...

Naranasan mo na bang magmahal ng palihim?

Sapagkat batid mong mayroon ng ibang sa kaniya'y umaangkin,

Kung kaya't ninais mong paulit-ulit na itanggi ang iyong damdamin,

Kahit ang totoo'y gustong gusto mo ng aminin ang iyong pagtingin

Marahil ika'y isang alipin ng pag-ibig,

Na kahit ano'ng tulak ng iyong bibig,

Ay siya rin na pagkabig ng iyong dibdib,

Walang magawa kundi hantayin ang kaniyang pagbisita sa iyong panaginip

Kahit hindi mo alam kung kailan siyang muling babalik,

Patuloy kang sa kaniya'y nananabik,

Marahil ganito nga kapag nagmamahal,

Kahit puso ay napapagal, patuloy pa rin na naghihintay kahit gaano pa katagal