..

Kay sarap sa tainga,

Ang isang tula,

Na magkatugma,

Labis na nakamamangha

Subalit sa mundong pabago bago at pare pareho,

Sa lahat ika'y naiiba,

Ngunit puso ko sa iyo ay sigurado,

Araw araw ay pipiliin ka

Kahit na ika'y tulang hindi tugma,

Akin pa ding nadarama

Ang iyong halaga,

Ito'y namumutawi sa bawat letra at salita

Tayo ay tula,

Na nilikha gamit ang pluma at tinta,

Upang ipahayag ang tunay na nadarama,

Habang nakamasid sa mga tala

Sabihin man nilang tayo'y 'di para sa

isa' t isa,

Sapakat hindi tayo akma,

Iyon ay balewala,

Ang mahalaga tayo ay tama at malaya