Pag-ibig ko sa iyo ay tapat,

Handang ibigay ang lahat,

Ngunit ito'y hindi pa ba sapat?,

Sapagkat iba pa rin ang iyong hanap

Aminadong hindi Maganda,

At mata ay malabo pa,

Ngunit aking nakikita,

Ang iyong tunay na halaga

Basura ka sa kanilang paningin,

Pero para sa akin ika'y gintong maituturing,

Mistulan kang bituin,

Na sa akin ay nagbibigay ningning

Nais kong iyong malaman,

Ang aking tunay na nararamdaman,

Huwag ka sanang tumingin sa panlabas na kagandahan,

Bagkus sa maganda at mabuting kalooban.