***

Mahabang katahimikan ang namayani. Bakas naman sa muka nila ang gulat sa sinabi ko, pero natahimik silang lahat. Hindi siguro nila maitanggi sa sarili nila na maaring iyon na ang puwedeng solusyon dito.

"We will think about it." Si Kyle ang bumasag sa katahimikan tapos hinila niya si Bella at umalis sila doon. Si Vien at Charlene naman halos sabay napabuntong hinga at magkasamang umalis na din dito. Kaya naman solo na kami ni Louie ngayon.

"Tayo na lang kaya pakasal." Agad kong nabatukan si Louie dahil doon. Loko din talaga ang isang ito, lalo kapag may topak.

"Biro lang." Natatawang sabi niya. Sinamaan ko siya ng tingin pero, mukang hindi man lamang siya natinag.

Matapos niyang tumawa. Hinila niya ko papunta sa may balcony. Ang ganda ng view. Sunset! Napaka-refreshing tingnan ng langit na may iba't ibang kulay, red, orange, white, at parang violet. Nakakagaan sa pakiramdam makita ito.

Maya maya may nakita ako fire ball sa unahan ko, lumingon ako. Galing kay Louie. Ngumiti lang siya sa akin, kaya humarap na lang ulit ako sa magandang view. Pagka harap ko doon sumabog yung fire ball na ginawa niya at nagkaroon ng iba't ibang kulay mula doon. Natuwa naman ako dahil doon.

"Maganda ba?" Tanong niya, nakita ko sya sa gilid ko. Nakangiti sya.

"Sobra." Iyan na lang ang sinagot ko. Habang nanunuod ako ng sunset may naisip ko. Simple but extraordinary lalong lalo na katabi mo at kasama mo pang manuod ang taong nagpapasaya sayo, ang taong mahalaga sa buhay mo

***

Maya-maya dumiretso na ako sa kwarto namin ni Bella at humiga agad sa kama. Napansin ko ding wala si Bella kaya hinayaan ko na lamang. Ano kayang mangyayari sa kanila.

Mahal naman ni Bella at Kyle ang isa't-isa hindi maitatanggi iyon. Kaso, baka ituring nila ang lahat na masyadong mabilis, lalo na kasal ang pinag-uusapan. Hindi naman kasi basta basta iyon.

Subalit, kung titingnan mo mukang nakatakda naman silang dalawa para sa isa't-isa. Ang saya nilang panuorin kapag magkasama, tapos makikita mo sa mga mata nila na parang mawawalan sila ng ganang mabuhay kapag nawalay sa isa't-isa.

Wala naman sigurong masama kung ang iisipin nila ay ang magpapasaya sa kanila hindi ba? Sabihin na nating mabilis ang mga pangyayari at iba pa, pero hindi ibig sabihin noon hindi magiging maayos ang relasyon nila.

"San ka galing?" Agad akong napabagon at napalingon noong may biglang mag-salita at pumasok dito sa kwarto. Andito na pala si Bella.

"Oh, andyan ka na pala. Galing ako sa balcony kanina, kasama ko si Louie." Pahayag ko. Ngumiti naman siya sa akin at saka umupo dito sa kama.

"Anong nangyari sa inyo ni Kyle?" Tanong ko naman. Bago pa sagutin ni Bella ang tanong ko, nag-buntong hininga muna siya at biglang humiga sa kama. Nabitin tuloy ako, hindi sumagot sa tanong ko.

"Bella, ano nga? May kasalan na bang magaganap?" Excited na tanong ko. Humarap naman sa akin si Bella na walang ekspresyon sa muka. Ang sarap tuloy batukan nito. Asar.

Umupo naman siya pero nanatiling tahimik. Parang bumilis tuloy ang tibok ng puso ko dahil sa ina-akto niya. Mahabang katahimikan ang nangyari, pagkatpos tumungo siya. Kinabahan naman ako doon, baka kasi masamang idea na tinanong ko siya.

"Bel---"

"Oo, Ayisha." Mula sa pagkakatungo ay inangat niya ang ulo niya habang mayroong ngiting nakapinta sa muka.

Samantalang ako naman ay natigilan at parang na-estatwa sa pagkaka-upo sa kama. Nanatili akong nagmamasid sa itsura niya, pero isang matamis na ngiti pa din ang nakasilay doon.

Teka? Tama ba ko ng dinig? Tama ba yung narinig kong 'Oo, Ayisha'? Unti unti nag-proseso sa isipan ko ang sinabi niya. Hanggang sa hindi ko na maiwasang sumigaw.

"Omg! Omg! Omg!" Paulit ulit na sigaw ko habang pumapalakpak. Napatalin tuloy ako sa kama. "Sabihin mo Bella tama ba ang pagkakarinig ko?" Paninigurado ko ulit. Walang alinlangan namang tumango si Bella.

"Kyaa! Omg! Ikakasala na kayo ni Kyle? Bella, omg." Hindi mapakaling sabi ko at saka umupo ulit sa kama at nakipag-apir sa kaniya. Sobrang saya ang naramdaman ko ngayon para sa kanilang dalawa. Hindi ko maipaliwanag iyong buong nararamdaman ko, basta sobrang saya.

"Kalma, Ayisha. Late reaction ka na nga, ang OA pa ng dating." Natatawang sabi ni Bella, pero hindi ko iyon pinansin at dinilaan lang siya. Saka ako nagpagulong gulong sa kama dahil sa sobrang kilig. Haha.

Tumigil ako sa pagiging parang kiti-kiti at humarap ulit kay Bella. "Totoo talaga iyon sinabi mo Bella ha? Ikakasal na kayo?"

"Oo nga! Kulit, paulit ulit ka na dyan." Wika niya. "Napag-isipan na din naman namin. Magpapakasal kami, pero kapag hindi naging maayos ang relasyon namin dahil ilang taon lang tayo, maghihiwalay na lang kami. Pero sa ngayon, our decision is final. We'll get married soon. Para hindi matuloy ang kasal nila ni Vien. Saka okay lang naman sa akin at sa kanya. Parehas naman namin alam ang nararamdaman ng isa't-isa." Paliwanag niya kaya't nagtitili nanaman ako na para bang ako iyong ikakasal. Haha. Wala kasing mapag-sidlan ang kasiyahan ko.

"Ang swerte mo. Kyaaa~!" Sigaw ko ulit.

"Anong nangyayari?!" Napalingon naman kami bigla ni Bella sa pinto noong halos lumagabag ito. Nandoon sina Kyle, Louie, Charlene at Vien na mukang nagtataka at nag-aalala, natigil tuloy ako sa pag-sigaw

Lumapit agad si Louie sa akin pagkatapos ay hinawakan ako sa pisngi. "Okay ka lang ba?" Nag-aalalang tanong niya. Agad naman akong tumango doon.

"Bakit kayo andito?" Tanong naman ni Bella.

"Sigaw kasi kayo ng sigaw. Akala namin may nangyari na." Sabi naman ni Kyle tapos lumapit na din kay Bella. Pagkatapos sina Charlene umupo na din sa kami namin.

"Aba! Si Ayisha, sisihin nyo makatili wagas." Natatawang sabi ni Bella. Napa-nguso naman ako dahil doon.

"Tch! Sino ba naman hindi titili nung sabihin mong payag na kayong makasal ni Kyle." Depensa ko naman, habang naka-cross arms. Bigla namang natahimik ang lahat kaya't nagtaka ako. Magtatanong na sana ako noong bigla na lamang tumili ng sabay si Charlene at Vien.

"Bellaaa~ Kyleeee~ Omg!" Tamo iting mga ito, reaksyon ko reaksyon din naman nila.

"Congrats, dude." Biglang sabi ni Louie kay Kyle, tapos nagkamayan sila. Niyakap naman bigla ni Kyle si Bella mula sa likod habang naka-upo. Bigla tuloy kaming napatiling tatlong babae.

"Sasakit tainga ko sa inyo eh!" Reklamo ni Bella, pero tinawanan lang namin iyon.

"Sus. Kilig ka lang dyan eh." Nagkatinginan kaming tatlo Nina Vien pareparehas kasi kami ng sinabi.

"Ako, payakap nga!" Nagulat ako noong biglang sinabi at gawin iyon ni Louie. Pakiramdam ko tuloy namula ng sobra ang muka ko.

"Sige na, kayo na ang may partner. Kami na ang wala." Malungkot at nakasimangot na sabi ni Charlene kaya't nagkatawanan kami.

Nagtagal sila sa room namin nila Bella ng konti pang oras, pero maya maya rin naman umalis na sila. Bukas magsisimula na kami mag-plano para sa kasal nila. Samantalang iying training ko, tuloy parin.

Ang saya ng nangyari ngayon, sana magtuloy tuloy na.

***

The next 6 days

Andito kami ngayon ni Kyle sa training ground sa ilalim ng pond na yun.

Mabilis kong natututunan ang lahat ng tinuturo niya sa akin, kasi nung mga nakaraang araw masaya at magaan lang pakiramdam ko. Siguro nakatulong iyon para maging ganado ako sa training at magawa ko ng mabilis at pulido ang mga itinuturo niya sa akin.

Ngayon ang kailangan ko na lang gawin ay ang kalabanin ang higanteng whale shark na ito, kahit malaki sya sobrang bilis niya kumilos

Sumakay ako sa ibabaw nito at gumawa ng lubid gawa sa tubig at itinali ko sa kaniya. Nagwala ito kaya napabaliktad baliktad ako. Nalaglag tuloy ako nakawala nanaman sya. Aish! Kahapon pa itong balyenang ito.

Gumawa ako ng maraming water weapon at ipinagbabato sa kaniya, pero niisa walang tumama. Kumuha ako ng timing at sumampa uli sa likudan niya. I balanced myself on the top of the whale shark, para tuloy siyang naging surfing board sobrang laki nga lang.

Nagwala nanaman ito dahil sa ginawa ko. Gumawa ako ng malaking water knife, at tinarak ko ito sa likod niya, malakas na ungol ang narinig ko. Para tuloy akong naguilty dahil sa ginawa ko. Kahit medyo labag sa loob ko hinayaan ko na lamang iyon at agad akong gumawa ng water rope at ginamit ulit iyon sa kaniya para matigil siya sa pagwawala. At matapos ang ilang sandali, sa wakas naitali ko rin siya.

Nagawa ko din at hindi na nanlaban iyong whale shark.

"Yes! Natapos din!" Masyang wika ko. Nakita ko naman si Kyle na nakangiti.

"Mabuti naman binilisan mo, tatlong oras na lang, wedding na." Nakangiti ng sabi ni Kyle, kaya't napangiti din ako ng sobrang lawak.

"Bilis! Tara na excited na ako." Aya ko sa kaniya.

"Oo na, oo na. Wait lang!" Nauna kase ako pag-ahon sa kaniya. Agad kong tinuyo yung sarili ko, at agad lumipad patungo sa portal!

Excited ako dahil ngayon ang kasl, subalit hindi ito ganoong engrande. Kami kami lamang ang nakaka-alam ng kasal, dahil baka kapag nalaman ito ng iba ay madami ang tumutol, kaya naman ang kasalang magaganap ay isang malaking sikreto.

***