ကိဝီစာမေးပွဲပြီးသွားခဲ့ပြီး ဖြစ်သည်။ ရဝိန်နှင့်လည်း မတွေ့ဖြစ်တော့။ ရဝိန်သည်လည်း စာမေးပွဲနီးလာပြီးဖြစ်၍ အရေးကြီးဘာသာများအတွက် အနီးကပ်ကျူရှင်လိုက်တတ်နေသည်။

ခုဆိုလျှင် ကိဝီ ပန်းဖြတ်၊ ပေါင်းတင်အလုပ်ကိုပဲ လုပ်ဖြစ်သည်။ ရဝိန်အား သတိရမိသော်လည်း ကိဝီ အတတ်နိုင်ဆုံးသည်းခံပြီးနေသည်။

ရဝိန်ရှေ့၌ တွက်စာရှင်းနေသော ဆရာမထံ၌ အာရုံမရှိ။ ပိစိကိုပဲ သတိရနေမိ၏။

" ဘယ်ဆီရောက်နေလဲ ပိစိ"

ရဝိန် စာမေးပွဲပြီးပြီးချင်း တစ်ခါမှမရောက်ဖူးသေးသော ပိစိအိမ်သို့ အတည်ပြုစရာအတွက်သွားခဲ့သည်။ ခြံရှေ့ရောက်လျှင် ယောင်လည် လည်နှင့် ပိစိအားတွေ့လို့တွေ့ငြား စောင့်နေမိ သည်။ သို့​သော် ကံကြမ္မာက ကျီစယ်၏။

" ကောင်လေး ဘာလုပ်နေတာလဲ "

" ကိဝီတို့အိမ်မလား၊ ကိဝီကိုစောင့်နေတာပါ အဒေါ် "

" ကိဝီတို့ပြောင်းသွားပြီးလေ ကောင်လေး၊ မသိလိုက်ဘူးလား။ တစ်ပတ်လောက်တောင်ရှိပြီး "

ရဝိန် ဘာစကားမှပြန်မပြောနိုင်တော့။ လာမေး​

သောသူသည်လည်း သူ့အိမ်ထဲသူပြန်ဝင်သွားခဲ့ပြီး။

" လွမ်းတယ် ပိစိ၊ ပြန်တွေ့လို့ကတော့ ထွက်သွားခွင့်မပေးတော့ဘူး၊ ငါ့ရင်ခွင်ထဲ အပိုင်သိမ်းထားမယ်၊ အိမ်မက်ထဲက ကောင်မလေး ဟုတ်ဟုတ်၊ မဟုတ်ဟုတ် ငါ့ မင်းကို ချစ်တယ် "

➡➡➡➡➡➡➡➡➡➡➡➡➡➡➡➡➡➡➡➡➡➡➡

၃နှစ်ရှိပြီး။ အိမ်မက်နှင့်သာ ကိဝီ "မောင်"အား

လွမ်းစိတ်ဖြေနေရသည်။ "မောင်"ဟု တိတ်တိတ်လေးခေါ်ခွင့်ရနေသည်နှင့်တင် ကိဝီပျော်နေနိုင်အောင်ကြိုးစားခဲ့သည်။ ကိဝီ ကျောင်းမပြီးခဲ့ပါ။ အခုဆိုလျှင် ကိဝိီတစ်ကောင်ကြွက်ဖြစ်ခဲ့လေပြီး။ ဒေါ်လေးဆုံးသည်မှာလည်း ၃နှစ်ပြည်ခဲ့ပြီး။ ဒေါ် လေး ဆေးရုံ၌ အသည်းအသန်ဖြစ်နေချိန်တွင် ရဝိန်၏ချစ်သူရောက်လာခဲ့သည်။

" ရော့ နင်လိုချင်တဲ့ ပိုက်ဆံ၊ ရဝိန်အနားထပ်မမြင်ရစေနဲ့၊ အဖေနဲ့ကိုကပ်တာ အားမရသေးဘဲ သား အနားထပ်ကပ်လာတာမလား "

ကိဝီ၏သိက္ခာကို ​စော်ကားပြော​ဆိုနေသည့်​ကိုမူ အလေးမထားအား။ ပေးလာသော ပိုက်ဆံသည် ဒေါ်လေးအတွက် အရမ်းလိုအပ်နေချိန် ဖြစ်နေ လေ၏။

" အလကားတော့ မယူပါရစေနဲ့ "

" အပိုတွေ ပြောမနေနဲ့၊ နင်ပြန်ဆပ်နိုင်လို့လား။ ငါ့ချစ်သူရဲ့အနီးမှာသာ ထပ်မတွေ့ရစေနဲ့ "

" ကိဝီလာတော့လေ "

ထိုင်ပြီး ငေး​တွေးနေ​သောကိဝီကို ကားမှန်ချ၍ ကားပေါ် တတ်ရန် သူဇာဝေလှမ်းခေါ်လိုက်သည်။ ကိဝီကားပေါ် ရောက်သည်နှင့် စကားစလာ၏။

" မဝေ လက်စွပ်ဝယ်ဖို့အတိုင်းပါရဲ့လား "

" မလိုဘူး။ ကိဝီလက်ငှားလေ OK"

" အင်း "

Queen စိန်တိုက်အတွင်း ခြေချလိုက်သည့်နှင့် အေးစိမ့်မှုက အပြေးမိတ်ဆက်လာသည်။ မီးရောင်များကြား ဖန်သားတို့ခြား၍ အလှပြထားသော ဘယက်၊ လက်စွပ်၊ စိန်ထည်တို့ကို အများအပြားတွေ့ရ၏။ ကိဝီငေးလျက် မဝေဦးဆောင်ရာနောက်ကိုသာ လိုက်သွားဖြစ်သည်။

ဒီနေ့ မင်းရဝိန် Queen စိန်တိုက်ကို စစ်​ဆေးဖို့ရန် တာဝန်ကျသည်။ ​ပိုင်ရှင်အစစ်မှာ သူ့ girlfriend ထံ သွားတွေ့နေသည်။ အခုဆို ရဝိန်သည် အမေ ဖြစ်သူ့နှင့် လိုက်နေဖြစ်သည်။ ရဝိန် အမေသည် lesbian တစ်ယောက်ဖြစ်၏။ အဖေဖြစ်သူ့ ဦးမျိုးမင်းနှင့် မိဘသဘောတူလို့ လက်ထက်ပြီး ရဝိန် ၄ နှစ်သား၌ အိမ်မှ ထွက်သွားခဲ့သည်ဟု ဆို၏။ လွန်ခဲ့သော ၂ နှစ်ခန့်မှ ရုတ်တရက်

ပြန်ပေါ်လာ၍ ရဝိန်ကို ယခုလက်ရှိအိမ်သို့

ခေါ် ခဲ့သည်။

" မင်းရဝိန် မင်းကအ​ခြောက်လား၊ ကိဝီကို မေ့လိုက်တော့၊ ငါပြောတာကြားလား "

" ဘာလို့လဲ။ကျွန်တော် ကိဝီကိုချစ်တယ်လေ "

" ပိုက်ဆံအတွက် ငါနဲ့အိပ်ခဲ့တယ်ဆိုရင်ရော မင်းဆက်ချစ်အုန်းမလား ရဝိန် "

" ဆက်ချစ်နေအုန်းမှာ "

စိတ်ပျက်သွားစေရန်ပြောလိုက်သော်လည်း

မထင်ထားသော အဖြေကိုပြန်ဖြေလာ၍ ဦးမျိုးမင်း ဒေါသထွက်ရ၏။

"ခွေးကောင် ခွပ် မင်းကအခြောက်လား ခွပ် "

လက်သီးဖြင့်ထိုးပြီး အခြောက်ဟု ခေါ်လာသည့် အဖေဖြစ်သူအား ရဝိန် ကြည်ရုံသာကြည်နေလိုက်သည်။ ဘယ်နှစ်ချက်ထိုးထိုးအရေးမစိုက်နိုင်။ ပိစိက တကယ်ပဲ ငွေအတွက်နဲ့...ဇော် စုံးစမ်းပေးတဲ့အတိုင်း တကယ့်လား ...ဟူ၍ကိုသာ အတွေးရောက်နေသည်။

" ရပ်လိုက်စမ်း ! ကျွန်မသားကို မထိနဲ့ ! ! "

" ပျိုမဒီ ! မင်းသားအခြောက်ကောင်ကို ခေါ်သွား၊ အခြောက်ကမွေးထားမှတော့ အဟက်

အခြောက်ပဲ ထွက်လာတာပေါ့"

မင်းရဝိန်အတိတ်က ပြီးခဲ့ပြီးဖြစ်သော စိတ်ညစ်စရာအတွေးတချို့ကို ရပ်တန့်စေလိုက်​ပြီး အနောက်တိုင်းဝတ်စုံမီးခိုးရောင်ကို ဝတ်ဆင်လိုက်သည်။ ကျစ်လစ်သော ခန္ဓာကိုယ်နှင့် အဝတ်စားတို့သည် အချိုးကျစွာရှိနေ၏။ ရဝိန် ၏အသားရောင်သည် ဖြူမနေဘဲ အညိုဘက်သို့သွား၏။ မျက်ခုံးထင်ထင်၊ နှာတံချွန်ချွန်၊ အနီရင့်ရောင်ပြေးနေသော နှုတ်ခမ်းတို့သည် အညိုရောင်အသားရောင်နှင့်လိုက်ဖက်စွာ ရဝိန်အား handsome ဖြစ်စေ၏။

လှေကားမှဆင်းလာသော အကိုလေးကြောင့် အိမ်အကူများ မနက်စာကို ချက်ချင်းပြင်ကြသည်။ အကိုလေးသည် မနက်စားကို ပူနွေးနွေး စားတတ်လေသည်။ ရဝိန်မနက်စာစားပြီး

အိမ်ပြင်ထွက်လိုက်လျှင် တစ်စုံတစ်ယောက်မှ

ကားတံခါးအသင့်ဖွင့်ပေးလာသည်။

" Queen စိန်တိုက်ကိုမောင်း "

သူဇာဝေသည် shipper တစ်ယောက် ဖြစ်လာ သည်။ ရည်းစားနှင့်ပြတ်ပြီးနောက်ပိုင်း ကောင်လေးများမြင်လျှင် မကြိုက်တော့။ ကောင်လေး အချင်းချင်းပေးစားချင်စိတ်သာ ရှိတော့သည်။ လက်ရှိ၌ ကိဝီနှင့်သက်ပိုင်ကို ပေးစားချင်နေမိ သည်။ သက်ပိုင်သည် ပါးလုံးလုံး၊ ဆံပင်အုပ်အုပ်လေးဖြင့် ချစ်စရာကောင်းသည်။ ကိဝီသည်လည်း စခင်သိခဲ့သော နှစ်ကထက်ပင် အရပ်ပိုရှည်လာပြီး မြင့်မားသောအရပ်နှင့် ရာစုသစ်၏ အလှလေးဖြစ်နေဆဲ။ ကောင်ချောလေးနှင့် ချစ်စရာကောင်လေးတို့သည် သိပ်လိုက်ဖက်တယ်မလား။

"ဟီးဟီး..."

အတွေးမှရယ်(ရီ)သံသည် နယ်ကျွံထွက်လာ၏။

" မဝေ မဝေ "

လက်စွပ်ကြည်နေလျက် ထရယ်(ရီ)လာသော မဝေကို သတိပေးလိုက်သည်။

" ဟီး...ကိဝီ ဒီလက်စွပ်လေးကြိုက်တယ်၊ လက်

ခဏငှား"

" ပိစိလား "

ရဝိန် လက်​ကောက်များ အဓိကထားရာဘက်မှ လက်စွပ်များထားရာဘက်ကို ကြည်လိုက်လျှင် အချိန်ကြာအောင် လွမ်းခဲ့ရသူကို တွေ့လိုက်သည်။ မမှားနိုင်ပေ။ ပိစိမှ ပိစိအစစ်ပင်။ အရပ် ပိုရှည်လာ၍ ပိစိလေးပင်မဟုတ်တော့။ လွမ်းနေသူကိုတွေ့လိုက်၍ ပျော်သွားသော ရဝိန်၏အ ပျော်တို့သည် ကျောဘက်ကိုသာ လှမ်းမြင်နေရသော စပွန်ဆာမကြောင့်ပျက်သွားရသည်။

"​ တောက် ! ! ! "