn a.

Eng vanga khatiang ngaituahna tawi tuk ne n a a buaina chinfel tum mai kha nge a ni tih tun thleng in ala inngaituah chhuak theilo a ni

A hunlai kha chuan kha aia tha kawngdang kha a hre miau silo a ni.

An zavai a thattlan nan date a neih loh thu a puang anga, boruak te a ziaawm veleh A group chu a chhuahsan anga, midang hmalam hun tichhe tello in mi pangai angin A hmangaih nen chuan zanlen takin an inkawp in Kut invuan ral chungin khawlai ah chhuak in an ain date ve thei tawh dawn a ni.

Mahse engkim hi duh angin a kal diak diak thei silo. Alo dawngsawng tu leh ruahhmanan te engmah hre velo tu Mina tan erawh chuan mipui tamtak hma ah date a neih loh thu a sawi lai kha a tan engmah a nih lohzia ti langtu angmai chauh a ni si . tunge dem thei awm le. A phone battery lah a low in hrilhhriat theih in an awm miau silo alawm le.