...

Pagtuunang pansin ang sarili mong daloy,

'Di dapat magpaapekto sa karera ng mundo,

Ilang beses ka man nilang itinaboy,

Sa pagsalo sa sarili'y huwag kang susuko

Bawat tao'y may pinagdaraanang hirap,

Katagumpayan ay 'di madaling mahanap,

Hindi biglang lilitaw o bubungad,

Maraming pagsubok bago mo ito mapadpad

Kaya't ikaw ay magpakatatag,

Pakiramdam mo man ikaw ay isang bihag,

Ang mahalaga'y hindi ka nagpapakaduwag,

Alisin na sa iyong puso't isip ang mga bagabag

Hindi mo kailangan tumakbo para mauna,

Huwag mangamba sakali man na ika'y madapa,

Makakarating ka pa rin sa iyong paroroonan,

Basta't magpatuloy ka lang