...

Mahirap maging mahirap,

Kaya ika'y magsumikap,

Para sa iyong mga pangarap,

Na nais makamit sa hinaharap,

Kahit na sa pahinga'y uhaw,

At sa pagod ay nalulusaw,

Huwag kang bibitaw,

Dahil malapit na ang araw,

Hindi mo kailangan maging mabilis ,

Para lamang karera'y mapangunahan,

Dapat ka na magtiis,

Dahil kahit gaano kahaba ang pila'y makararating ka din sa iyong paroroonan

Mabagal man ang progreso,

Ngunit magtiwala ka dito,

Hinding hindi ka mabibigo,

Basta't hinding hindi ka rin susuko

Hindi mo kailangang manghinayang,

Kung sa'yo talaga inilaan,

Walang sinuman ang makahahadlang,

Kaya't kumapit ka lang at patuloy na lumaban