ផ្តើមរឿង

តុប តុប តុប

សម្លេងស្បែកជើងកែងប៉ះទង្គិចនឹងឥដ្ឋរលោងស្អាតបង្កជាសម្លេងកងរំពងដែលជាហេតុធ្វើឲ្យម្ចាស់ស្បែកជើងពណ៌ផ្ទៃមេឃនោះដើរយ៉ាងជឿជាក់ សក់វែងរលាស់រសាត់តាមកម្លាំងខ្យល់បក់បង្កើតជាទស្សនីយភាពដែលធ្វើឲ្យនាងក្លាយជាទីចាប់

អារម្មណ៍របស់អ្នកនៅជុំវិញនាង ដៃសក្បុសដូចសំឡីអូសវ៉ាលីពណ៌ក្រហមស្រាលដើរចេញពីព្រលានយន្តហោះ រាងស្តើងដែលស្ថិតក្នុងអាវសាច់ក្រណាត់ក្រហមនិងខោវែងជើងធំខ្មៅរលើបនោះ យកដៃទាញវែនតាខ្មៅចេញថ្ពក់ជាមួយកអាវនិងបញ្ឈប់ដំណើររបស់ខ្លួនដោយលើកដៃសម្លឹងមើលទៅនាឡិកាម៉ាកBrandដែលមានតម្លៃថ្លៃ ទ្រនិចនាឡិកាចង្អុលទៅម៉ោង4:25PM បន្ទាប់មកនាងបន្តដំណើរចេញមកខាងក្រៅប្រលាន។ មើលទៅដូចជាគ្មាននរណាម្នាក់មកចាំទទួលនាងក្រមុំសោះ បើតាមសង្កេតមើលគឺឃើញនាងដើរម្នាក់ឯងមិនដូចជាអ្នកដទៃដែលមានគ្រួសារ សាច់ញាតិឬមិត្តភក្តិមកទទួលប្លែកអីតែនាងដែលដើរតែលតោលតែឯង។ ត្រូវហើយភ្លេចថាស្រីក្រមុំរបស់យើងគ្មានសាច់ញាតិឬបងប្អូនមកពីណាទេ ព្រោះនាងជាស្រីស្រស់ខ្លួនមួយ ដែលធ្វើដំណើរជុំវិញពិភពលោកតែកុំច្រឡំដែលធ្វើដំណើរនេះមិនមែនដើរលេងទេ តែគឺដើម្បីបំពេញ

ភារកិច្ច!!

ភារកិច្ចអ្វី?

Min Kuxingជាអ្នកដែលមកពីកន្លែងណាក៏មិនដឹង នាងមានថាមពលពិសេសដែលអាចសម្រេចបំណងប្រាថ្នា3យ៉ាងឲ្យមនុស្សម្នាក់បាន មិនថាគេចង់បានអ្វីនាងអាចធ្វើឲ្យបំណងនោះក្លាយជាការពិតទាំងអស់។ ប៉ុន្តែធ្វើយ៉ាងម៉េចទើបទទួលបានឱកាសដ៏ពិសេសនេះ?មិនមែនមនុស្សគ្រប់គ្នានាងអាចសម្រេចបំណងឲ្យបាននោះទេ នាងសម្រេចបំណងឲ្យអ្នកដែលមានឈ្មោះនៅក្នុងName list

ប៉ុណ្ណោះ។ ហើយគោលដៅចុងក្រោយរបស់នាងគឺប្រទេសកូរ៉េ។ អេ៎! តើនាងជាអ្វីទៅទើបអាចមានសមត្ថភាពពិសេសបែបនេះ?

___

Kuxingដើរចូលទៅក្នុងឡានតាក់ស៊ីដែលឈប់នៅខាងមុខនាងនិងមានអ្នកបើកតាក់ស៊ីនោះជាអ្នកយកវ៉ាលីទៅទុកនៅគូទឡាន។ ម៉ាស៊ីនបញ្ឆេះដោយអ្នកបើករួចហើយក៏បរចេញទៅ។ Kuxingដកកូនសៀវភៅមួយចេញពីក្នុងកាបូប ក្របសៀវភៅនោះធ្វើមកពីស្បែកពណ៌ត្នោតនៅលើនោះដូចជាមានអក្សរមួយជួរ អក្សរនោះដូចជាមិនធ្លាប់ឃើញសោះ មិនដឹងថាជាអក្សរអ្វីទេ នាងបើកសៀវភៅឡើងស្រាប់តែមានពន្លឺពណ៌សភ្លឺចេញមក មួយភ្លែតប៉ុណ្ណោះវាក៏បាត់ទៅវិញ។ នាងបើកម្តងមួយទំព័រៗ បើយើងសង្កេតឲ្យច្បាស់រាល់ទំព័រនីមួយៗសុទ្ធសឹងតែមានអក្សរទាំងអស់ ស្រីស្រស់បើករហូតដល់ទំព័រចុងក្រោយ នៅលើសន្លឹកចុងក្រោយមិនមានអក្សរច្រើនដូចសន្លឹកមុនៗទេ មានត្រឹមតែអក្សរមួយជួរ ប្រហែលជាឈ្មោះរបស់មនុស្សទៀត អក្សរនោះសរសេរថា...

Jeon Jungkook!

___

ឡានតាក់ស៊ីឈប់នៅមុខCondoដ៏ខ្ពស់ស្រលឹម នាងក្រមុំដកលុយពីកាបូបហុចទៅឲ្យអ្នកបើកតាក់ស៊ីរួចអូសវ៉ាលីដើរចូលទៅក្នុងCondo។

«សួស្តីអ្នកនាងមានអ្វីឲ្យខ្ញុំជួយដែរទេ?»បុគ្គលិកស្រីម្នាក់និយាយទៅកាន់Kuxing។

«ខ្ញុំមកយកសោរបន្ទប់Condoដែលខ្ញុំបានទិញកាលពីអាទិត្យមុន»Kuxingឆ្លើយយ៉ាងគួរសម។

«សុំឈ្មោះអ្នកនាងមួយមកនាងខ្ញុំនឹងឆែកជូន»

«Min Kuxing»

«សូមអ្នកនាងរងចាំបន្តិច»Kuxingញញឹមស្រាលជាការយល់ព្រម។

មួយសន្ទុះក្រោយមក

«ឃើញហើយចាស៎ នេះជាកូនសោរបន្ទប់របស់អ្នកនាង បន្ទប់188នៅជាន់ទី5ឡើងតាមប្រអប់យន្តហើយបត់ឆ្វេងដើរទៅត្រង់នឹងដល់ហើយចាស៎»

បុគ្គលិកហុចសោរបន្ទប់មកឲ្យរាងស្តើង នាងទទួលរួចងក់ក្បាលហើយដើរតម្រង់ទៅរកប្រអប់យន្តដើម្បីឡើងទៅបន្ទប់។

___

ទឹង!

សម្លេងប្រអប់យន្តលោតបញ្ជាក់ថាដល់ជាន់ដែលបានកំណត់ ស្រីល្អធ្វើដំណើរទៅតាមអ្វីដែលបុគ្គលិកស្រីនោះប្រាប់ Kuxingឈរនៅមុខបន្ទប់Condoរបស់ខ្លួនរួចចាក់សោរចូលទៅខាងក្នុង។ បន្ទប់ទាំងមូលមានសភាពធំទូលាយនិងថ្មីដូចជាមានអ្នកមកសម្អាតជាប្រចាំ បន្ទប់ទទួលភ្ញៀវរៀបគ្រឿងប្រដាប់យ៉ាងប្រណិតដែលនៅខាងស្តាំដៃមាន សាឡុងពណ៌ខៀវចាស់ តុកញ្ចក់នៅខាងមុខសាឡុង និងមានទូរទស្សន៍ដ៏ទំនើបនៅជាប់ជញ្ជាំងទល់មុខសាឡុង នៅខាងឆ្វេងគឺផ្ទះបាយ បើដើរទៅត្រង់គឺជាបន្ទប់គេង ក្រៅពីនេះនៅក្នុងCondoក៏មានបំពាក់គ្រឿងបរិក្ខារជាច្រើនទៀត។ នាងល្អដើរទៅជិតសាឡុង យកម្រាមចង្អុលអូសទៅលើសាឡុងឃើញថាគ្មានធូលីបន្តិចទេទើបបន្តដំណើរទៅបន្ទប់គេង។ មាឌតូចអូសវ៉ាលីមកក្នុងបន្ទប់សម្លឹងមើលជំុវិញខ្លួន បន្ទប់នេះធំគួរសម មានគ្រែធំមួយដណ្តប់ដោយពូកពណ៌ប្រផេះនិងមានខ្នើយកើយពីរពណ៌ខៀវស្រាលរួមទាំងភួយពណ៌ដូចទៅនិងខ្នើយដែលបង្អួតរាងនៅកណ្តាលបន្ទប់ បន្ទាប់ពីនេះមានតុសំអាងមួយនៅជិតគ្រែឯចុងជើងគឺមានសាឡុងមួយទៀត ខាងឆ្វេងគ្រែ គឺមានទ្វារធំមួយដែលមានវាំងននសក្បុសបាំងពន្លឺ។ ខាងស្តាំគ្រែគឺមានទូរខោអាវធំមួយទៀត។

រាងតូចច្រលឹងបន្ទន់ជង្គង់ចុះរូតវ៉ាលីយកខោអាវទៅដាក់នៅក្នុងទូរនិងរបស់របរផ្សេងទៀតចេញមកខាងក្រៅ បន្ទាប់ពីរើឥវ៉ាន់ចេញពីវ៉ាលីអស់ហើយនាងរុញវ៉ាលីនោះទៅគៀនទូរខោអាវនិងយករ៉ូបមួយ

ចេញមកហើយដើរចូលទៅក្នុងបន្ទប់ទឹក(បើបើកទ្វារចូលមកត្រូវបត់ស្តាំ)ដើម្បីមុជទឹក។ ម្ចាស់កាយស្តើងដើរចេញពីបន្ទប់ទឹកមកដោយស្ថិតក្នុងរ៉ូបពណ៌ទឹកក្រូចដៃខ្លីប៉ោងធំនិងមានផ្កាឈូករ័ត្នតូចធំជាម៉ូត។ នាងក្រមុំដើរទៅបើកភ្លើងបំភ្លឺបន្ទប់ព្រោះមេឃដូចជាធ្លាក់ងងឹតហើយមុននឹងដាក់ខ្លួនអង្គុយលើពូកទាញទូរស័ព្ទមកមើលឃើញថាម៉ោង6:30PM។ ដៃស្រឡូនដូចបន្លាក្រូចលូកចាប់យកសៀវភៅពណ៌

ត្នោតមកបើកមើល ដូចលើកមុនវាបញ្ចេញពន្លឺហើយក៏បាត់ទៅវិញក្នុងពេលមិនដល់10វិនាទី ទំព័រចុងក្រោយនៅតែមានអក្សរJeon Jungkook

ដដែលគ្មានផ្លាស់ប្តូរ ម្រាមបន្លាក្រូចអង្អែលទៅលើសន្លឹកសៀវភៅកន្លែងដែលមានអក្សរស្រាលៗនិងពោលឡើង...

«សល់តែម្នាក់ទៀតប៉ុណ្ណោះឯងនឹងបានទៅកន្លែងដើមហើយ»សម្លេងពោរពេញដោយក្តីសង្ឃឹម នាងចំណាយពេលមកយូរណាស់ទម្រាំតែដល់អ្នកចុងក្រោយ មិនយូរទៀតទេ Kuxingញញឹមឡើងពេញដោយក្តីសុខ។

«ចាប់ផ្តើមពីស្អែកនេះ»Kuxingនិយាយយ៉ាងជឿជាក់ កែវភ្នែកនាងបញ្ចេញពន្លឺធ្វើឲ្យដឹងថានាងត្រៀមខ្លួនរួចរាល់សម្រាប់ភារកិច្ចចុងក្រោយ។

To be continue...