Dapat mong matutunan,

Na ang paghihintay,

Ay mayroong hangganan,

Lalo na kung walang patutunguhan at saysay

Kung ika'y sumusuko na sa isang bagay,

Wala namang masama at 'di nangangahulugang ika'y mahina,

Subalit mali ang sumuko sa buhay,

Marahil ay pagod ka ngunit maaari kang magpahinga

Itong tula' y patungkol sa aking pahimakas,

Dahil Ibig ko nang tumakas,

Dito sa mundong puno ng panghuhusga at pamimintas,

Ngunit hindi pa ito ang wakas

Ako'y mamamaalam,

Sa lahat ng sakit na aking naranasan,

Itong lahat ay akin ng iiwanan,

Subalit ang bawat saya ay mananatili sa aking puso't isipan at patuloy kong babalikan