"Хос хосоороо сууцгаагаарай"гэж ноён Данфорд багш хэлж өглөө.

Брэтт өнөөдөр хичээлдээ ирсэнгүй.Яг үнэндээ ангиас миний мэддэг хүүхдүүдээс тэр л ганцхан дажгүй ааштай.Скайлороос хамаагүй илүү.Би ганцаараа сууж байтал удалгүй Скайлорын хажууд хөөрхөн шар үстэй охин ирээд суув.

"Скайлин чи ганцаараа сууж байгаа юм уу?" гэж ноён Данфорд багш асуулаа.

"Мм би-"

"Би түүний хамтрагч болъё!" гээд бас өөр нэг шар охин ирээд миний хажууд суув.Тэр Скайлорын хажууд сууж байгаа охин руу нүдээ ирмэж байхыг би анзаарлаа.

"За, хичээлдээ оръё" гэсээр багш хоёр гараа хооронд нь үрээд өнөөдрийн сэдэвтээ оров.

"Чи шинээр ирсэн үү?" гээд тэр надаас асуулаа.

"Тийм ээ" гэсээр би толгой дохив.

"Хаанаас ирсэн бэ?"

"Канад" гэж хэлээд би инээмсгэллээ.

"Бурхан минь!Гайхалтай.Энд байх таалагдаж байна уу?"

"Тийм ээ.Цаг агаар нь их сайхан" гээд би бага зэрэг инээв."Чамайг хэн гэдэг гэсэн билээ?"

"Өө, Жижи гэдэг" гэсээр тэр инээлээ.

"Танилцсандаа таатай байна"

Бид үргэлжлүүлэн багшийн яриаг сонсож эхлэв.Долоон хоногийн турш бид хичээлийн төсөл дээр хамтдаа ажиллахаар болсон.Баг тус бүр түүхэнд болсон чухал үйл явдлуудыг сонгон авч судалгаа хийн мөн гарсан уршгийг тэмдэглэж авна гэж багш хэллээ.

"Юуны тухай судалгаа хийхээ бодож олох арван минут та нарт өгье" гээд ноён Данфорд хэлээд ширээ рүүгээ алхав.

"Тэгэхээр чамайг найзуудтай болсныг харахад энд чи хүмүүст нэлээн их танигдсан бололтой." гэсээр тэр хуруугаараа ширээг удаанаар тоншлоо.

"Би олон хүмүүс танихгүй ээ.Зүгээр л сайн найзуудтай." гэж түүнд тайлбарлав.

"Тэгвэл Скайлор та хоёрын хувьд? Та хоёр дотно биш гэж үү?"гэж тэр асуулаа.

"Мэдээж үгүй.Би хэдхэн удаа л түүнтэй орооцолдож байсан болохоос биш тийм зүйл огт биш.Бас тэр муухай ааштай." гээд нүдээ эргэлдүүлсээр түүн рүү харав.

"Тэр надад муухай ааштай санагддаггүй" гэж хэлээд тэр Скайлор луу нүдээ ирмэлээ.

Мэдээж тэр өөрийнхөө хажууд сууж байсан охинтойгоо инээлдээд байж байв.

"Тэгэхээр хичээлийн тухайд чи юу гэж бодож байна?"гээд би ярианы сэдвээ өөрчлөхөөр боллоо.

"Өө тийн Cleopatra-г сонгоё"

• • •

"Скай, Колтон та хоёр юу болсон бэ?Үерхэхээр болсон уу?"гэсээр Бонни муухай инээв.

"Юуу? Үгүй ээ.Би тэгнэ гэж бодохгүй байна" Би энэ жил хэтэрхий эрт хүнтэй үерхэж эхэлмээргүй байна

"Чи худлаа л хэлээд байна даа" гээд Жон бургерээ хазлаа.

"Амаа тат" гэсээр би усан үзэм түүн рүү шидэв.Би түүний нүдийг онож цохино гэж бодсон ч тэр амаа ангайсаар түүний аманд орчхов.

Тэр баяссаар "Баярлалаа хонгор минь"

"Колтон, юу байна даа хөгшөөн" гэсээр Жон Колтоныг хөнгөн нудраад ширээн дээр сууцгаалаа.

Колтон тэр хоёртой мэндэлчхээд над дээр ирэв."Сайн уу Скайлин, юу байна"

"Тайван.Чамаар юу байна?" гэж би асуув.

"Энэ Баасан гараг Halloween-ы үдэшлэг болно.Та нар очих уу?" гэсээр тэр бид нар луу харлаа.

"Мэдээж би очно" гээд Жон мишилзэв.

"Брэтт ирэх болов уу?" гэж Бонни асуулаа.

"Мэдэхгүй ээ.Гэхдээ хөгжилтэй байх болно оо"гээд тэр мөрөө хавчив.

"Ойлголоо"гэсээр Бонни инээмсгэллээ.

Тэгээд бүгд над руу харцгаав.

Би санаа алдсаар "За яахав."

"Тийм ээ!" гэж Бонни инээгээд "Хөгжилтэй байх болно оо, Скай хоёулаа шинэ хувцас авах хэрэгтэй."

Хичээлийн дараа Бонни бид хоёр хувцас авахаар дэлгүүр орлоо.Тэр эцэст нь тод хөх өнгийн хослол авсан бол би өөртөө хувцас хайсаар л байна.

"Алив л дээ Скай.Хоёулаа бүтэн цаг энд байлаа.Чамд таалагдсан хувцас байна уу?" гээд тэр бувтнав.

"Одоохондоо байхгүй" Тэр өдрийг сайхан өнгөрүүлэхийн тулд хувцсаа сайн бодож байж авах хэрэгтэй.

Тэр жижиг сандал дээр суун утсаа оролдож эхэллээ.Би тэндээс холдон алхав.

"Скайлин! Энэ чи мөн үү?" гэх хоолой ардаас сонсогдлоо.

Би эргэж харвал Чейс зогсож байх нь тэр.

Би инээмсэглээд "Сайн уу Чейс."

"Чи ч гэсэн үдэшлэгт явах хувцсаа сонгож байна уу?" гэж тэр асуув.

"Тийм ээ, бас би хувцсаа сонгоход ийм ярвигтай байна гэж бодсонгүй" гэсээр би нүдээ эргэлдүүллээ.

"Надад нэг санаа байна" гээд тэр жуумалзав.

"Ямар?"

Эхэндээ надад байдаг л нэг энгийн юм шиг санагдаж байсан боловч надад үнэхээр зохисон хөөрхөн хослол байсан юм.

"Хмм.Сайхан санаа байна"гэсээр би толгой дохилоо.

"Тэнд уулзъя, Скайлин" гээд тэр даллав.

Би Бонни руу очоод "Өмсөх хувцсаа олчихлоо!"

• • •

Дараагийн өдөр хичээл тараад Жижи намайг түүхийн төслөө хийхээр гэртээ урилаа.Тэднийх манай гэрээс холгүй байдаг.

Бид эхлээд жижиг нугалбар дээр чимэглэн бичив.

"Энэ дажгүй харагдаж байна."

"Би дахиад сэдвээ өөрчилж байгаагаа мэдэж байна л даа, гэхдээ Скайлор та хоёр хоорондоо ямар ч харилцаагүй гэдэгтээ итгэлтэй байна уу?"гээд тэр хатуу цаасан дээр гараараа товшино.

"Тоглоод байна уу? Тэр надад таалагддаггүй, бас мэдээж тэр ч надад дургүй." гэсээр би мөрөө хавчлаа.

"Үнэндээ манай дүү түүнтэй болзоонд явахаар болсон л доо.Чамд эвгүй байж магадгүй гэж бодсон ч үнэхээр зүгээр юм байна." гэж тэр инээмсэглэсээр хэлэв.

"Чи дүүтэй юм уу?" гэж би асуулаа.

"Тийм ээ, Авери гэдэг.Тэр манай түүхийн анги.Өчигдөр Скайлортой хамт суусан." гэсээр надад тайлбарлав.

"Мм.." гээд би хөнгөхөн санаа алдлаа.

"Хөөе, тэд ирж байна." гээд тэр цонх руу харан инээмсгэлэв.Авери гэх охин Скайлорын мотоциклоос бууж байхыг би харлаа.

Аххх, өчигдөр л мотоциклийг нь хулгайлсан юм шиг санагдаж байна.

Үнэндээ надад бага зэрэг хачин мэдрэмж төрж байна.Би Авериг мэдэхгүй ч ямар ч байсан Скайлорт тохирохгүй.Тэр ямар хүн билээ дээ.

Би хардаад байна уу даа?Үгүй ээ, үгүй, үгүй.Тэгж болохгүй.Би түүнд дургүй.Тэр бүдүүлэг, ширүүн.Бусдыг дорд үздэг.

"Тэр чамайг бороотойд гэрт чинь хүргэж өгсөн"гэж дотор минь хэлнэ.

Би хурдхан шиг "Ээж намайг дуудаад байна" гэж Жижи-д худлаа хэллээ.Тэр намайг хүргэж өгье гэсэн боловч өөрөө алхъя гэж хэлээд зөвшөөрсөнгүй.Жижи намайг гэрийнхээ гадаа гаргаж өгөхөөр болов.Бид хоёр гарах гээд хаалгаа онгойлгоход Авери, Скайлор хоёр өөдөөс орж ирлээ.

Тэр намайг хараад гайхсан бололтой "Скайлин, чи энд юу хийж байгаа юм?Нөгөө найзууд руугаа очооч дээ." гэж хэлчхээд Авери-руу харан инээмсгэлэв.

"Чиний сургууль гэж нэрлэдэг газарт чинь бусад хүмүүс хоорондоо хамт хичээлээ хийж болдог юм!" гээд би цэцэрлэгийн багш жоохон хүүхэд загнаж байгаа юм шиг хэллээ.

Тэр нүдээ эргэлдүүлэв.

"Сургууль дээр уулзъя, Жижи" гэж би түүн рүү даллаад хаалга руу алхлаа.

"Чи гэр лүүгээ алхах гэж байгаа юм уу?" гээд Скайлор миний бугуйнаас барин намайг зогсоов.

"Тийм ээ.Эндээс нэг их хол биш." гэсээр түүнээс гараа салгалаа.

"Чи дахиад миний мотоциклыг хулгайлах юм бол жинхэнээсээ үхсэн гэж мэд"

"Өө бүр айчихлаа." гэж айсан дүр үзүүлэв.

Би гэр лүүгээ алхаж эхэллээ.Оройны таван цаг болж нар аажмаар жаргаж эхэлнэ.Ганцаараа алхахад үнэхээр сайхан, тайван байна.Гэхдээ харамсалтай нь энэ байдлыг чанга моторын дуу тасалдууллаа.

"Энд суучих" гэж Скайлор хамгаалалтын малгайгаа аван хэлэв.

"Баярлалаа, гэхдээ алхсан нь дээр байна" гээд би алхлаа.

"Яагаад? Мотоциклд суухаас айж байна уу?"

Би алхахаа болин түүн рүү муухай хараад "Би чиний энэ мотоциклыг чинь хулгайлчхаад яагаад айна гэж?" гэсээр би толгойгоо сэгсрэв."Аан бас чи энд юу хийж байгаа юм? Би уг нь чамайг Аверигийнд байх ёстой гэж бодсон юмсан."гэж хэлчхээд үргэлжлүүлэн алхлаа.

Би явган хүний замаар алхах бөгөөд тэр миний хажууд чимээгүй л мотоциклоо миний алхаж байгаа хурдтай адил хэмжээтэй болгоод удаанаар унана.

Тэр намайг гэртээ орох хүртэл мотоциклтойгоо хамт явлаа.