အပိုင်း-108

လင်းဖေးလု လည်ချောင်းတစ်ချက်ရှင်းပြီး သူ့ကလေးအသံလေးနဲ့ သီဆိုလိုက်တယ်။

"မင်း အတွက် ငါ့ ဉီးနှောက်ထဲက စကားတွေချရေးထားတယ်။ "

"မင်းအတွက် ..မဖြစ်နိုင်တာကိုလုပ်ခဲ့တယ်။"

"မင်းအတွက် ငါ သီချင်း သီကုံးဖို့ သင်ယူခဲ့တယ်။"

"မင်းအတွက် ငါ့ စိတ်တွေပျောက်ဆုံးခဲ့တယ်။.."

ဆောင်းဂျင်းလန် "..."

လင်းဖေးလု "..."

ကိုးရိုးကားယားနိုင်လိုက်တာ။

သူမ ချောမောတဲ့ကောင်လေးကို စနောက်တက်တဲ့အကျင့်ကိုရပ်လိုက်တယ်။

ဆောင်းဂျင်းလန် ခဏတာ အေးခဲနေခဲ့ပြီးခေါင်းခါယမ်းကာ ပြုံးနေ၏။

အမြဲတမ်းပြုံးနေတာကြောင့် လင်းဖေးလု သူ့အပြုံးကိုမြင်ရတာနေသားကျနေပြီ။ ဒါပေမဲ့ ဒီတခေါက် ဒီအပြုံးက မတူဘူးလို့ခံစားရတယ်။ အခု အပြုံးက သူ့မျက်လုံးထဲ နွေးထွေးမှုရှိနေတယ်။

ကျောင်းပိတ်တော့ လင်းဖေးလု ကျောင်းနောက်ကျမှာစိုးလို့ လင်းဂျင်းယွမ် ကိုစောစောသွားနိုးစရာမလိုတော့ဘူး။နောက်ဆုံး သူမ ခြင်းလေးနဲ့ပျော်ပျော်ရွှင်ရွှင်လျှောက်သွားနေ၏။

နှင်းကျတာ မရပ်သွားပေမဲ့ အရင်ကလောက် နှင်းမသည်းတော့။ ဧကရာဇ် လင်းစိတ်ပူနေသည့် နှင်းမုန်တိုင်းမဖြစ်ခဲ့တာကြောင့် ဧကရာဇ် လင်း စိတ်သက်သာရနေခဲ့သည်။ဒါ့ကြောင့် မောင်းမဆောင်ကိုရံဖန်ရံခါ လာလည်ပတ်တယ်။

မကြာသေးခင် အင်ပါယာနန်းတော်က လူတိုင်း အင်ပါယာမိသားစုရဲ့နှစ်သစ်ကြိုဆိုပွဲ အတွက် ပြင်ဆင်ရင်းအလုပ်များနေခဲ့သည်။ အရင်နှစ်ပွဲတော် က အင်ပါယာမောင်းမဆောင် က ကိုယ်လုပ်တော် များအတွက်ဖြစ်သည်။ အခု ပေါင်းစည်းနှစ်ကူးပွဲတော်ကြီးက အင်ပါယာမိသားစုများနှင့် သက်ဆိုင်သည့် ဆွေမျိုးများအတွက်ဖြစ်သည်။

ပေါင်းစည်းတွေ့ဆုံခြင်းစားသောက်ပွဲမှာ ဟင်းပွဲပေါင်း ၉၉ မျိုးရှိလိမ့်မယ်လို့ လင်းဖေးလု ရှောင်လန် ဆီက ကြားခဲ့ရတယ်။ ၉၉ မျိုး ဟင်းပွဲဆိုသည့် သင်္ကေတမှာ စုပေါင်းခြင်း ကို ကိုယ်စားပြုပြီး "ဂူရီစားသောက်ပွဲ"လို့သိကြသည်။ ဒါက အင်ပါယာလင်း ရဲ့ ရိုးရာဓလေ့တစ်ခုလည်းဖြစ်သည်။ လင်းဖေးလု ထိုဟင်းများကိုစားမယ်လို့တွေးရင်း တံထွေးမြိုချမိတယ်။

သူမရဲ့အဆင့်အတန်းကြောင့် ထိုပွဲကိုတက်ခွင့်မရတာ နှမြောစရာဖြစ်တယ်။ ရက်အနည်းငယ်ကြာ။ တော့ နှစ်ကုန်စာမေးပွဲ ရလဒ် ထွက်လာခဲ့သည်။

အင်ပါယာဆရာများ ရာပေါင်းများစွာသော ကဗျာများမှ ကဗျာ ၁၀ ပုဒ် ရွေးချယ်ထားပြီး အကောင်းဆုံး ၃ ပုဒ် ရွေးချယ်ဖို့ ဧကရာဇ် ကိုတင်ပြခဲ့သည်။

ဘယ်ကျောင်းသားက ဘယ်ကဗျာကိုရေးခဲ့သလဲမသိလောက်အောင် ကျောင်းသားများက နာမည်ဝှက်နဲ့ရေးခဲ့တာဖြစ်သည်။

သို့ပေမဲ့ အရင်နှစ်က အမြဲတမ်း လင်းတန် နဲ့လင်းချင်တို့ ထိပ်ဆုံး ၃ ယောက်ထဲ ဝင်ခဲ့ကြသည်။

ထိုကဗျာ ၁၀ ပုဒ်ကိုဖတ်ပြီးနောက် ငယ်ရွယ်တဲ့မိန်းကလေး အကြောင်းပုံဖော်ထားသည့် ကဗျာကိုရွေးချယ်ဖို့မတုန့်ဆိုင်းခဲ့ပေ။ဧကရာဇ် က အင်ပါယာဆရာကို "ဒါက သာမန်ထက်ပိုလွန်းတယ်။ အကောင်းဆုံးကဗျာဖြစ်ဖို့ ထိုက်တန်တယ်။ ကိုယ်တော့်ရဲ့ ဘယ်မင်းသားက ဒီကဗျာကိုရေးတာလဲ?"

အင်ပါယာဆရာ နာမည်ဝှက် ကိုကြည့်ပြီး နာမည်စာရင်းပြန်ကြည့်ကာ အနည်းငယ်အံ့ဩသွား၏။

"အရှင့် ကိုပြန်ဖြေဆိုပါတယ်။ဒီကဗျာကိုဆောင်းအင်ပါယာက ဆောင်းဂျင်းလန် ရေးထားတာပါ"

ဧကရာဇ် ထိုကဗျာကိုထပ်ဖတ်ကြည့်တယ်။ "မင်းသား ဆောင်း? အရင်နှစ်က သူ့လေ့လာမှုကောင်းကောင်းမရှိခဲ့ဘူးဆိုတာ ကိုယ်တော် မှတ်မိသေးတယ်။ "

လေးနက်စွာကြည့်ပြီး " သူ့တခြား ကဗျာရှစ်ပုဒ်ယူလာခဲ့"

အင်ပါယာဆရာက တခြားကဗျာရှစ်ပုဒ်ယူပြီး တုန့်ပြန်တယ်။ "ပြောရရင် ထူးဆန်းပါတယ်။ ဆောင်းအင်ပါယာမင်းသားရေးတဲ့ ကဗျာကိုးပုဒ် မှာရှစ်ပုဒ်က အလယ်အလတ်ပဲ။ ဒီတစ်ခုတည်း ထိုမိန်းကလေးရဲ့အရည်အချင်းရှိပုံကိုဖော်ညွန်းထားပြီး ပါရမီရှိတာပါ"

တစ်ခုချင်းစီဖတ်ကြည့်ပြီးနောက် အင်ပါယာလင်းနောက်ဆုံးတည်ငြိမ်သွားပြီး တိတ်တဆိတ် "ကြည့်ရတာ ကံကောင်းသွားပုံပဲ။"

ဧကရာဇ် လင်း တွေးတွေးဆဆ "ဒီလိုဆိုမှတော့ ဒါကို တတိယနေရာထားလိုက်။ ဆုချီးမြှင့်ဖို့ထိုက်တန်သူကို ထိုက်ထိုက်တန်တန်ချီးမြှင့်။ အားလုံးခြုံပြောရရင် ကိုယ်တော်တို့ ကြီးမြတ်တဲ့လင်းအင်ပါယာ ကျက်သရေရှိရမယ်။"

"နားလည်ပါပြီ။"