Ang buhay ay hindi isang karera,

Kung saan palaging may kumpitensya,

Ang buhay ay isang paglalakbay,

Patungo sa tagumpay

Ika'y wala sa paligsahan,

Na ang paunahan ay kailangan,

Ang kailangan mo ay magdahan-dahan,

Upang sa dulo'y hindi ka masugatan

Kung ika'y madapa at sa dilim ay mangapa,

Subukan mo munang tumayo bago sumuko,

Huwag mong idepende ang iyong saya,

Sa mga medalya at tropeyo na iyong nakamit mula sa pagkapanalo

Ang buhay ay panandalian lamang

Kung kaya't sa sarili'y huwag ipagkait,

Ang tunay na kaligayahang hindi mapapantayan,

Buhay ay iyong sulitin dahil ito'y 'di na muling mauulit